ന്യൂഡല്‍ഹി: ട്രാഫിക് നിയമ ലംഘനം നടത്തിയത് തടയാന്‍ ശ്രമിച്ച പൊലീസ് ഉദ്യോഗസ്ഥനെ കാറിെൻറ ബോണറ്റിലേക്ക് ഇടിച്ച് വീഴ്ത്തി മീറ്ററുകളോളം വലിച്ചിഴച്ചു. തിങ്കളാഴ്ച രാവിലെ ഡല്‍ഹിയിലെ ധൗല കോനിലാണ് സംഭവം നടന്നത്. ഫാൻസി നമ്പർ േപ്ലറ്റ് കണ്ട് കാറ് തടയാന്‍ ശ്രമിച്ച പൊലീസ് ഉദ്യോഗസ്ഥനെ ഇടിച്ച് ബോണറ്റില്‍ കയറ്റിയ ഡ്രൈവര്‍ ഇദ്ദേഹത്തെയും കൊണ്ട് ഓടിച്ചുപോവുകയായിരുന്നു. ട്രാഫിക് പൊലീസ് കോൺസ്റ്റബിൾ മഹിപാൽ സിങ്ങിനെയാണ് കാർ ഇടിച്ചത്.
പുറത്തുവന്ന സി.സി.ടി വി ദൃശ്യങ്ങളിൽ മഹിപാൽ സിങ് കാറിെൻറ ബോണറ്റില്‍ പിടിച്ചു തൂങ്ങിക്കിടക്കുന്നത് കാണാം. അതിനിടെ കാർ നിർത്താൻ ശ്രമിക്കവെ പൊലീസുകാരൻ റോഡിൽ തെറിച്ചുവീണു. തിരക്കേറിയ റോഡില്‍ വീണ ഇദ്ദേഹം കാറിനടയില്‍ പെടാതെ തലനാരിഴക്കാണ് രക്ഷപ്പെട്ടത്.
#WATCH An on-duty Delhi Traffic Police personnel in Delhi's Dhaula Kuan dragged on the bonnet of a car for few metres after he attempted to stop the vehicle for a traffic rule violation. The car driver was held later.(12.10.20) #Delhi pic.twitter.com/R055WpBm8M
— ANI (@ANI) October 15, 2020
ഫാൻസി നമ്പർ േപ്ലറ്റ് കണ്ടതിനെ തുടർന്നാണ് മഹിപാൽ കാർ തടഞ്ഞത്. കാർ നിർത്തി അടുത്ത നിമിഷം പൊലീസുകാരനെയും ഇടിച്ച് കുതിക്കുകയായിരുന്നു. 400 മീറ്ററോളം ദൂരം മഹിപാൽ ബോണറ്റിൽ പിടിച്ചുകടന്നു.
സംഭവത്തില്‍ കാര്‍ ഡ്രൈവറായ ഉത്തം നഗർ സ്വദേശി ശുഭത്തെ പൊലീസ് അറസ്റ്റു ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.