നീലേശ്വരം: പത്താം ക്ലാസ് വിദ്യാർഥി ഹൃദയാഘാതം മൂലം മരിച്ചു. പരേതനായ വിമൽ മാർട്ടിൻ പുതുമനയുടെയും ചായ്യോത്ത് ഗവ. ഹയർ സെക്കൻഡറി സ്കൂൾ അധ്യാപിക ഷിജി ജോസിന്റെയും മകനും ഇതേ സ്കൂളിലെ എസ്.എസ്.എൽ.സി വിദ്യാർഥിയുമായ അരുൾ വിമലാണ് (15) മരിച്ചത്.
തിങ്കളാഴ്ച പുലർച്ചെ വീട്ടിൽ തളർന്നുവീണ അരുളിനെ ഉടൻ നീലേശ്വരത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സ്കൂളിലെ എൻ.സി.സി കാഡറ്റും പഠിക്കാൻ മിടുക്കനുമായിരുന്നു.
ഉച്ചയോടെ സ്കൂളിലെത്തിച്ച മൃതദേഹം പൊതുദർശനത്തിനു വെച്ചു. ആദരസൂചകമായി സ്കൂളിന് അവധി നൽകി.
സഹോദരി: അനന്യ വിമൽ (പ്ലസ് ടു വിദ്യാർഥി, ചായ്യോത്ത് ഗവ. ഹയർ സെക്കൻഡറി സ്കൂൾ).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.