ലഖ്നോ: പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത അയോധ്യയിലെ മഹർഷി വാത്മീകി അന്താരാഷ്ട്ര വിമാനത്താവളത്തിൽ ആദ്യ വിമാനമിറങ്ങിയപ്പോൾ കാവിക്കൊടികളേന്തി ജയ്ശ്രീറാം വിളികളുമായി യാത്രക്കാർ. ശനിയാഴ്ചയായിരുന്നു അയോധ്യയിലേക്ക് ആദ്യവിമാനം ഡൽഹിയിൽ നിന്ന് പുറപ്പെട്ടത്.
കാവി വസ്ത്രങ്ങൾ ധരിച്ചായിരുന്നു യാത്രക്കാരേറെയും എത്തിയത്. ഇൻഡിഗോ വിമാനം ഡൽഹിയിൽ നിന്ന് പറന്നുയരുന്നതിന് മുമ്പ് ക്യാപ്റ്റൻ യാത്രക്കാരെ സ്വാഗതംചെയ്ത് സംസാരിച്ചു. ജയ്ശ്രീറാം എന്ന് പറഞ്ഞാണ് ക്യാപ്റ്റൻ തന്‍റെ സംസാരം അവസാനിപ്പിച്ചത്. അപ്പോഴും യാത്രക്കാർ ഏറ്റുവിളിച്ചു.
രാമക്ഷേത്രത്തിന്റെ പ്രതിഷ്ഠാദിനം ഈമാസം നടത്താനിരിക്കെയാണ് പുതിയ വിമാനത്താവളവും നവീകരിച്ച അയോധ്യ റെയിൽവേ സ്റ്റേഷനും ഉദ്ഘാടനം ചെയ്തത്. 1450 കോടിയിലധികം രൂപ ചെലവഴിച്ചാണ് അയോധ്യ വിമാനത്താവളത്തിന്‍റെ ഒന്നാം ഘട്ടം വികസിപ്പിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.