ന്യൂഡൽഹി: മെയ് 17ന് ലോക്ഡൗൺ അവസാനിക്കുന്നതിന് പിന്നാലെ വിമാന യാത്രകൾ പുനഃരാരംഭിക്കാനുള്ള നീക്കങ്ങൾക്ക് തുടക്കമിട്ട് വ്യോമയാന മന്ത്രാലയം. ഡി.ജി.സി.എയിലെ ഉദ്യോഗസ്ഥരെ ഉദ്ധരിച്ച് ന്യൂസ് 18നാണ് വാർത്ത റിപ്പോർട്ട് ചെയ്തത്. ഘട്ടം ഘട്ടമായി വിമാന യാത്ര തുടങ്ങാനാണ് സർക്കാറിെൻറ പദ്ധതി.
ആദ്യ ഘട്ടത്തിൽ രാജ്യത്തെ 25 ശതമാനം സെക്ടറിൽ മാത്രമാവും സർവീസ് തുടങ്ങുക. രണ്ട് മണിക്കൂറിൽ താഴെയുള്ള യാത്രകളിൽ ഭക്ഷണം നൽകില്ലെന്നും വ്യോമയാന മന്ത്രാലയം ഉദ്യോഗസ്ഥർ വ്യക്തമാക്കിയിട്ടുണ്ട്. എല്ലാ യാത്രക്കാരും ആരോഗ്യസേതു ആപ് നിർബന്ധമായി ഡൗൺലോഡ് ചെയ്യണമെന്ന നിർദേശവും വിമാന യാത്രക്കാർക്ക് നൽകും.
നേരത്തെ ഇന്ത്യൻ റെയിൽവേ സർവീസുകൾ ഭാഗികമായി പുനഃരാരംഭിക്കുകയാണെന്ന് അറിയിച്ചിരുന്നു. മെയ് 12 മുതൽ 15 ട്രെയിനുകൾ ഡൽഹിയിൽ നിന്ന് രാജ്യത്തിെൻറ വിവിധ നഗരങ്ങളിലേക്ക് സർവീസ് നടത്തുമെന്നാണ് അറിയിച്ചിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.