ന്യൂഡൽഹി: വരുന്ന പൊതു തെരഞ്ഞെടുപ്പിൽ ബി.ജെ.പി പരാജയപ്പെടുത്താനായി ചില സീറ്റുകൾ ബി.എസ്.പിക്ക് വിട്ടുനൽകാൻ തയാറാണെന്ന് സമാജ്വാദി പാർട്ടി പ്രസിഡൻറ് അഖിലേഷ് യാദവ്.
ബി.എസ്.പിയുമായി സഖ്യം രൂപീകരിച്ചിട്ടുണ്ട്. ആ സഹകരണം തുടരാനാണ് ആഗ്രഹം. രണ്ടോ നാലോ സീറ്റുകൾ ബി.എസ്.പിക്ക് വിട്ടുകൊടുക്കാനും തയാറാണ്. ബി.എസ്.പിയുമായി ചേർന്ന് ബി.ജെ.പിയെ പരാജയപ്പെടുത്തുമെന്നും അഖിലേഷ് പറഞ്ഞു.
കഴിഞ്ഞ കൈരാന, ഗൊരഖ്പൂർ, ഫൂൽപൂർ ഉപതെരഞ്ഞെടുപ്പുകളിൽ സഖ്യം വിജയം നേടിയിരുന്നു. ഇൗ കൂട്ടുകെട്ട് എത്രകാലം തുടരുമെന്നതായിരുന്നു സംശയം. എന്നാൽ എന്ത് ത്യാഗം സഹിച്ചും സഖ്യം തുടരുമെന്നതിെൻറ സൂചനയാണ് അഖിലേഷ് നൽകിയത്.
ബി.ജെ.പിെയ തകർക്കുകയെന്ന ലക്ഷ്യം വെച്ച് വിവിധപാർട്ടികൾ മഹാ സഖ്യം രൂപീകരിക്കണം. നാമെങ്ങനെ സഖ്യത്തിലാകും എന്നാണ് അവർ അത്ഭുതപ്പെടുന്നത്. എന്നാൽ നാം ഒരുമിച്ച് പ്രവർത്തിച്ച് ബി.ജെ.പിയെ തകർക്കുമെന്നും അഖിലേഷ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.