ഉ​ദ​യ​നി​ധി-​അ​ണ്ണാ​മ​ലൈ വാ​ക്പോ​ര് രൂ​ക്ഷം

ചെ​ന്നൈ: ത​മി​ഴ്നാ​ട് രാ​ഷ്ട്രീ​യ​ത്തി​ൽ ഡി.​എം.​കെ-​ബി.​ജെ.​പി ക​ക്ഷി​ക​ൾ​ക്കി​ട​യി​ൽ ‘ഗെ​റ്റ് ഔ​ട്ട് സ്റ്റാ​ലി​ൻ’ vs ‘ഗെ​റ്റ് ഔ​ട്ട് മോ​ദി’ വി​വാ​ദം ശ​ക്തം. ഡി.​എം.​കെ നേ​താ​വും ഉ​പ​മു​ഖ്യ​മ​ന്ത്രി​യു​മാ​യ ഉ​ദ​യ​നി​ധി സ്റ്റാ​ലി​നും ബി.​ജെ.​പി ത​മി​ഴ്നാ​ട് അ​ധ്യ​ക്ഷ​ൻ അ​ണ്ണാ​മ​ലൈ​യും ത​മ്മി​ലു​ള്ള പ്ര​സ്താ​വ​ന യു​ദ്ധ​വും വെ​ല്ലു​വി​ളി​ക​ളും രൂ​ക്ഷ​മാ​വു​ന്ന​തി​നി​ടെ​യാ​ണ് ‘മോ​ദി​യെ പു​റ​ത്താ​ക്കൂ’, ‘സ്റ്റാ​ലി​നെ പു​റ​ത്താ​ക്കൂ’ മു​ദ്രാ​വാ​ക്യ​ങ്ങ​ൾ നേ​താ​ക്ക​ൾ മു​ഴ​ക്കി​യ​ത്.

ദേ​ശീ​യ വി​ദ്യാ​ഭ്യാ​സ ന​യ​ത്തി​ലെ ത്രി​ഭാ​ഷാ സ​മ്പ്ര​ദാ​യം ന​ട​പ്പാ​ക്കാ​ത്ത​പ​ക്ഷം കേ​ന്ദ്ര വി​ദ്യാ​ഭ്യാ​സ ഫ​ണ്ട് അ​നു​വ​ദി​ക്കി​ല്ലെ​ന്ന കേ​ന്ദ്ര വി​ദ്യാ​ഭ്യാ​സ മ​ന്ത്രി ധ​ർ​മേ​ന്ദ്ര പ്ര​ധാ​ന്റെ പ്ര​സ്താ​വ​ന​ക്ക് പി​ന്നാ​ലെ സം​സ്ഥാ​ന അ​വ​കാ​ശ​ങ്ങ​ളി​ലു​ള്ള ക​ട​ന്നു​ക​യ​റ്റ​ത്തി​നെ​തി​രെ ഉ​ദ​യ​നി​ധി കേ​ന്ദ്ര സ​ർ​ക്കാ​റി​ന് മു​ന്ന​റി​യി​പ്പ് ന​ൽ​കി​യ​തോ​ടെ​യാ​ണ് വി​വാ​ദം തു​ട​ങ്ങി​യ​ത്.

മു​മ്പ്, ത​മി​ഴ​രു​ടെ അ​വ​കാ​ശ​ങ്ങ​ൾ ക​വ​ർ​ന്നെ​ടു​ക്കാ​ൻ ശ്ര​മി​ച്ച​പ്പോ​ൾ മോ​ദി​യു​ടെ ത​മി​ഴ​ക സ​ന്ദ​ർ​ശ​ന​വേ​ള​ക​ളി​ൽ ‘ഗോ ​ബാ​ക് മോ​ദി’ മു​ദ്രാ​വാ​ക്യ​ങ്ങ​ളാ​ണ് ഉ​യ​ർ​ത്തി​യി​രു​ന്ന​തെ​ന്നും പു​തി​യ സാ​ഹ​ച​ര്യ​ത്തി​ൽ ‘ഗെ​റ്റ്ഔ​ട്ട് മോ​ദി’ (പു​റ​ത്തു​പോ​കൂ മോ​ദി) പ്ര​ക്ഷോ​ഭ​മാ​കും സം​ഘ​ടി​പ്പി​ക്കു​ക​യെ​ന്നും ഉ​ദ​യ​നി​ധി മു​ന്ന​റി​യി​പ്പ് ന​ൽ​കി. ഇ​തി​നെ​തി​രെ​യാ​ണ് അ​ണ്ണാ​മ​ലൈ എ​ക്സ് പേ​ജി​ൽ GetOutStalin എ​ന്ന ഹാ​ഷ്‌​ടാ​ഗ് ഉ​പ​യോ​ഗി​ച്ച് ഡി.​എം.​കെ സ​ർ​ക്കാ​റി​നെ​തി​രെ രൂ​ക്ഷ​മാ​യ ആ​ക്ര​മ​ണം അ​ഴി​ച്ചു​വി​ട്ട​ത്. അ​ഴി​മ​തി, ദു​ർ​ഭ​ര​ണം, തെ​ര​ഞ്ഞെ​ടു​പ്പ് വാ​ഗ്ദാ​ന​ലം​ഘ​നം തു​ട​ങ്ങി​യ ആ​രോ​പ​ണ​ങ്ങ​ളു​മാ​യി രം​ഗ​ത്തെ​ത്തി​യ അ​ണ്ണാ​മ​ലൈ, ഡി.​എം.​കെ സ​ർ​ക്കാ​റി​നെ വൈ​കാ​തെ ജ​നം പു​റ​ത്താ​ക്കു​മെ​ന്ന് പ്ര​ഖ്യാ​പി​ച്ചു.

ഒ​രി​ക്ക​ൽ ഡി.​എം.​കെ ആ​സ്ഥാ​ന കേ​ന്ദ്ര​മാ​യ ‘അ​റി​വാ​ല​യം’ കെ​ട്ടി​ട​ത്തി​ന്റെ ഓ​രോ ചെ​ങ്ക​ല്ലും പി​ഴു​തെ​ടു​ത്ത് മാ​റ്റു​ക​യാ​ണ് ബി.​ജെ.​പി​യു​ടെ ല​ക്ഷ്യ​മെ​ന്ന് അ​ണ്ണാ​മ​ലൈ പ്ര​സ്താ​വി​ച്ച​പ്പോ​ൾ ധൈ​ര്യ​മു​ണ്ടെ​ങ്കി​ൽ അ​റി​വാ​ല​യം സ്ഥി​തി​ചെ​യ്യു​ന്ന അ​ണ്ണാ​ശാ​ല​യി​ൽ അ​ണ്ണാ​മ​ലൈ വ​ര​ട്ടെ​യെ​ന്നാ​യി​രു​ന്നു ഉ​ദ​യ​നി​ധി​യു​ടെ വെ​ല്ലു​വി​ളി.