മുസ്​ലിം കച്ചവടക്കാരെ​ വിലക്കണമെന്ന ആ​ഹ്വാ​നം ത​ള്ളി ഹൊ​സ മാ​രി​ഗു​ഡി ക്ഷേ​ത്രോത്സവം; മു​സ്​​ലിം ക​ലാ​കാ​ര​ന്മാ​രു​ടെ ഷ​ഹ​നാ​യി വാ​ദ​ന​വും അരങ്ങേറി

ബം​ഗ​ളൂ​രു: ക്ഷേ​ത്രോ​ത്സ​വ​ങ്ങ​ളി​ൽ മു​സ്​​ലിം ക​ച്ച​വ​ട​ക്കാ​രെ ബ​ഹി​ഷ്ക​രി​ക്കാ​നു​ള്ള ഹി​ന്ദു​ത്വ സം​ഘ​ട​ന​ക​ളു​ടെ ആ​ഹ്വാ​നം ത​ള്ളി ഉ​ഡു​പ്പി കാ​പ്പി​ലെ ഹൊ​സ മാ​രി​ഗു​ഡി ക്ഷേ​ത്ര​ത്തി​ലെ ഉ​ത്സ​വം. ക്ഷേ​ത്ര​ത്തി​നു​ മു​ന്നി​ൽ ഹി​ന്ദു​ത്വ സം​ഘ​ട​ന പ്ര​വ​ർ​ത്ത​ക​ർ ബ​ഹി​ഷ്​​ക​ര​ണ ബോ​ർ​ഡ്​ സ്ഥാ​പി​ച്ചെ​ങ്കി​ലും ഫ​ല​മു​ണ്ടാ​യി​ല്ല.

ക്ഷേ​ത്രോ​ത്സ​വ​ത്തി​നി​ടെ മു​സ്​​ലിം ക​ച്ച​വ​ട​ക്കാ​രി​ൽ​നി​ന്ന്​ സാ​ധ​ന​ങ്ങ​ൾ വാ​ങ്ങ​രു​തെ​ന്ന്​ ഹി​ന്ദു​ക്ക​ളോ​ട്​ ആ​വ​ശ്യ​പ്പെ​ടു​ന്ന​താ​യി​രു​ന്നു ബോ​ർ​ഡ്. എ​ന്നാ​ൽ, ബ​ഹി​ഷ്ക​ര​ണാ​ഹ്വാ​നം വ​ക​വെ​ക്കാ​തെ ആ​ളു​ക​ൾ എ​ല്ലാ ക​ച്ച​വ​ട​ക്കാ​രി​ൽ​നി​ന്നും സാ​ധ​ന​ങ്ങ​ൾ വാ​ങ്ങു​ക​യാ​യി​രു​ന്നു. ഉ​ത്സ​വം ക​ഴി​ഞ്ഞ​ദി​വ​സം സ​മാ​പി​ച്ചു. ഉ​ത്സ​വ​ത്തി​ൽ മു​സ്​​ലിം ക​ലാ​കാ​ര​ന്മാ​രു​ടെ ഷ​ഹ​നാ​യി വാ​ദ​ന​വും അ​ര​ങ്ങേ​റി.

മു​സ്​​ലിം ക​ച്ച​വ​ട​ക്കാ​ർ​ക്ക്​ സ്റ്റാ​ൾ അ​നു​വ​ദി​ക്കാ​തി​രി​ക്കാ​ൻ ക്ഷേ​ത്ര ക​മ്മി​റ്റി​യി​ലും ടൗ​ൺ​മു​നി​സി​പ്പ​ൽ കൗ​ൺ​സി​ലി​ലും സം​ഘ്​​പ​രി​വാ​ർ നേ​താ​ക്ക​ൾ സ​മ്മ​ർ​ദം ചെ​ലു​ത്തി​യി​രു​ന്നു. തു​ട​ർ​ന്ന്​ ക്ഷേ​ത്ര​ത്തി​നു സ​മീ​പ​ത്ത്​ മു​സ്​​ലിം​ക​ൾ​ക്ക്​ സ്റ്റാ​ൾ അ​നു​വ​ദി​ച്ചി​രു​ന്നി​ല്ല. ക്ഷേ​ത്ര​വ​ള​പ്പി​നു​ പു​റ​ത്താ​യാ​ണ്​ മു​സ്​​ലിം ക​ച്ച​വ​ട​ക്കാ​ർ സ്റ്റാ​ൾ സ്ഥാ​പി​ച്ച​ത്.

