ന്യൂഡല്‍ഹി: ഭുജില്‍ പുരോഗമിക്കുന്ന ഷാറൂഖ് സിനിമയുടെ ഷൂട്ടിങ്ങിനെതിരെ വി.എച്ച്.പി പ്രതിഷേധം. അസഹിഷ്ണുതക്കെതിരെ മുമ്പ് നടത്തിയ പ്രസ്താവന ഉയര്‍ത്തിക്കാട്ടിയാണ് ഷാറൂഖ് ഖാന്‍ നായകനാകുന്ന സിനിമ ‘റഈസി’ന്‍െറ ഷൂട്ടിങ് മുടക്കാന്‍ വി.എച്ച്.പി രംഗത്തത്തെിയത്.
30ഓളം പേരടങ്ങുന്ന പാര്‍ട്ടി അനുഭാവികളുടെ സംഘം കലക്ടറെ കണ്ട് ഷൂട്ടിങ്ങിന് നല്‍കിയ അനുമതി റദ്ദാക്കാനാവശ്യപ്പെട്ട് ചൊവ്വാഴ്ച നിവേദനം നല്‍കിയിരുന്നു.
ആവശ്യം തള്ളിയതോടെ കലക്ടറുടെ ഓഫിസിനു മുന്നില്‍ ബുധനാഴ്ച പ്രതിഷേധം സംഘടിപ്പിച്ച പ്രവര്‍ത്തകര്‍ ഷാറൂഖിന്‍െറ പോസ്റ്ററുകള്‍ കത്തിച്ചു.
ടെലിവിഷന്‍ അഭിമുഖത്തിലാണ് മുമ്പ് ഷാറൂഖ് രാജ്യത്ത് അസഹിഷ്ണുത പടരുകയാണെന്ന് പറഞ്ഞത്. സംഭവം വിവാദമായതോടെ അദ്ദേഹം പ്രസ്താവന തിരുത്തുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.