ന്യൂഡൽഹി: ആന്ധ്ര, ഒഡീഷ തീരങ്ങളിൽ ചുഴലിക്കാറ്റ് മുന്നറിയിപ്പുമായി കേന്ദ്ര കാലാവസ്ഥ വകുപ്പ്. ആന്ധ്രപ്രദേശിന്‍റെ വടക്കൻ തീരദേശ ജില്ലകളിലും ഒഡീഷയിലെ തെക്കൻ ജില്ലകളിലും ചുഴലിക്കാറ്റുണ്ടാവുമെന്നാണ് മുന്നറിയിപ്പ്.
ബംഗാൾ ഉൾക്കടലിൽ രൂപംകൊണ്ട ന്യൂനമർദ്ദം തീവ്രന്യൂനമർദ്ദമാവുമെന്നും അടുത്ത 12 മണിക്കൂറിനുള്ളിൽ ചുഴലിക്കാറ്റായി മാറുെമന്നുമാണ് മുന്നറിയിപ്പ്. ചുഴലിക്കാറ്റിന് സമാനമായ കാറ്റ് രണ്ട് ദിവസത്തേക്ക് തുടരും. ഞായറാഴ്ചയോടെ കാറ്റ് മണിക്കൂറിൽ 55 കിലോ മീറ്റർ വേഗം കൈവരിക്കും.തിങ്കളാഴ്ചയോടെ ഇതിന്‍റെ പ്രഭാവം കുറയുമെന്നും കേന്ദ്ര കാലാവസ്ഥ വകുപ്പ് വ്യക്തമാക്കുന്നു.
ഇതുമൂലം ഒറ്റപ്പെട്ട സ്ഥലങ്ങളിൽ കനത്ത മഴക്ക് സാധ്യതയുണ്ട്. ഛത്തീസ്ഗഢിലും തെലങ്കാനയിലും മഴയുണ്ടാകും. മത്സ്യതൊഴിലാളികൾ മത്സ്യബന്ധത്തിന് പോകരുതെന്ന് കാലാവസ്ഥ വകുപ്പ് അറിയിച്ചു. കടലിലുള്ളവർ ശനിയാഴ്ചയോടെ തീരത്ത് തിരിച്ചെത്തണമെന്നും നിർദേശം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.