കൊച്ചി: എം.ജി സർവകലാശാലയിൽ പെൺകുട്ടിയെ ആക്രമിച്ച സംഭവത്തിൽ എസ്.എഫ്.ഐ സംസ്ഥാന സെക്രട്ടറി പി.എം. ആർഷോയെ അറസ്റ്റ് ചെയ്യാത്തതിനെതിരെ ഡി.ജി.പിക്ക് പരാതി.
രാഷ്ട്രീയ സ്വാധീനം മൂലം അന്വേഷണ ഉദ്യോഗസ്ഥനായ കോട്ടയം ഡിവൈ.എസ്.പി അറസ്റ്റ് ചെയ്യാൻ തയാറാകുന്നില്ലെന്ന് യൂത്ത് കോൺഗ്രസ് സംസ്ഥാന സെക്രട്ടറി പി.വൈ. ഷാജഹാൻ പരാതിയിൽ ആരോപിച്ചു. കേസിലെ നാലാം പ്രതിയാണിയാൾ.
മറ്റൊരു കേസിൽ അറസ്റ്റിലായി കാക്കനാട് ജില്ല ജയിലിലാണ് ആർഷോ. ഒളിവിലായിരുന്ന ഇയാളെ ഏതാനും ആഴ്ചകൾക്ക് മുമ്പാണ് കൊച്ചി സിറ്റി പൊലീസ് അറസ്റ്റ് ചെയ്തത്. ആർഷോ ജില്ല ജയിലിൽ റിമാൻഡിലാണെന്ന വിവരം എറണാകുളം സെൻട്രൽ എ.സി.പി രേഖാമൂലം കോട്ടയം ഡിവൈ.എസ്.പിയെ അറിയിച്ചിട്ടും നടപടിയുണ്ടാകുന്നില്ലെന്നും പരാതിയിൽ ആരോപിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.