ആലപ്പുഴ: നഗരസഭ വൈസ് ചെയർപേഴ്സനും രണ്ടു സ്ഥിരംസമിതി അധ്യക്ഷന്മാർക്കും കോവിഡ് സ്ഥിരീകരിച്ചു. നഗരസഭ വൈസ് ചെയർപേഴ്സൻ ജ്യോതിമോൾ, ആരോഗ്യ സ്റ്റാൻഡിങ് കമ്മിറ്റി ചെയർമാൻ അഡ്വ. റസാഖ്, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അഡ്വ. മനോജ് കുമാർ എന്നിവർക്കാണ് കോവിഡ് പരിേശാധന ഫലം പോസിറ്റീവായത്.
മൂന്നുപേരും നിരീക്ഷണത്തിൽ പ്രവേശിച്ചു. രോഗം സ്ഥിരീകരിച്ചവരുമായി അടുത്തിടപഴകിയവർ നിരീക്ഷണത്തിൽ പോകണമെന്ന് നഗരസഭ ചെയർമാൻ ഇല്ലിക്കൽ കുഞ്ഞുമോൻ അറിയിച്ചു.
കഴിഞ്ഞ ദിവസം ടൗൺ ഹാളിൽ ടി.വി വിതരണ ചടങ്ങ് സംഘടിപ്പിച്ചിരുന്നു. ചടങ്ങിൽ ചെയർമാൻ അടക്കം 400ഓളം പേർ പെങ്കടുക്കുകയും ചെയ്തിരുന്നു. കൂടുതൽ പേരുമായി സമ്പർക്ക സാധ്യതയുള്ളതിനാൽ ജാഗ്രത പാലിക്കാനും നിർദേശം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.