ഉമ്മുല്‍ ഖുവൈന്‍: ഉമ്മുല്‍ ഖുവൈൻ ഇന്ത്യൻ അസോസിയേഷനില്‍ രണ്ടു ദിവസമായി നടന്ന ഓണാഘോഷം വിവിധ കലാപരിപാടികളോടെ സമാപിച്ചു. നാട്ടിൽനിന്ന് സന്ദർശനത്തിനെത്തിയ നിർമല ലക്ഷ്മൺ ഉദ്ഘാടനം നിർവഹിച്ചു.
സദസ്സിൽനിന്ന് തന്നെ ഒരു അമ്മയെ കണ്ടെത്തി ഉദ്ഘാടനം ചെയ്യിപ്പിച്ചത് വ്യത്യസ്ത അനുഭവമായി. പ്രസിഡന്‍റ് മുഹമ്മദ് മൊഹിദീൻ അധ്യക്ഷത വഹിച്ചു. വൈസ് പ്രസിഡന്‍റ് സജാദ് നാട്ടിക, ഓണാഘോഷ കമ്മിറ്റി ജനറൽ കൺവീനർ സി.കെ. നസീർ എന്നിവർ സംസാരിച്ചു. സെക്രട്ടറി രാജീവ്‌ സ്വാഗതവും ജോയന്‍റ് സെക്രട്ടറി റാഷിദ്‌ പൊന്നാണ്ടി നന്ദിയും പറഞ്ഞു.
രണ്ടാം ദിവസം ആയിരത്തോളം ആളുകൾക്ക് ഓണസദ്യ വിളമ്പി. പൂക്കള മത്സരം, മലയാളി മങ്ക, പുരുഷ കേസരി മത്സരങ്ങൾ അരങ്ങേറി.
ശ്രീപ്രിയ സുരേഷ്, അനു സ്മിതേഷ്, സുരേഷ് എന്നിവർ പൂക്കളമത്സരത്തിലെ വിജയികളെയും ആർ.ജെ. സാൻ, ആൻസി ഹർഷൽ എന്നിവർ മലയാളി മങ്ക, പുരുഷ കേസരി വിജയികളെയും തെരഞ്ഞെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.