ന്യൂഡൽഹി: ശമ്പളം ചോദിച്ച ജീവനക്കാരിയെ നായെ അഴിച്ചുവിട്ട് കടിപ്പിച്ച സ്പാ ഉടമ അറസ്റ്റിൽ. തെക്കൻ ഡൽഹിയിൽ മാൽവിയ നഗറിൽ ജൂൺ 11നാണ് സംഭവം.
ലോക്ഡൗണിന് മുമ്പ് മാർച്ച് 22 വരെ ഒന്നരമാസത്തോളം യുവതി സ്പായിൽ േജാലി ചെയ്തിരുന്നു. മാസങ്ങൾ കഴിഞ്ഞിട്ടും ശമ്പളം നൽകാൻ ഉടമ തയാറായിരുന്നില്ല. ശമ്പളം ചോദിച്ചതോടെ ഉടമ രജിനി, യുവതിയെ വീട്ടിലേക്ക് വിളിച്ചുവരുത്തുകയായിരുന്നുവെന്നും പരാതിയിൽ പറയുന്നു.
വീട്ടിൽ വിളിച്ചുവരുത്തിയ ശേഷം വീട്ടുജോലിചെയ്യാൻ യുവതിയെ നിർബന്ധിച്ചു. ശേഷം ശമ്പളം നൽകാമെന്ന് വാഗ്ദാനം ചെയ്യുകയുമായിരുന്നു. എന്നാൽ യുവതി ജോലി ചെയ്യില്ലെന്ന് അറിയിച്ചതോടെ നായെ അഴിച്ചിവിടുകയായിരുന്നുവെന്ന് പൊലീസ് എഫ്.ഐ.ആറിൽ പറയുന്നു. പരിക്കേറ്റ യുവതി കരഞ്ഞതോടെ ഭീഷണിപ്പെടുത്തിയതായും പരാതിയുണ്ട്. പരിക്കേറ്റ യുവതിയെ സമീപത്തെ ആശുപത്രിയിലെത്തിക്കുകയായിന്നു. കഴുത്തിലും തലയിലും മുറിവുണ്ട്. യുവതിയുടെ തലയിൽ 15 സ്റ്റിച്ചുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.