'ജന്മദിനത്തിന്​ ബിരിയാണിയില്ല'; ബന്ധുവായ യുവാവ്​ അമ്മയെയും മകളെയും കുത്തിപ്പരിക്കേൽപിച്ചു

പൂണെ: കോവിഡ്​ വ്യാപനത്തി​െൻറ പശ്ചാത്തലത്തിൽ എവരും തങ്ങളുടെ കുടുംബത്തിൽ നടക്കുന്ന ചടങ്ങുകൾ ലളിതമാക്കുന്നത്​ പതിവാണ്​. എന്നാൽ മഹാരാഷ്​ട്രയിലെ നിഗ്​ദിയിൽ നിന്നുള്ള രാജു കെരപ്പ ഗെയ്​ക്​വാദ്​ ത​െൻറ മകളുടെ ജന്മദിനം ചെറിയ രീതിയിൽ ആ​േഘാഷിക്കാമെന്ന്​ തീരുമാനിക്കു​േമ്പാൾ അതൊരു ദുരന്തത്തിൽ ചെന്ന്​ അവസാനിക്കുമെന്ന്​ സ്വപ്​​നത്തിൽ പോലും വിചാരിച്ചിട്ടുണ്ടാകില്ല. വിപുലമായ ആഘോഷം പ്രതീക്ഷിച്ച ബന്ധുക്കളിലൊരാൾ ജന്മദിനം ആഘോഷിച്ച ബാലികയെയും അവളുടെ അമ്മയെയും കുത്തിപ്പരിക്കേൽപിച്ചു.

സംഭവത്തിൽ സന്തോഷ്​ പ്രദീപ്​ ഗെയ്​ക്​വാദ്​ (40) എന്നയാൾ പൊലീസി​െൻറ പിടിയിലായി. ആശുപത്രിയിൽ പ്രവേശിപ്പിച്ച അമ്മയുടെയും മകളും അപകടനില തരണം ചെയ്​തതായി അന്വേഷണ ഉദ്യോഗസ്​ഥർ അറിയിച്ചു.

'പരാതിക്കാരനും പ്രതിയും ബന്ധുക്കളാണ്​. സാധാരണയായി രാജുവും കുടുംബവും ജന്മദിനം വലിയ ആഘോഷമായാണ്​ കൊണ്ടാടാറുള്ളത്​. എന്നാൽ ഇൗ വർഷം കോവിഡ്​ വ്യാപന​െത്ത തുടർന്ന്​ പരിപാടി ലളിതമാക്കി ആഘോഷിക്കാൻ തീരുമാനിച്ചു. ഇക്കാര്യം അറിഞ്ഞ്​ ​കുപിതനായ സന്തോഷ്​ നിരന്തരം പരാതിപ്പെടുന്നുണ്ടായിരുന്നു. ബിരിയാണി തയാറാക്കാത്തിനെ ചൊല്ലിയും ഇയാൾ കലഹിച്ചു' -നിഗിഡി എസ്​.ഐ വർഷ റാണി ഗാ​ട്ടെ പറഞ്ഞു.

'തുടർന്ന്​ കുട്ടിയുടെ ജന്മദിനം എല്ലാ വർഷവും എന്താണ്​ ആഘോഷിക്കാത്തതെന്ന്​ ചോദിച്ച്​ ഇയാൾ രാജുവി​െൻറ വീട്ടിലെത്തി കലഹിച്ചു. ജന്മദിനാഘോഷത്തിനായി സന്തോഷ്​ കുറച്ച്​ പേരെ ക്ഷണിക്കുകയും ചെയ്​തു. എന്നാൽ രാജുവും കുടുംബവും ഇതിനോട്​ അനുകൂലമായി പ്രതികരിച്ചില്ല.

തുടർന്ന്​ കുപിതനായ പ്രതി പരാതിക്കാര​െൻറ ഭാര്യയെ മൂർച്ചയേറിയ ആയുധം ഉപയോഗിച്ച്​ കുത്തി. അമ്മയെ രക്ഷിക്കാനായി ഓടിയെത്തിയ മകളെയും ഇയാൾ ആക്രമിക്കുകയായിരുന്നു. കൈ, വിരലുകൾ, കാൽപാദം എന്നിവിടങ്ങളിൽ ഇരുവർക്കും ഒന്നിൽ കൂടുതൽ മുറിവുകളുണ്ട്' -വർഷറാണി കൂട്ടിച്ചേർത്തു​.