മുംബൈ: മഹാരാഷ്ട്രയിലെ നന്ദുർബാർ സ്‌റ്റേഷനിൽ ട്രെയിനിന് തീപിടിച്ചു. ഗാന്ധിധാം-പുരി എക്‌സ്‌പ്രസി (12993) ന്റെ പാൻട്രി കാറിനാണ് തീ പിടിച്ചത്. ആളപായമില്ലെന്നും യാത്രക്കാർ സുരക്ഷിതരാണെന്നും വെസ്റ്റേൺ റെയിൽവേ അറിയിച്ചു.
രാവിലെ പത്തരയോടെയാണ് സംഭവം. തീപിടിത്തം ശ്രദ്ധയിൽപ്പെട്ടതിന് പിന്നാലെ സുരക്ഷയുടെ ഭാഗമായി മറ്റ് കോച്ചുകളിൽ നിന്ന് പാൻട്രി കാർ വേർപ്പെടുത്തി. ഒരു മണിക്കൂറോളം നീണ്ട പരിശ്രമത്തിനൊടുവിലാണ് തീ അണച്ചത്.
മൊത്തം 22 കോച്ചുകളുള്ള ട്രെയിനിൽ 13മത്തേതാണ് പാൻട്രി കാർ. സംഭവത്തിൽ വെസ്റ്റേൺ റെയിൽവേ അന്വേഷണം പ്രഖ്യാപിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.