ചണ്ഡിഗഢ്: കോവിഡിന്‍റെ രണ്ടാം വ്യാപനം അതിരൂക്ഷമാവുന്ന സാഹചര്യത്തിൽ വിവിധ സംസ്ഥാനങ്ങൾ നിയന്ത്രണങ്ങൾ കടുപ്പിക്കുന്നു. പഞ്ചാബാണ് ഏറ്റവും അവസാനമായി നിയന്ത്രണങ്ങൾ ഏർപ്പെടുത്തിയ സംസ്ഥാനം. ചില ജില്ലകളിൽ മാത്രം ഏർപ്പെടുത്തിയ കർഫ്യു സംസ്ഥാനം മുഴുവനും വ്യാപിപ്പിക്കുമെന്ന് പഞ്ചാബ് സർക്കാർ അറിയിച്ചു.
ഇതിന് പുറമേ രാഷ്ട്രീയ, സാംസ്കാരിക, കായിക പരിപാടികൾ നിരോധിച്ചു. വിവാഹ, മരണാനന്തര ചടങ്ങുകളിൽ പങ്കെടുക്കുന്നവരുടെ എണ്ണം 50 ആയി നിജപ്പെടുത്തിയിട്ടുണ്ട്. ഏപ്രിൽ 30 വരെയാണ് നിയന്ത്രണങ്ങൾ നിലവിലുള്ളത്.
അതേസമയം, സംസ്ഥാനത്തെ സ്കൂളുകൾ നേരത്തെ തന്നെ അടച്ചിരുന്നു. ഷോപ്പിങ് മാളുകളിൽ ഉൾപ്പടെ പ്രവേശിക്കുന്നതിനും നിയന്ത്രണം ഏർപ്പെടുത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.