തൃശൂര്‍: തൃശൂരിലെ എക്സൈസ് ഉദ്യോഗസ്ഥർക്കെതിരായ മാസപ്പടി ആരോപണത്തിൽ എക്സൈസ് കമീഷണർ അന്വേഷണം ആരംഭിച്ചു.
ഉദ്യോഗസ്ഥർക്ക് ഇനി മാസപ്പടി നൽകില്ലെന്ന് ബാർ ഉടമകളുടെ സംഘടനയായ ഫെഡറേഷൻ ഓഫ് കേരള ഹോട്ടൽസ് അസോസിയേഷൻ യോഗ തീരുമാനം കഴിഞ്ഞ ദിവസം പുറത്തുവന്ന സാഹചര്യത്തിൽ മന്ത്രി എം.ബി. രാജേഷിന്റെ നിർദേശത്തെത്തുടർന്നാണ് അന്വേഷണം. വർഷത്തിൽ 15 തവണ 30,000 രൂപ വീതം ബാര്‍ ഒന്നിന് നൽകേണ്ടിവന്നെന്ന് ഫെഡറേഷൻ ഓഫ് കേരള ഹോട്ടൽസ് അസോസിയേഷൻ തൃശൂർ, ഇരിങ്ങാലക്കുട മേഖല യോഗത്തിൽ അംഗങ്ങൾ എക്സൈസ് ഉദ്യോഗസ്ഥരുടെ കൈക്കൂലിക്കെതിരെ പരാതിപ്പെട്ടിരുന്നു.
ഇനിയും കൈക്കൂലി ആവശ്യപ്പെട്ടാൽ നിയമനടപടിയുമായി മുന്നോട്ട് പോകുമെന്നും അംഗങ്ങൾ വ്യക്തമാക്കിയിരുന്നു. 12 മാസവും മാസപ്പടി നൽകുന്നതിന് പുറമെ മൂന്ന് ഉത്സവ സമയത്തും മാസപ്പടി നൽകേണ്ടിവരുന്നു. പരാതി വ്യാപകമായതോടെയാണ് കൈക്കൂലി നൽകേണ്ടെന്ന തീരുമാനമെടുത്തതെന്ന് സംസ്ഥാന ജനറൽ സെക്രട്ടറി പത്മദാസ് വിശദീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.