ബംഗളൂരു: അന്താരാഷ്ട്ര വാർത്താ ഏജൻസിയായ റോയിട്ടേഴ്സിലെ ജീവനക്കാരിയായ മലയാളി മാധ്യമപ്രവർത്തകയെ ആത്മഹത്യ ചെയ്ത നിലയിൽ കണ്ടെത്തി. കാസർഗോഡ് സ്വദേശിനിയായ ശ്രുതി നാരായണൻ ആണ് ഭർത്താവിന്‍റെ പീഡനം മൂലം ആത്മഹത്യ ചെയ്തത്.
ഭർത്താവ് അനീഷ് ജന്മദേശമായ കണ്ണൂരിലേക്ക് പോയ സമയത്തായിരുന്നു സംഭവം. ദിവസങ്ങളായി ഫോണിൽ ബന്ധപ്പെടാൻ സാധിക്കാതിരുന്നതിനെ തുടർന്ന് സഹോദരൻ നിഷാന്ത് താമസ സ്ഥലത്ത് എത്തിയപ്പോഴാണ് ശ്രുതി ആത്മഹത്യ ചെയ്ത വിവരം പുറത്തറിയുന്നത്. ബംഗളൂരുവിലെ വൈറ്റ്ഫീൽഡിലുള്ള അപ്പാർട്ടമെന്‍റിൽ നിന്നുമാണ് അഴുകിയ നിലയിൽ മൃതദേഹം കണ്ടെടുത്തത്.
ശ്രുതിയുടെ മുറിയിൽ നിന്നും പൊലീസ് ആത്മഹത്യാ കുറിപ്പ് കണ്ടെടുത്തു. സഹോദരൻ നൽകിയ പരാതിയുടെ അടിസ്ഥാനത്തിൽ അനീഷിനെതിരെ ആത്മഹത്യാ പ്രേരണ കുറ്റത്തിന് പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.