ഭുവനേശ്വർ: അന്തരാഷ്ട്ര വിപണിയിൽ ഒരു കോടി രൂപ വിലവരുന്ന പാമ്പിൻ വിഷം കടത്തിയ ആറുപേർ അറസ്റ്റിൽ. ഒഡീഷയിലെ ഭുവനേശ്വറിലാണ് സംഭവം. ഒരു ലിറ്റർ പാമ്പിൻ വിഷമാണ് വനം വകുപ്പ് അധികൃതർ ആറംഗ സംഘത്തിൽനിന്ന് പിടികൂടിയത്.
'ബാർഗഡിൽ ഒരു ലിറ്റർ പാമ്പിൻ വിഷം പിടിച്ചെടുത്തു. സ്ത്രീയടക്കം മൂന്നുപേർ അടങ്ങിയവരാണ് 10ലക്ഷം രൂപക്ക് ഡീൽ ഉറപ്പിച്ച് പാമ്പിൻ വിഷം എത്തിച്ചുനൽകിയത്. വാങ്ങാനെത്തിയവരെയും പിടികൂടി. അന്താരാഷ്ട്ര വിപണിയിൽ ഒരു കോടി രൂപ വില വരും' -ജില്ല ഫോറസ്റ്റ് ഓഫിസർ അശോക് മിശ്ര പറഞ്ഞു.
കുപ്പികളിൽ സൂക്ഷിച്ച നിലയിലായിരുന്നു വിഷം. 200ഓളം മൂർഖൻ പാമ്പുകളിൽനിന്നു മാത്രമേ ഒരു ലിറ്റർ പാമ്പിൻ വിഷം ലഭിക്കൂവെന്നും അദ്ദേഹം കൂട്ടിച്ചേർത്തു. റാക്കറ്റിലെ ആറുപേരെയാണ് പിടികൂടിയതെന്നും ഇവരെ കോടതിയിൽ ഹാജരാക്കുമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.