മി​ശ്ര വിവാഹം; ദമ്പതികൾക്ക് ഊ​രു വി​ല​ക്കും പി​ഴ​യും വിധിച്ച് വരന്‍റെ ഗ്രാമം

ബം​ഗ​ളൂ​രു: അ​ഞ്ച് വ​ർ​ഷം മു​മ്പ് പ്ര​ണ​യി​ച്ച് വി​വാ​ഹി​ത​രാ​യ ദ​മ്പ​തി​ക​ൾ​ക്ക് ഊ​രു വി​ല​ക്കും ആ​റു ല​ക്ഷം രൂ​പ പി​ഴ​യും വി​ധി​ച്ച് വ​ര​ന്റെ ഗ്രാ​മം. ചാ​മ​രാ​ജ ന​ഗ​ർ കു​ണ​ഗ​ള്ളി ഗ്രാ​മ​ത്തി​ലാ​ണ് സം​ഭ​വം.

ഷെ​ട്ടി വി​ഭാ​ഗ​ക്കാ​ര​നാ​യ ഗോ​വി​ന്ദ​രാ​ജു​വും പ​ട്ടി​ക ജാ​തി​ക്കാ​രി ശ്വേ​ത​യും ത​മ്മി​ൽ ഇ​രു വീ​ട്ടു​കാ​രു​ടെ​യും സ​മ്മ​ത​ത്തോ​ടെ​യാ​ണ് ര​ജി​സ്റ്റ​ർ വി​വാ​ഹം ന​ട​ത്തി​യ​ത്. മാ​ണ്ഡ്യ മ​ല​വ​ള്ളി​യി​ൽ ഇ​വ​ർ താ​മ​സ​വും തു​ട​ങ്ങി.

ക​ഴി​ഞ്ഞ മാ​സം ഗോ​വി​ന്ദ രാ​ജു ഭാ​ര്യ​യു​മൊ​ത്ത് ത​ന്റെ ര​ക്ഷി​താ​ക്ക​ളെ സ​ന്ദ​ർ​ശി​ച്ച​തോ​ടെ​യാ​ണ് വി​വാ​ദ​ത്തി​ന് തു​ട​ക്കം. ശ്വേ​ത താ​ഴ്ന്ന ജാ​തി​ക്കാ​രി​യാ​ണെ​ന്ന് അ​റി​ഞ്ഞ​തോ​ടെ ക​ഴി​ഞ്ഞ മാ​സം 23ന് ​ഗ്രാ​മ​ത്തി​ലെ മു​തി​ർ​ന്ന​വ​ർ യോ​ഗം ചേ​ർ​ന്നു. ഈ ​മാ​സം ഒ​ന്നി​ന് മൂ​ന്ന് ല​ക്ഷം രൂ​പ പി​ഴ​യ​ട​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഗോ​വി​ന്ദ രാ​ജു​വി​ന് നോ​ട്ടീ​സ് കൈ​മാ​റി. നോ​ട്ടീ​സി​ൽ ഒ​പ്പി​ട്ട 12 പേ​ർ​ക്കെ​തി​രെ ഗോ​വി​ന്ദ രാ​ജു പൊ​ലീ​സി​ൽ പ​രാ​തി ന​ൽ​കി. ഇ​തേ​ത്തു​ട​ർ​ന്ന് പി​ഴ ആ​റ് ല​ക്ഷം രൂ​പ​യാ​യി ഉ​യ​ർ​ത്തി​യ ഗ്രാ​മ​ത്ത​ല​വ​ൻ ഗോ​വി​ന്ദ രാ​ജു​വി​ന്റെ കു​ടും​ബ​ത്തി​ന് ഗ്രാ​മ​ത്തി​ൽ ഊ​രു​വി​ല​ക്കും പ്ര​ഖ്യാ​പി​ച്ചു.