ന്യൂഡൽഹി: ഡൽഹിയിൽ കോവിഡ് നിന്ത്രണവിധേയമാകുകയാണെന്ന് ആരോഗ്യമന്ത്രി സത്യേന്ദ്ര ജെയിൻ. പ്രതിദിന രോഗികളുടെ എണ്ണം ഇന്ന് 5000ത്തിൽ താഴെയെത്തി. ടെസ്റ്റ് പോസിറ്റിവിറ്റി നിരക്ക് നിലവിലുള്ള 10 ശതമാനത്തിൽ നിന്നും താഴെയെത്തിയെന്നും വാർത്താ ഏജൻസിയായ എ.എൻ.ഐയോട് അദ്ദേഹം പറഞ്ഞു.
കഴിഞ്ഞ ദിവസം ഡൽഹിയിൽ 7,498 പേർക്കാണ് കോവിഡ് സ്ഥിരീകരിച്ചത്. 10.59 ശതമാനമായിരുന്നു ടെസ്റ്റ് പോസിറ്റിവിറ്റി നിരക്ക്. കഴിഞ്ഞ ദിവസത്തെ കണക്കുപ്രകാരം 38,315 പേരാണ് ഇനി രോഗം ബാധിച്ച് ചികിത്സയിലുള്ളത്.അതേസമയം, കോവിഡ് സ്ഥിതി വിലയിരുത്താൽ ഡൽഹി ദുരന്തനിവാര അതോറിറ്റി ഇന്ന് യോഗം ചേരുന്നുണ്ട്. ലഫ്റ്റനൻറ് ഗവർണർ അനിൽ ബെയ്ജാൽ അധ്യക്ഷത വഹിക്കുന്ന യോഗത്തിൽ നിയന്ത്രണങ്ങളിൽ ഇളവ് നൽകുന്നതിനെ സംബന്ധിച്ച് ചർച്ചയുണ്ടാകുമെന്നാണ് സൂചന.
യോഗത്തിൽ സ്കൂളുകൾ തുറക്കാനുള്ള നിർദേശം മുന്നോട്ട് വെക്കുമെന്ന് ഡൽഹി ഉപമുഖ്യമന്ത്രി മനീഷ് സിസോദിയ കഴിഞ്ഞ ദിവസം അറിയിച്ചിരുന്നു. കോവിഡിനെ തുടർന്ന് സ്കൂളുകൾ അടച്ചത് കുട്ടികളുടെ പഠനത്തെ ബാധിച്ചില്ലെങ്കിലും മാനസികാരോഗ്യത്തെ സ്വാധീനിച്ചുവെന്ന് അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.