വിലക്ക് മറ്റ് ജില്ലകളിലേക്കും​

ബം​ഗ​ളൂ​രു: ശി​വ​മൊ​ഗ്ഗ മാ​രി​ക​മ്പ​ക്ഷേ​ത്ര ഉ​ത്സ​വ​ന​ഗ​രി​യി​ൽ മു​സ്​​ലിം ക​ച്ച​വ​ട​ക്കാ​ർ​ക്ക്​ വി​ല​ക്ക്​ ഏ​ർ​പ്പെ​ടു​ത്തി തു​ട​ക്ക​മി​ട്ട ബ​ഹി​ഷ്ക​ര​ണം കൂ​ടു​ത​ൽ ജി​ല്ല​ക​ളി​ലേ​ക്ക്​ വ്യാ​പി​ക്കു​ന്നു. ഉ​ഡു​പ്പി, ഉ​ത്ത​ര ക​ന്ന​ഡ, ദ​ക്ഷി​ണ ക​ന്ന​ഡ ജി​ല്ല​ക​ളി​ലെ വി​വി​ധ ക്ഷേ​ത്ര​ങ്ങ​ൾ​ക്കു​പു​റ​മെ, ഹാ​സ​ൻ, ബം​ഗ​ളൂ​രു, തു​മ​കു​രു, ചി​ക്ക​മ​ക​ളൂ​രു എ​ന്നി​വി​ട​ങ്ങ​ളി​ലും വി​ല​ക്ക്​ ഏ​ർ​പ്പെ​ടു​ത്തി.

ച​രി​ത്ര​പ്ര​സി​ദ്ധ​മാ​യ ബേ​ലൂ​ർ ച​ന്ന​കേ​ശ​വ ക്ഷേ​ത്രം, തു​മ​കു​രു വി​ശ​ല സി​ദ്ധ​ലിം​ഗേ​ശ്വ​ര ക്ഷേ​ത്രം, ശി​വ​മൊ​ഗ്ഗ​യി​ലെ മ​ഹാ​ഗ​ണ​പ​തി​ക്ഷേ​ത്രം എ​ന്നി​വി​ട​ങ്ങ​ളി​ലെ ഉ​ത്സ​വ​ങ്ങ​ളി​ലും മു​സ്​​ലിം ക​ച്ച​വ​ട​ക്കാ​ർ​ക്ക്​ വി​ല​ക്കേ​ർ​പ്പെ​ടു​ത്തി. ഉ​ത്സ​വ​ങ്ങ​ളി​ൽ മു​സ്‍ലിം ക​ച്ച​വ​ട​ക്കാ​രെ ബ​ഹി​ഷ്ക​രി​ക്കു​ന്ന​ത്​ സം​ബ​ന്ധി​ച്ച്​ ഒ​ന്നും ചെ​യ്യാ​നാ​വി​ല്ലെ​ന്നാ​ണ്​ സ​ർ​ക്കാ​റി​ന്‍റെ നി​ല​പാ​ട്. നി​യ​മ​മ​ന്ത്രി ജെ.​സി. മ​ധു​സ്വാ​മി ഇ​ക്കാ​ര്യം ക​ഴി​ഞ്ഞ​ദി​വ​സം നി​യ​മ​സ​ഭ​യി​ൽ വ്യ​ക്ത​മാ​ക്കി​യി​രു​ന്നു.

