പുൽവാമ ആക്രമണം സംബന്ധിച്ച പരാമർശം: സിദ്ദുവി​െൻറ ചിത്രങ്ങൾ കത്തിച്ച്​ പ്രതിഷേധം

ചണ്ഡീഗഡ്​: തീവ്രവാദ പ്രവർത്തനങ്ങൾക്ക്​ ഒരു രാഷ്​ട്രത്തെ മുഴുവനായി കുറ്റപ്പെടുത്തരുതെന്ന്​ പറഞ്ഞ പഞ്ചാബ്​ മന്ത്രി നവ്​ജോത്​ സിങ്​ സിദ്ദുവി​നെതിരെ ശക്​തമായ പ്രതി​േഷധവുമായി ശിരോമണി അകാലിദൾ. പുൽവാമ ഭീകരാക്രമണത്തി​ ​െൻറ പശ്​ചാത്തലത്തിൽ സിദ്ദു നടത്തിയ പരാമർശങ്ങൾക്ക്​ അദ്ദേഹത്തെ മന്ത്രിസഭയിൽ നിന്ന്​ പുറത്താക്കണമെന്ന്​ ശിര ോമണി അകാലിദൾ ആവശ്യപ്പെട്ടു.

നിയമസഭയിൽ അകാലിദൾ നേതാവ്​ ബിക്രം സിങ്​ മജീദിയയും സിദ്ദുവും തമ്മിൽ വാക്കേറ്റ വുമുണ്ടായി. പഞ്ചാബ്​ ബജറ്റ്​ സമ്മേളനം ആരംഭിക്കുന്നതിന്​ മുമ്പായി മജീദിയയുടെ നേതൃത്വത്തിൽ അകാലിദൾ നേതാക്കൾ സിദ്ദുവി​​െൻറ ചിത്രങ്ങൾ കത്തിച്ച്​ പ്രതിഷേധിച്ചു. സിദ്ദു പാകിസ്​താൻ സന്ദർശിച്ചപ്പോൾ പാക്​ സൈനിക മേധാവിയെ കെട്ടിപ്പിടിച്ചതി​​െൻറ ചിത്രവും കത്തിച്ചു.

പുൽവാമ ഭീകരാക്രമണത്തിൽ കോൺഗ്രസി​​െൻറയും പഞ്ചാബ്​ സർക്കാറി​​െൻറയും നിലപാട്​ അറിയണമെന്ന്​ അകാലിദൾ ആവശ്യപ്പെട്ടു. പാകിസ്​താൻ പ്രധാനമന്ത്രി ഇംറാൻ ഖാനെയും പാക്​ ​ൈസനിക മേധാവിയെയും കുറ്റപ്പെടുത്താൻ കോൺഗ്രസ്​ തയാറുണ്ടോ? മജീദിയ ചോദിച്ചു. നിയമസഭയിൽ പുൽവാമ ആക്രമണത്തെ അപലപിക്കുന്ന പ്രമേയം ഏകകണ്​ഠമായി അംഗീകരിച്ച ശേഷം സംസാരിക്കുകയായിരുന്നു അദ്ദേഹം. നിങ്ങൾക്ക്​ പാകിസ്​താനെയോ ഇംറാനെ വ്യക്​തിപരമായോ കുറ്റപ്പെടുത്താൻ പറ്റില്ലെന്നാണ്​ സിദ്ദു ഇപ്പോഴും പറയുന്നതെന്നും മജീദിയ കുറ്റപ്പെടുത്തി.

സിദ്ദുവിനെ മന്ത്രിസഭയിൽ നിന്ന്​ പുറത്താക്കണം എന്നാവശ്യപ്പെട്ട്​ ചോദ്യോത്തരവേളയിൽ ശിരോമണി അകാലിദൾ -ബി.ജെ.പി എം.എൽ.എമാർ മുദ്രാവാക്യം മുഴക്കി.

സോണി ടി.വി സംപേക്ഷണം ചെയ്യുന്ന കോമഡി പരിപാടി ‘ദി കപിൽ ശർമ ഷോ’യിലാണ്​ സിദ്ദുവി​​െൻറ വിവാദ പരാമർശമുണ്ടായത്​. ‘തീവ്രവാദികളുടെ ഭീരുത്വം നിറഞ്ഞ പ്രവര്‍ത്തികൾക്ക്​ ഒരു രാഷ്ട്രത്തെ മുഴുവന്‍ കുറ്റപ്പെടുത്താന്‍ സാധിക്കില്ലെന്നാ’യിരുന്നു സിദ്ദുവി​​​​​​െൻറ പ്രതികരണം. ഭീകരവാദികള്‍ക്ക് ജാതിയോ മതമോ ദേശാതിര്‍ത്തിയോ ഇല്ല. എല്ലാ ഭരണകൂടത്തിലും നല്ലതും ചീത്തയുമായ ആളുകളുണ്ടാകും. പുൽവാമയിലുണ്ടായ ആക്രമണം തീർത്തും ദുഃഖകരമാണ്​.​ അങ്ങേയറ്റം അപലപിക്കുന്നു. ഇത്​ ചെയ്​തവർക്ക്​ പരമാവധി ശിക്ഷ നൽകണം - എന്നായിരുന്നു അദ്ദേഹത്തി​​െൻറ വാക്കുകൾ. ഇത്​ വിവാദമായതോടെ സിദ്ദുവിനെ പരിപാടിയിൽ നിന്ന്​ പുറത്താക്കിയിരുന്നു.