അക്രമികൾക്ക് പാസ് നൽകിയത് ഉവൈസിയോ ഡാനിഷ് അലിയോ ആയിരുന്നെങ്കിൽ എന്താകും സ്ഥിതി -രാജ്ദീപ് സർദേശായി

ന്യൂഡൽഹി: പാ​ർ​ല​മെ​ന്റി​ൽ അ​ക്ര​മി​ക​ൾ കയറി ഭീ​ക​രാ​ന്ത​രീ​ക്ഷം സൃ​ഷ്ടി​ച്ച സംഭവത്തിൽ പ്രതികരണവുമായി മുതിർന്ന മാധ്യമപ്രവർത്തകൻ രാജ്ദീപ് സർദേശായി. അക്രമികൾക്ക് പാസ് നൽകിയത് വേറെ ഏതെങ്കിലും എം.പിമാരായാരുന്നെങ്കിൽ എന്തായിരിക്കും സ്ഥിതി എന്നാണ് അദ്ദേഹം സമൂഹ മാധ്യമമായ എക്സിൽ കുറിച്ചത്.

‘പാർലമെന്‍റിൽ അതിക്രമിച്ച് കയറിയവർക്ക് പാസ് നൽകിയത് എം.പിമാരായ ഉവൈസിയോ ഡാനിഷ് അലിയോ ആയിരുന്നെങ്കിലോ? ചിന്തിച്ചുനോക്കുക...’ -എന്നായിരുന്നു രാജ്ദീപിന്‍റെ കുറിപ്പ്.

നേരത്തെ, സി.പി.ഐ സംസ്ഥാന സെക്രട്ടറി ബിനോയ് വിശ്വവും സമാന അഭിപ്രായം പങ്കുവെച്ചിരുന്നു. പിടിയിലായ പ്രതികൾ മുസ്‍ലിം പേരുകാരോ, അവർക്ക് പാസ് നൽകിയത് ബി.ജെ.പി എം.പിക്ക് പകരം പ്രതിപക്ഷക്കാരനോ ആയിരുന്നെങ്കിൽ രാജ്യം നിന്നുകത്തിയേനേയെന്നാണ് ബിനോയ് വിശ്വം എം.പി പറഞ്ഞത്.

ഇന്നലെയാണ് രാജ്യം ഞെട്ടിയ സുരക്ഷാ വീഴ്ച പാർലമെന്‍റിൽ ഉണ്ടായത്. പാ​ർ​ല​മെ​ന്റി​ൽ ക​യ​റി​ക്കൂ​ടി​യ ആ​ക്ര​മി​ക​ൾ ലോ​ക്സ​ഭ​യി​ൽ എം.​പി​മാ​ർ​ക്കി​ട​യി​​ലേ​ക്ക് ചാ​ടി​വീ​ണ് ഭീ​ക​രാ​ന്ത​രീ​ക്ഷം സൃ​ഷ്ടി​ക്കുകയായിരുന്നു. മൈ​സു​രു​വി​ൽ​നി​ന്നു​ള്ള ബി.​ജെ.​പി എം.​പി പ്ര​താ​പ് സിം​ഹ​യു​ടെ പാ​സി​ൽ സ​ന്ദ​ർ​ശ​ക ഗാ​ല​റി​യി​ലെ​ത്തിയ രണ്ടുപേരാണ് അതിക്രമം കാട്ടിയത്. ഉ​ത്ത​ർ​പ്ര​ദേ​ശി​ൽ നി​ന്നു​ള്ള സാ​ഗ​ർ ശ​ർ​മ​യും മൈസുരു സ്വ​ദേ​ശി മ​നോ​ര​ഞ്ജ​ൻ ഗൗ​ഡ​യും ആണ് പിടിയിലായത്. പാ​ർ​ല​മെ​ന്റ് വ​ള​പ്പി​നു പു​റ​ത്ത് ഇ​തേ സം​ഘ​ത്തി​ൽ​പെ​ട്ട ഹ​രി​യാ​ന​ക്കാ​രി നീ​ല​വും മ​ഹാ​രാ​ഷ്​​ട്ര​യി​ൽ​നി​ന്നു​ള്ള അ​മോ​ൽ ഷി​ൻ​ഡെ​യും പു​ക​ത്തോ​ക്ക് പൊ​ട്ടി​ച്ച് പ്ര​തി​ഷേ​ധ മു​ദ്രാ​വാ​ക്യ​ങ്ങ​ളു​യ​ർ​ത്തിയതോടെ പൊലീസിന്‍റെ പിടിയിലായിരുന്നു.

രാത്രിയോടെ ഇവരുടെ കൂടെയുണ്ടായിരുന്ന ഹരിയാന ഗുരുഗ്രാം സ്വദേശി ലളിത് ഝായും പിടിയിലായിരുന്നു. രക്ഷപ്പെട്ട മറ്റൊരു സംഘാംഗം വിക്രം എന്നയാളാണെന്ന് തിരിച്ചറിഞ്ഞിട്ടുണ്ട്. പ്രതികൾക്കെതിരെ യു.എ.പി.എ ചുമത്തി കേസെടുത്തിട്ടുണ്ട്.

പ്രതികൾ പരിചയപ്പെട്ടത് ഫേസ് ബുക്ക് വഴിയാണെന്ന് സൂചനയുണ്ട്. തൊഴിലില്ലായ്മ, വിലക്കയറ്റം, കർഷകപ്രശ്നം, മണിപ്പൂർ എന്നീ വിഷയങ്ങളിലുള്ള പ്രതിഷേധമാണുണ്ടായതെന്നാണ് പ്രതികളുടെ മൊഴി. മാസങ്ങൾ നീണ്ട ഗൂഢാലോചനയുണ്ടായെന്നാണ് വിലയിരുത്തൽ. ലളിതിന്റെ ഗുരുഗ്രാമിലെ വീട്ടിലാണ് പ്രതികൾ ഒന്നിച്ച് താമസിച്ചതെന്നും പൊലീസ് പറയുന്നു.