ന്യൂഡൽഹി: രാജ്യത്ത് പ്രതിദിന കോവിഡ് കേസുകളുടെ എണ്ണം വീണ്ടും കുറഞ്ഞു. 24 മണിക്കൂറിനിടെ 51,667 കോവിഡ് കേസുകൾ കൂടി റിപ്പോർട്ട് ചെയ്തു. 64,527 പേർ രോഗമുക്തി നേടി. ടെസ്റ്റ് പോസിറ്റിവിറ്റി നിരക്ക് 2.98 ആയി. തുടർച്ചയായി 18ാം ദിവസമാണ് ടി.പി.ആർ അഞ്ചിൽ താഴെ ആയത്.
കഴിഞ്ഞ ദിവസം 1329 പേർ കോവിഡ് ബാധിച്ച മരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.
6,12,868 പേരാണ് നിലവിൽ ചികിത്സയിൽ കഴിയുന്നത്. തുടർച്ചയായി 43ാം ദിവസമാണ് രാജ്യത്ത് രോഗബാധിതരേക്കാൾ ഏറെ രോഗമുക്തി റിപ്പോർട്ട് ചെയ്യുന്നത്. കേരളം (12,078), മഹാരാഷ്ട്ര (9844) തമിഴ്നാട് (6162) എന്നീ സംസ്ഥാനങ്ങളിലാണ് ഏറ്റവും കൂടുതൽ കേസുകൾ റിപ്പോർട്ട് ചെയ്തത്.
രാജ്യത്ത് ഇതുവരെ 3.01 കോടിയാളുകൾക്കാണ് കോവിഡ് ബാധിച്ചത്. ഇതുവരെ 2,91,28,267 പേരാണ് രോഗമുക്തരായത്. 3.93 ലക്ഷം ആളുകൾ കോവിഡ് ബാധിച്ച് മരിച്ചു.
72 മണിക്കൂറിനിടെ രാജ്യത്ത് രണ്ടുകോടിയിലേറെ ഡോസ് വാക്സിൻ വിതരണം ചെയ്തു. ജനുവരിയിൽ തുടങ്ങിയ വാക്സിനേഷൻ യജ്ഞത്തിലൂടെ ഇതുവരെ 30.79 കോടി ഡോസ് വാക്സിനാണ് വിതരണം ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.