ശാന്തനു പറഞ്ഞു ഗുഡ്​ബൈ, മൈഡിയർ ലൈറ്റ്​ ഹൗസ്​

മും​ബൈ: വ്യ​വ​സാ​യ ലോ​ക​ത്ത്​ കാ​രു​ണ്യ​ത്തി​ന്റെ പ്ര​തീ​ക​മാ​യി ജീ​വി​ച്ച ര​ത്ത​ൻ ടാ​റ്റ വി​ട​വാ​ങ്ങു​മ്പോ​ൾ ക​ണ്ണീ​രി​ൽ കു​തി​ർ​ന്ന്​ അ​ദ്ദേ​ഹ​ത്തി​ന്റെ ആ​ത്മ​മി​ത്രം ശാ​ന്ത​നു നാ​യി​ഡു. അ​സാ​ധാ​ര​ണ​മാ​യ സൗ​ഹൃ​ദ​ത്തി​ന്റെ ക​ഥ​യാ​ണ്​ ര​ത്ത​ൻ -ശാ​ന്ത​നു ബ​ന്ധം. ആ​റു വ​ർ​ഷ​മാ​യി നി​ഴ​ൽ​പോ​ലെ ര​ത്ത​ൻ ടാ​റ്റ​ക്കൊ​പ്പ​മു​ണ്ട്​ ശാ​ന്ത​നു. അ​ര നൂ​റ്റാ​ണ്ടി​ന്റെ പ്രാ​യ​വ്യ​ത്യാ​സ​മു​ണ്ട്​ അ​വ​ർ​ക്കി​ട​യി​ൽ. ശാ​ന്ത​നു​വി​നെ അ​വി​വാ​ഹി​ത​നാ​യ ര​ത്ത​ൻ ത​ന്റെ പി​ൻ​ഗാ​മി​യാ​യി ദ​ത്തെ​ടു​ത്ത​താ​ണെ​ന്ന്​ പ​ല​രും സം​ശ​യി​ച്ചു.

പു​ണെ​ക്കാ​ര​നാ​ണ്​ 31കാ​ര​ൻ ശാ​ന്ത​നു. ടാ​റ്റ​യി​ൽ എ​ൻ​ജി​നീ​യ​റാ​യി ക​യ​റി​യ ശാ​ന്ത​നു​വി​ന്റെ ‘മോ​ട്ടോ​പ​വ്​​സ്​’ എ​ന്ന സ്റ്റാ​ർ​ട്ട​പ്പാ​ണ്​ ഇ​രു​വ​രെ​യും അ​ടു​പ്പി​ക്കു​ന്ന​ത്. തെ​രു​വു​നാ​യ്ക്ക​ളെ രാ​ത്രി വാ​ഹ​നാ​പ​ക​ട​ങ്ങ​ളി​ൽ​നി​ന്ന് ര​ക്ഷി​ക്കാ​നു​ള്ള വാ​റ്​ നി​ർ​മി​ച്ച്​ ഘ​ടി​പ്പി​ക്കു​ന്ന ‘മോ​ട്ടോ​പ​വ്​​സി​’​ൽ ര​ത്ത​ൻ ടാ​റ്റ​യും നി​ക്ഷേ​പ​ക​നാ​യി. കാ​ര​ണം, തെ​രു​വു​നാ​യ്​​ക്ക​ളോ​ടും മ​റ്റു​ മൃ​ഗ​ങ്ങ​ളോ​ടു​മു​ള്ള ര​ത്ത​ൻ ടാ​റ്റ​യു​ടെ ഇ​ഷ്ട​മാ​യി​രു​ന്നു.

പി​ന്നീ​ട്​ ‘ഗു​ഡ്​​ഫെ​ല്ലോ​സ്​’ എ​ന്ന സ്റ്റാ​ർ​ട്ട​പ്പും ശാ​ന്ത​നു തു​ട​ങ്ങി. ഒ​റ്റ​പ്പെ​ട്ടു ക​ഴി​യു​ന്ന വൃ​ദ്ധ​ർ​ക്ക്​ തു​ണ​ന​ൽ​കു​ന്ന​താ​യി​രു​ന്നു ഇ​ത്. ഇ​തി​ലും ര​ത്ത​ൻ നി​ക്ഷേ​പ​മി​റ​ക്കി. 2014 മു​ത​ൽ ഇ​രു​വ​രും സൗ​ഹൃ​ദ​ത്തി​ലാ​യി​രു​ന്നു​വെ​ങ്കി​ലും 2018 മു​ത​ലാ​ണ്​ കൂ​ടു​ത​ൽ അ​ടു​ക്കു​ന്ന​ത്. ഈ​യി​ടെ​യാ​യി ര​ത്ത​ൻ എ​ത്തി​യ പൊ​തു​പ​രി​പാ​ടി​ക​ളി​ൽ നി​ഴ​ൽ​പോ​ലെ ശാ​ന്ത​നു​വു​മു​ണ്ടാ​യി​രു​ന്നു. ര​ത്ത​ൻ പ​ഠി​ച്ച ന്യൂ​യോ​ർ​ക്കി​ലെ കോ​ർ​നെ​ൽ സ​ർ​വ​ക​ലാ​ശാ​ല​യി​ൽ​നി​ന്നാ​ണ്​ ശാ​ന്ത​നു​വും എം.​ബി.​എ നേ​ടി​യ​ത്. വ്യാ​ഴാ​ഴ്ച ര​ത്ത​ൻ ടാ​റ്റ​യു​ടെ മൃ​ത​ദേ​ഹം എ​ൻ.​സി.​പി.​എ​യി​ൽ പൊ​തു​ദ​ർ​ശ​ന​ത്തി​ന്​ കൊ​ണ്ടു​വ​ന്ന​പ്പോ​ഴും ശാ​ന്ത​നു ഒ​പ്പ​മു​ണ്ട്. ‘‘ഈ ​സൗ​ഹൃ​ദം ബാ​ക്കി​വെ​ച്ച വി​ട​വ്​ നി​ക​ത്താ​ൻ ശേ​ഷി​ച്ച കാ​ലം ഞാ​ൻ ശ്ര​മി​ച്ചു​കൊ​ണ്ടി​രി​ക്കും. സ്നേ​ഹ​ത്തി​ന്​ ന​ൽ​കു​ന്ന വി​ല​യാ​ണ്​ ദുഃ​ഖം. ഗു​ഡ്​​ബൈ, മൈ​ഡി​യ​ർ ലൈ​റ്റ്​ ഹൗ​സ്​’’ -എ​ന്നാ​ണ്​ ശാ​ന്ത​നു ‘ലി​ങ്ക്​​ഡി​നി’​ൽ കു​റി​ച്ച​ത്.