നെടുമങ്ങാട്: വായ്പ തരപ്പെടുത്തിക്കൊടുക്കാമെന്ന് പ്രലോഭിപ്പിച്ച് ബ്യൂട്ടി പാർലർ ജീവനക്കാരിയായ യുവതിയെ ലൈംഗികമായി പീഡിപ്പിച്ച ഓട്ടോ ഡ്രൈവറെ നെടുമങ്ങാട് പൊലീസ് അറസ്റ്റ് ചെയ്തു. വട്ടപ്പാറ കണക്കോട് ജൂബിലി നഗർ കോട്ടമുകൾ കുന്നിൽ വീട്ടിൽ എൻ. സനിൽദാസ് (37) ആണ് നെടുമങ്ങാട് പൊലീസിെൻറ പിടിയിലായത്. വിവാഹിതനും രണ്ട് കുട്ടികളുടെ പിതാവുമാണിയാൾ.
കുറഞ്ഞ പലിശനിരക്കിൽ വായ്പ തരപ്പെടുത്തി നൽകാമെന്നും അതിന് എം.ഡിയെ കാണണമെന്നും പറഞ്ഞ് വിശ്വസിപ്പിച്ച് യുവതിയെ നെടുമങ്ങാട്ടുനിന്ന് ഓട്ടോയിൽ മെഡിക്കൽ കോളജ് ചാലക്കുഴി ഭാഗത്തെ ലോഡ്ജിൽ കൊണ്ടുപോയി പീഡിപ്പിക്കുകയായിരുന്നെന്ന് പൊലീസ് അറിയിച്ചു. ഇയാൾ ഓട്ടോയിൽ തിരുവനന്തപുരത്തുനിന്ന് നെടുമങ്ങാട്ടേക്കുള്ള യാത്രാമധ്യേ പരിചയപ്പെട്ടതാണ് സ്ത്രീയെ.
നെടുമങ്ങാട് സി ഐ വിനോദ്, എസ്.ഐ അഷ്‌റഫ്, വിജയൻ, നൂറുൽ ഹസൻ , രാജേഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.