മുകുൾ സാങ്മ
ഷില്ലോങ്: മേഘാലയയിൽ കോൺഗ്രസിന് കനത്ത തിരിച്ചടി നൽകി മുൻ മുഖ്യമന്ത്രി മുകുൾ സാങ്മ ഉൾപ്പെടെ 17 എം.എൽ.എമാരിൽ 12 പേർ തൃണമൂൽ കോൺഗ്രസിൽ (ടി.എം.സി) ചേർന്നു. ഇതോടെ തൃണമൂൽ കോൺഗ്രസ് സംസ്ഥാനത്തെ പ്രധാന പ്രതിപക്ഷ പാർട്ടിയായി.
പ്രധാന പ്രതിപക്ഷ പാർട്ടിയെന്ന സ്ഥാനം കോൺഗ്രസിന് നഷ്ടമായി. രാജി സംബന്ധിച്ച് എം.എൽ.എമാർ നിയമസഭ സ്പീക്കർക്ക് കത്തയച്ചതായി പാർട്ടി വൃത്തങ്ങൾ അറിയിച്ചു. പ്രതിപക്ഷ നേതാവായിരുന്ന സാങ്മ, കോൺഗ്രസ് ഉന്നത നേതൃത്വത്തോട് അതൃപ്തി പ്രകടിപ്പിച്ചതായി റിപ്പോർട്ടുണ്ട്.
ലോക്‌സഭ എം.പി വിൻസെൻറ് എച്ച്. പാലയെ പാർട്ടി സംസ്ഥാന അധ്യക്ഷനായി നിയമിച്ചതിൽ അദ്ദേഹം നീരസം പ്രകടിപ്പിച്ചിരുന്നു. പാർട്ടിക്കുള്ളിലെ ചില ആഭ്യന്തര പ്രശ്നങ്ങൾ പരിഹരിക്കാൻ താനും വിമത എം.എൽ.എമാരും ശ്രമിക്കുമെന്ന് കഴിഞ്ഞദിവസം അദ്ദേഹം മാധ്യമങ്ങളോട് പറഞ്ഞതിനുപിന്നാലെയാണ് രാജി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.