'ടൗട്ടേ' ചുഴലിക്കാറ്റിന് പിന്നാലെ മറ്റൊരു ചുഴലിക്കാറ്റ് കൂടി ഇന്ത്യൻ തീരത്തേക്ക് ആഞ്ഞടിക്കാൻ തയ്യാറെടുക്കുകയാണ്. ബംഗാൾ ഉൾക്കടലിൽ ന്യൂനമർദ്ദം രൂപപ്പെടുകയാണെന്ന മുന്നറിയിപ്പ് കാലാവസ്ഥാ വിഭാഗം നൽകിക്കഴിഞ്ഞു. 'യാസ്' എന്ന പേരിലായിരിക്കും ചുഴലിക്കാറ്റ് അറിയപ്പെടുക.
ഇക്കാര്യങ്ങൾ അറിഞ്ഞിരിക്കാം
- ബംഗാൾ ഉൾക്കടലിൽ ആന്തമാൻ കടലിനോട് ചേർന്നാണ് നിലവിൽ ന്യൂനമർദ്ദത്തിന്റെ സ്ഥാനം. 'ടൗട്ടേ'ക്ക് കാരണമായ ന്യൂനമർദ്ദം രൂപപ്പെട്ടത് അറബിക്കടലിൽ ആയിരുന്നു.
- ബംഗാൾ ഉൾക്കടലിലെ ന്യൂനമർദ്ദം ശക്തി പ്രാപിച്ച് അതിതീവ്ര ചുഴലിക്കാറ്റ് രൂപത്തിലേക്ക് മാറാം. അങ്ങനെയെങ്കിൽ 'യാസ്' എന്ന പേരിലാവും അറിയപ്പെടുക. ഒമാൻ നൽകിയ പേരാണ് 'യാസ്'. മുൻകൂട്ടി തീരുമാനിച്ച പട്ടികയിൽ നിന്നാണ് ചുഴലിക്കാറ്റുകൾക്ക് പേര് തെരഞ്ഞെടുക്കുന്നത്.
- വടക്ക് വടക്ക്-പടിഞ്ഞാറ് ദിശയിലേക്കാവും കാറ്റിൻറെ ഗതി.
- മെയ് 26 ഓടുകൂടി കാറ്റ് പശ്ചിമബംഗാൾ, വടക്കൻ ഒഡിഷ തീരത്തും ബംഗ്ലാദേശ് തീരത്തുമായി അടുക്കുമെന്നാണ് കാലാവസ്ഥാപ്രവചനം.
- കരയിലെത്തുമ്പോൾ മണിക്കൂറിൽ 110 കിലോമീറ്റർ വരെയാകും കാറ്റിൻറെ വേഗത.
- മെയ് 24 മുതൽ 26 വരെ പശ്ചിമബംഗാൾ, ഒഡിഷ, ബംഗ്ലാദേശ് തീരങ്ങളിൽ ശക്തമായ കടൽക്ഷോഭത്തിന് സാധ്യതയുണ്ട്.
- ഒഡിഷയിലെ 14 ജില്ലകളിൽ മുന്നറിയിപ്പ് നൽകിക്കഴിഞ്ഞു.
- ദുരന്തം സംഭവിച്ചാൽ ഇടപെടാൻ നാവികസേന തയ്യാറെടുത്തിട്ടുണ്ട്.
- പശ്ചിമബംഗാളിൽ 11 ജില്ലകളിൽ ദുരന്തനിവാരണ സേനയെ നിയോഗിച്ചു.
- കാറ്റിൻറെ സഞ്ചാര പരിധിയിൽ കേരളം വരുന്നില്ലെങ്കിലും കേരളം ഉൾപ്പെടെ സംസ്ഥാനങ്ങളിൽ ശക്തമായ മഴയ്ക്കുള്ള സാധ്യത പ്രവചിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.