ന്യൂഡൽഹി: ഇന്ത്യൻ കരസേനക്ക് ശക്തി പകരാൻ 4,000 കോടി രൂപയുടെ നൂതന ആയുധങ്ങൾ വാങ്ങുന്നു. സേനയെ നവീകരിക്കുന്നതിന്‍റെ ഭാഗമായാണ് പുതിയ ആയുധങ്ങൾ വാങ്ങാനുള്ള ശിപാർശ കരസേന പ്രതിരോധ മന്ത്രാലയത്തിന് കൈമാറിയത്.
ഏഴു ലക്ഷം റൈഫിളുകൾ, 44000 ലൈറ്റ് മെഷീൻ ഗണ്ണുകൾ, 44600 കാർബൈനുകൾ തുടങ്ങിയവയാണ് വാങ്ങുന്നത്. ലൈറ്റ് മെഷീൻ ഗണ്ണുകളും അസോൾട്ട് റൈഫിളുകളും വാങ്ങിക്കാനുള്ള ആവശ്യം ഉടൻ തന്നെ അംഗീകരിക്കാൻ സാധ്യതയുണ്ടെന്നാണ് റിപ്പോർട്ട്.
അതേസമയം, കഴിഞ്ഞ ജൂലൈയിൽ തദ്ദേശീയമായി നിർമിച്ച അസോൾട്ട് റൈഫിളുകൾ ഫയറിങ് നിലവാരമില്ലെന്ന് ചൂണ്ടിക്കാട്ടി സേന തളളിയിരുന്നു. പാക്, ചൈന ഭീഷണികൾ ശക്തമായി നിലനിൽക്കെ മുൻ കരുതലായാണ് കരസേനയിലെ പുതിയ മാറ്റങ്ങളെന്നാണ് വിവരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.