കാർഷിക ഭൂപരിഷ്​കരണ ഭേദഗതി ബിൽ നിയമസഭയിൽ കീറിയെറിഞ്ഞ്​ സിദ്ധരാമയ്യ

ബംഗളൂരു: പ്രതിപക്ഷത്തി​െൻറയും സംസ്​ഥാനത്തെ കർഷകരുടെയും പ്രതിഷേധം വകവെക്കാതെ യെദിയൂരപ്പ സർക്കാർ 2020ലെ ഭൂപരിഷ്​കരണ ഭേദഗതി ബിൽ നിയമസഭയിൽ പാസാക്കി. ബിൽ കർഷക വിരുദ്ധമാണെന്ന്​ ചൂണ്ടിക്കാട്ടി ​പ്രതിപക്ഷ നേതാവ്​ സിദ്ധരാമയ്യ ബിൽ നിയമസഭയിൽ കീറിയെറിഞ്ഞു. 'കർഷക വിരുദ്ധ ബി.ജെ.പി സർക്കാർ രാജിവെക്കുക' എന്ന മുദ്രാവാക്യവുമായി കോൺഗ്രസ്​ എം.എൽ.എമാർ പ്രതിഷേധമുയർത്തിയതിന്​ പിന്നാലെ സഭയിൽ നിന്ന്​ ഇറങ്ങിപ്പോയി.

സംസ്​ഥാനത്തെ ബഹുഭൂരിപക്ഷം കർഷകരും പുതിയ ഭൂപരിഷ്​കരണ ​േഭദഗതി നിയമത്തെ അനുകൂലിക്കുന്ന​ില്ലെന്ന്​ കോൺഗ്രസ്​ നേതാക്കൾ ചൂണ്ടിക്കാട്ടി. കർഷകരുടെ മരണമണിയായാണ്​ ബില്ലിനെ പ്രതിപക്ഷ നേതാവ്​ സിദ്ധരാമയ്യ വിശേഷിപ്പിച്ചത്​. ഭൂപരിഷ്​കരണ നിയമത്തി​െൻറ അന്തസ്സത്തയെ ഇല്ലാതാക്കുന്നതാണ്​ ഭൂപരിഷ്​കരണ ഭേദഗതി ബിൽ. തിരക്കിട്ട്​ ബിൽ അവതരിപ്പിക്കേണ്ട ആവശ്യമെന്തായിരുന്നെന്ന്​ ചോദിച്ച സിദ്ധരാമയ്യ, സാധാരണഗതയിൽ സമൂഹ നന്മക്കായാണ്​ ഒാർഡിനൻസ്​ കൊണ്ടുവരേണ്ടതെന്നും പൊതുജനങ്ങളുമായോ കർഷക സംഘടനകളുമായോ വിദഗ്ധരുമായോ ഒരു ചർച്ചയും നടത്താതെയാണ്​ ബിൽ നിയമസഭയിൽ അവതരിപ്പിച്ചതെന്നും ഒാർമിപ്പിച്ചു.

കർഷക​െൻറ അവകാശം ഹനിക്കുന്നതാണ്​ പ്രസ്​തുത ബില്ലെന്ന്​ ജെ.ഡി.എസ്​ നേതാവ്​ എച്ച്​.ഡി. കുമാരസ്വാമി പറഞ്ഞു. ബിൽസംബന്ധിച്ച പൊതു ചർച്ചക്ക്​ ശേഷമായിരുന്നു നിയമസഭയിൽ വോട്ടിന്​ വെക്കേണ്ടിയിരുന്നതെന്നും അദ്ദേഹം ചൂണ്ടിക്കാട്ടി.

അതേസമയം, ഭൂപരിഷ്​കരണ ഭേദഗതി നിയമത്തിന്​ മുൻകൈയെടുത്തത്​ 2014ലെ കോൺഗ്രസ്​ സർക്കാറാണെന്ന്​ റവന്യൂമന്ത്രി ആർ. അശോക പ്രതികരിച്ചു. ഭൂപരിഷ്​കരണ നിയമ ഭേദഗതിക്കായി​ 2014 ജനുവരി മൂന്നിന്​ അന്നത്തെ റവന്യൂ മന്ത്രിയാണ്​ ഉപസമിതിയെ നിയമിച്ചത്​. 1967ലെ ഭൂപരിഷ്​കരണ നിയമം ഇപ്പോൾ കാര്യക്ഷമമല്ലെന്നായിരുന്നു സമിതി റിപ്പോർ​െട്ടന്നും മന്ത്രി ചൂണ്ടിക്കാട്ടി.

1967ലെ ഭൂപരിഷ്​കരണ നിയമത്തിൽ ഭേദഗതി വരുത്തിയ ബി.​െജ.പി സർക്കാറി​െൻറ നടപടി കർഷക വിരുദ്ധമാണെന്നാരോപിച്ച്​ കർണാടക രാജ്യറൈത്ത സംഘ, ​െഎക്യ ഹോരാട്ട സമിതി തുടങ്ങിയവയുടെ നേതൃത്വത്തിൽ ദിവസങ്ങളായി തലസ്​ഥാനത്ത്​ പ്രതിഷേധം അരങ്ങേറുന്നതിനിടെയാണ്​ നിയമസഭയിൽ ബിൽ പാസായത്​. കർഷക സംഘടനകളുടെ നേതൃത്വത്തിൽ തിങ്കളാഴ്​ച കർണാടക ബന്ദ്​ പ്രഖ്യാപിച്ചിട്ടുണ്ട്​്​. നിരവധി കർഷക^ തൊഴിലാളി സംഘടനകളും ബന്ദിന്​ പിന്തുണ അറിയിച്ചിട്ടുണ്ട്​.