റാങ്പോ: സിക്കിമിൽ ഏകസിവിൽകോഡ് നടപ്പാക്കില്ലെന്ന് ബി.ജെ.പി സഖ്യകക്ഷിയായ സിക്കിം ക്രാന്തികാരി മോർച്ച നേതാവും മുഖ്യമന്ത്രിയുമായ പ്രേം സിങ് തമാങ്. ബി.ജെ.പി നേതൃത്വത്തിലുള്ള കേന്ദ്രം അടിച്ചേൽപ്പിക്കുന്ന ഏകീകൃത സിവിൽ കോഡ് നടപ്പാക്കില്ലെന്ന് പ്രേം സിങ് തമാങ് വ്യക്തമാക്കി.
“ഞങ്ങൾ മറ്റ് സംസ്ഥാനങ്ങളെപ്പോലെയല്ല. ആർട്ടിക്കിൾ 371 (എഫ്) പ്രകാരം പ്രത്യേക പരിരക്ഷയുണ്ട്. പ്രത്യേക പരിരക്ഷയുള്ള സംസ്ഥാനങ്ങളിൽ, ഏകസിവിൽകോഡ് നടപ്പാക്കില്ലെന്നാണ് റാങ്പോയിൽ നടന്ന രാഷ്ട്രീയ യോഗത്തിൽ സിക്കിം മുഖ്യമന്ത്രി പറഞ്ഞത്.
ഏക സിവിൽ കോഡുമായി ബന്ധപ്പെട്ട് ആശങ്കപ്പെടേണ്ടതില്ല. യു.സി.സി ചെയർമാൻ കിരൺ റിജിജുവുമായും കേന്ദ്രവുമായും നിരന്തരം ബന്ധപ്പെടുന്നുണ്ടെന്നും വടക്കുകിഴക്കൻ സംസ്ഥാനങ്ങളിൽ ഏകസിവിൽകോഡ് നടപ്പാക്കരുതെന്ന് ശിപാർശ ചെയ്തിട്ടുണ്ടെന്നും പ്രേം സിങ് തമാങ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.