ന്യൂഡൽഹി: കോവിഡ് വ്യാപനത്തിെൻറ പശ്ചാത്തലത്തിൽ ബംഗ്ലാദേശില്‍ കുടുങ്ങിയ 129 േപരെ എയർ ഇന്ത്യ വിമാനത്തിൽ ഡൽഹിയിലെത്തിച്ചു. ശനിയാഴ്ച മൂന്നു മണിയോടെയാണ് ധാക്കയിൽ നിന്ന് വിദ്യാർഥികൾ ഉൾപ്പെടെ 129 പേരുമായി വിമാനം ഡൽഹിയിൽ ഇറങ്ങിയത്.
കുടുങ്ങിപ്പോയ ഇന്ത്യക്കാരെ വിദേശത്തുനിന്ന് തിരിച്ചെത്തിക്കുന്ന വന്ദേ ഭാരത് മിഷൻെറ ഭാഗമായി ധാക്കയിൽ നിന്നുള്ള രണ്ടാമത്തെ സർവീസാണിത്. വെള്ളിയാഴ്ച ധാക്കയിൽ നിന്നും 167 വിദ്യാർഥികളെ എയര്‍ ഇന്ത്യ വിമാനത്തില്‍ തിരികെ എത്തിച്ചിരുന്നു.
കുവൈത്തിൽ നിന്നും ഹൈദരാബാദിലേക്കുള്ള എയർ ഇന്ത്യ എക്സ്പ്രസ് വിമാനം രാത്രി 9.00 ന് എത്തുമെന്ന് അധികൃതർ അറിയിച്ചു. ഇന്ന് രാവിലെ ദുബൈയിൽ നിന്ന് 356 യാത്രക്കാരുമായി രണ്ട് വിമാനങ്ങൾ ചെന്നൈ വിമാനത്താവളത്തിൽ ഇറങ്ങിയിരുന്നു.
മേയ് 7 മുതല്‍ 13 വരെയുള്ള ദിവസങ്ങളില്‍ വിദേശ രാജ്യങ്ങളില്‍ കുടുങ്ങിയ ഇന്ത്യക്കാരെ തിരികെ എത്തിക്കാനായി 64 വിമാനങ്ങളാണ് തയാറാക്കിയിട്ടുള്ളത്. 13 വിദേശ രാജ്യങ്ങളിൽ നിന്നായി 14,800 ഇന്ത്യക്കാരെയാണ് തിരികെ എത്തിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.