ഏ​പ്രി​ൽ13 മു​ത​ൽ 14വ​രെ​യാ​ണ്​ ആ​യി​ര​ക്ക​ണ​ക്കി​നു​ പേ​ർ പ​ങ്കാ​ളി​ക​ളാ​വു​ന്ന ബേ​ലൂ​ർ ച​ന്ന​കേ​ശ​വ ര​ഥോ​ത്സ​വം. ഉ​ത്സ​വ​ത്തി​ൽ മു​സ്​​ലിം​വ്യാ​പാ​രി​ക​ളെ പ​​ങ്കെ​ടു​പ്പി​ക്ക​രു​തെ​ന്ന്​ വി.​എ​ച്ച്.​പി ജി​ല്ല ഭ​ര​ണ​കൂ​ട​ത്തോ​ട്​ ആ​വ​ശ്യ​പ്പെ​ട്ടു. ചി​ക​മ​ക​ളൂ​രു മു​ദി​ഗ​രെ ടൗ​ണി​ലെ ഗോ​ണി​ബീ​ഡ്​ വി​ല്ലേ​ജി​ൽ ഹി​ന്ദു​ത്വ സം​ഘ​ട​ന​യു​ടെ പേ​രി​ൽ ഉ​യ​ർ​ത്തി​യ ബാ​ന​റി​ൽ, നി​യ​മ​സം​വി​ധാ​ന​ത്തെ ബ​ഹു​മാ​നി​ക്കാ​ത്ത, വി​ശു​ദ്ധ പ​ശു​വി​നെ അ​റു​ത്തു​ക​ഴി​ക്കു​ന്ന, ദേ​ശീ​യോ​ദ്​​ഗ്ര​ഥ​ന​ത്തെ ചോ​ദ്യം ചെ​യ്യു​ന്ന​വ​രെ ഉ​ത്സ​വ​വ്യാ​പാ​ര​ത്തി​ൽ പ​ങ്കാ​ളി​ക​ളാ​ക്ക​രു​തെ​ന്ന്​ ആ​വ​ശ്യ​പ്പെ​ട്ടു.

ദ​ക്ഷി​ണ ക​ന്ന​ഡ​യി​ൽ പു​ത്തൂ​ർ മാ​രി​ക​മ്പ ഉ​ത്സ​വ​മേ​ള​യി​ലും മം​ഗ​ളൂ​രു മാ​രി​ക​മ്പ മേ​ള​യി​ലും ഉ​ഡു​പ്പി​യി​ലെ മാ​രി​ഗു​ഡി ക്ഷേ​ത്ര ഉ​ത്സ​വ​മേ​ള​യി​ലും വി​ല​േ​ക്ക​ർ​പ്പെ​ടു​ത്തി​യി​രു​ന്നു. ചി​ക്ക​മ​ക​ളൂ​രു ശൃം​ഗേ​രി അ​ദ്ദ ഗ​ഡ്ഡെ, കി​ഗ്ഗ മേ​ള​ക​ളി​ലും മു​സ്​​ലിം​ക​ളെ ഒ​ഴി​വാ​ക്ക​ണ​മെ​ന്നാ​വ​ശ്യ​പ്പെ​ട്ട്​ ഹി​ന്ദു​ത്വ സം​ഘ​ട​ന​ക​ൾ അ​ധി​കൃ​ത​ർ​ക്ക്​ നി​വേ​ദ​നം ന​ൽ​കി.

മു​സ്​​ലിം​ക​ൾ ബീ​ഫ്​ ക​ഴി​ക്കു​ന്ന​ത്​ അ​വ​സാ​നി​പ്പി​ക്കു​ന്ന​തു​വ​രെ ബ​ഹി​ഷ്ക​ര​ണം തു​ട​രു​മെ​ന്ന്​ ശ്രീ​രാ​മ​സേ​ന ത​ല​വ​ൻ പ്ര​മോ​ദ്​ മു​ത്ത​ലി​ക്​ പ​റ​ഞ്ഞു. വി​ല​ക്ക്​ ക​ർ​ണാ​ട​ക​യി​ൽ എ​ല്ലാ​യി​ട​ത്തും ഏ​ർ​പ്പെ​ടു​ത്തു​മെ​ന്നും മു​സ്​​ലിം​ക​ളു​ടെ മ​നോ​ഭാ​വം മാ​റ്റു​ന്ന​തു​വ​രെ അ​തു തു​ട​രു​മെ​ന്നും മു​ത്ത​ലി​ക്​ പ​റ​ഞ്ഞു. സം​സ്ഥാ​ന​ത്തെ ഒ​രു ക്ഷേ​ത്ര പ​രി​സ​ര​ത്തും മു​സ്​​ലിം ക​ച്ച​വ​ട​ക്കാ​രെ അ​നു​വ​ദി​ക്ക​രു​തെ​ന്ന്​ വി.​എ​ച്ച്.​പി മു​സ്​​റെ വ​കു​പ്പി​നോ​ട്​ ആ​വ​ശ്യ​പ്പെ​ട്ടി​ട്ടു​ണ്ട്.