'ഇത്​ ഫാമിലി മാനി​െൻറ തിരക്കഥയല്ല'; ഡൽഹി കലാപ ഗൂഡാലോചന കേസിലെ കുറ്റപത്രത്തിനെതിരെ ഉമർ ഖാലിദ്​

ന്യൂഡൽഹി: ഡൽഹിയിലെ വടക്കുകിഴക്കൻ കലാപ ഗൂഡാലോചന കേസിൽ പൊലീസ്​ കോടതിയിൽ സമർപ്പിച്ച കുറ്റപത്രത്തിനെതിരെ യു.എ.പി.എ ചുമത്തി അറസ്​റ്റിലായ ജെൻ.എൻ.യു മുൻ വിദ്യാർഥി നേതാവ്​ ഉമർ ഖാലിദ്​. പൊലീസ്​ കോടതിയിൽ സമർപ്പിച്ച കുറ്റപത്രം വെബ്​സീരിസി​െൻറ തിരക്കഥ പോലെയെന്ന്​ ഉമർ ഖാലിദി​െൻറ അഭിഭാഷക​ൻ കോടതി​യിൽ പറഞ്ഞു.

കുറ്റപത്രത്തെ വെബ്​സീരി​സി​െൻറ തിരക്കഥ പോലെയെന്ന്​ വിശേഷിപ്പിക്കുകയും പൊലീസിനെ വിമർശിക്കാനായി ഹാരി പോട്ടറിലെ വില്ലൻ ​േവാൾഡ്​മോർട്ടിനെ പരാമർശിക്കുകയും ചെയ്​തു. 2020ലെ ഡൽഹി കലാപത്തിലെ ഗൂഡാലോചന കേസിൽ ജയിലിൽ കഴിയുകയാണ്​ അദ്ദേഹം. കേസിൽ ജാമ്യം തേടിയിരുന്നു.

കുറ്റപത്രം വസ്​തുതാപരമല്ലെന്നും അടിസ്​ഥാനമില്ലാതെ അതിശയോക്തി കലർത്തി ആരോപണങ്ങൾ ഉന്നയിക്കുന്നുവെന്നും പൊലീസ്​ ഉദ്യോഗസ്​ഥ​െൻറ ഭാവനയാണ്​ കുറ്റപത്രമെന്നും ഖാലിദിന്​ വേണ്ടി ഹാജരായ മുതിർന്ന അഭിഭാഷകൻ ത്രിദീപ്​ പയസ്​ അഡീഷനൽ സെഷൻസ്​ ജഡഎ്​ഡ്​ അമിതാഭ്​ റാവത്തിനോട്​ പറഞ്ഞു.

കുറ്റപ​ത്രത്തിൽ പറയുന്ന മൊഴികളിലെ വൈരുധ്യങ്ങൾ കാണിക്കാനും പൊലീസ്​ സമർപ്പിച്ച അന്തിമ റിപ്പോർട്ട്​ അസംബന്ധമാണെന്നും കാണിക്കാൻ ഹാരിപോട്ടൻ പരമ്പരയിലെ വില്ലനായ വോൾഡ്​മോർട്ടിനെക്കുറിച്ചും അഭിഭാഷകൻ പരാമർശിച്ചു.

'തയാറാക്കിയ പൊലീസ്​ ഉദ്യോഗസ്​ഥ​െൻറ ഭാവനയാണ്​ കുറ്റപത്രം. സാക്ഷികളെ വാങ്ങുകയായിരുന്നു. അ​േദ്ദഹം ഫാമിലി മാനി​െൻറ തിരക്കഥയല്ല തയാറാക്കുന്നത്​. ഇതൊരു കുറ്റപത്രമാണ്​' -അഭിഭാഷകൻ പറഞ്ഞു.

ഡൽഹിയിൽനിന്നാൽ താൻ തീയിൽ എറിയപ്പെടുമെന്ന്​ ഖാലിദിന്​ അറിയാമായിരുന്നു, അതിനാൽ അദ്ദേഹം ഡൽഹിയിൽ തങ്ങിയില്ല എന്ന കുറ്റപത്രത്തിലെ പരാമർശത്തിനെതിരെയും അഭിഭാഷകൻ തുറന്നടിച്ചു. ഖാലിദി​െൻറ മനസി​െൻറയുള്ളിൽ കയറി ഇരുന്നാൽ മാത്രമേ അത്​ സാധിക്കുവെന്നായിരുന്നു അഭിഭാഷക​െൻറ മറുപടി. ഖാലിദി​െൻറ ജാമ്യം പരിഗണിക്കു​േമ്പാൾ കുറ്റപത്രത്തിൽ പറയുന്നവയെ ആശ്രയിക്കാൻ കഴിയില്ലെന്നും അദ്ദേഹം പറഞ്ഞു.

എഡിറ്റ്​ ചെയ്​ത അമരാവതിയിലെ ഖാലിദി​െൻറ പ്രസംഗം ഉപയോഗിച്ചാണ്​ യു.എ.പി.എ ചുമത്തിയതെന്നും അഭിഭാഷകൻ കോടതിയിൽ പറഞ്ഞു. ഇവ രണ്ടു ടി.വി ചാനലുകൾ സംപ്രേക്ഷണം ചെയ്​തതി​െൻറ അടിസ്​ഥാനത്തിലും ബി.ജെ.പി നേതാവ്​ അമിത്​ മാളവ്യ ​ട്വീറ്റ്​ ചെയ്​ത എഡിറ്റഡ്​ വിഡിയോയുടെ അടിസ്​ഥാനത്തിലുമാ​ണ്​ ​െപാലീസ്​ കേസെന്നും അദ്ദേഹം പറഞ്ഞു.