ഫോൺ രേഖകൾ നശിപ്പിച്ചെന്ന ക്രൈംബ്രാഞ്ച്​ വാദം പുതിയ ആരോപണങ്ങൾ കെട്ടിച്ചമക്കാനെന്ന്​ ദിലീപ്​

കൊ​ച്ചി: ന​ടി​യെ ആ​ക്ര​മി​ച്ച സം​ഭ​വം അ​ന്വേ​ഷി​ക്കു​ന്ന ഉ​ദ്യോ​ഗ​സ്ഥ​രെ വ​ധി​ക്കാ​ൻ ഗൂ​ഢാ​ലോ​ച​ന ന​ട​ത്തി​യെ​ന്ന കേ​സി​ൽ പു​തി​യ ആ​രോ​പ​ണ​ങ്ങ​ൾ കെ​ട്ടി​ച്ച​മ​ക്കാ​നാ​ണ് മൊ​ബൈ​ൽ ഫോ​ൺ രേ​ഖ​ക​ൾ ന​ശി​പ്പി​ച്ചെ​ന്ന ആ​രോ​പ​ണ​ത്തി​ലൂ​ടെ അ​ന്വേ​ഷ​ണ​സം​ഘം ല​ക്ഷ്യ​മി​ടു​ന്ന​തെ​ന്ന്​ ന​ട​ൻ ദി​ലീ​പ് ഹൈ​കോ​ട​തി​യി​ൽ.

മൊ​ബൈ​ൽ ഫോ​ൺ രേ​ഖ​ക​ള​ട​ക്ക​മു​ള്ള നി​ർ​ണാ​യ​ക തെ​ളി​വു​ക​ൾ പ്ര​തി​ക​ൾ ന​ശി​പ്പി​ച്ചെ​ന്ന ക്രൈം​ബ്രാ​ഞ്ച് ആ​രോ​പ​ണ​ത്തി​നു​ള്ള മ​റു​പ​ടി​യി​ലാ​ണ്​ ദി​ലീ​പി​ന്‍റെ വി​ശ​ദീ​ക​ര​ണം. ഗൂ​ഢാ​ലോ​ച​ന കേ​സ് റ​ദ്ദാ​ക്കാ​ൻ പ്ര​തി​യാ​യ ദി​ലീ​പ് ന​ൽ​കി​യ ഹ​ര​ജി​യാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. ന​ടി​യെ ആ​ക്ര​മി​ച്ച സം​ഭ​വ​ത്തി​ന്‍റെ തു​ട​ര​ന്വേ​ഷ​ണ​ത്തി​ന്​ കെ​ട്ടി​ച്ച​മ​ച്ച കേ​സാ​ണി​തെ​ന്ന വാ​ദ​മാ​ണ്​ ദി​ലീ​പി​​ന്‍റേ​ത്. ഹ​ര​ജി വ്യാ​ഴാ​ഴ്ച കോ​ട​തി​യു​ടെ പ​രി​ഗ​ണ​ന​ക്കെ​ത്തു​ന്നു​ണ്ട്.സം​വി​ധാ​യ​ക​ൻ ബാ​ല​ച​ന്ദ്ര കു​മാ​റി​ന്റെ വെ​ളി​പ്പെ​ടു​ത്ത​ൽ വ​ന്ന​യു​ട​ൻ ഇ​യാ​ളു​മാ​യി ന​ട​ത്തി​യ സം​ഭാ​ഷ​ണ​ത്തി​ലെ വി​വ​ര​ങ്ങ​ൾ വീ​ണ്ടെ​ടു​ക്കാ​നാ​ണ്​ അ​ഭി​ഭാ​ഷ​ക​ന്‍റെ നി​ർ​ദേ​ശ​പ്ര​കാ​രം ഫോ​ണു​ക​ൾ മും​​ബൈ​യി​ലെ ലാ​ബി​ൽ ന​ൽ​കി​യ​തെ​ന്ന്​ ദി​ലീ​പ്​ പ​റ​യു​ന്നു. അ​വ​യി​ലെ ഡേ​റ്റ ന​ശി​പ്പി​ക്കു​ക​യ​ല്ല, വീ​ണ്ടെ​ടു​ക്കു​ക​യാ​ണ് ചെ​യ്ത​ത്.

വി​വ​ര​ങ്ങ​ൾ ന​ശി​പ്പി​ച്ചെ​ന്ന് ഫോ​റ​ൻ​സി​ക് പ​രി​ശോ​ധ​ന​റി​പ്പോ​ർ​ട്ടി​ലി​ല്ല. ഹൈ​കോ​ട​തി നി​ർ​ദേ​ശ​പ്ര​കാ​രം ഫോ​ണു​ക​ൾ തി​രി​കെ വാ​ങ്ങാ​ൻ ജ​നു​വ​രി 30ന് ​അ​ഭി​ഭാ​ഷ​ക​ർ പോ​യ​തി​നെ തെ​ളി​വു​ക​ൾ ന​ശി​പ്പി​ക്കാ​ൻ പോ​യ​താ​ണെ​ന്ന ത​ര​ത്തി​ൽ വ​ള​ച്ചൊ​ടി​ച്ചു.

2017 ന​വം​ബ​ർ 15നാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. അ​ഞ്ചു​വ​ർ​ഷ​ത്തി​ലേ​റെ ഒ​രേ മൊ​ബൈ​ൽ ഫോ​ൺ ആ​രും ഉ​പ​യോ​ഗി​ക്കാ​റി​ല്ല. വാ​ട്​​സ്​​ആ​പ് സ​ന്ദേ​ശ​ങ്ങ​ൾ എ​ല്ലാ​വ​രും കൃ​ത്യ​മാ​യി ഡി​ലീ​റ്റ് ചെ​യ്യു​ന്ന​ത്​ സ്വാ​ഭാ​വി​ക​മാ​ണ്. കേ​സു​മാ​യി ഒ​രു​ത​ര​ത്തി​ലും ബ​ന്ധ​മി​ല്ലാ​ത്ത​വ​രു​മാ​യി ന​ട​ത്തി​യ വാ​ട്​​സ്​​ആ​പ് ചാ​റ്റു​ക​ൾ മാ​ത്ര​മാ​ണ്​ ഡി​ലീ​റ്റ്​ ചെ​യ്ത​ത്.

ത​ന്‍റെ മു​ൻ വാ​ച്ച്മാ​ൻ ദാ​സ​നെ ജ​നു​വ​രി 10ന് ​അ​ഡ്വ. രാ​മ​ൻ പി​ള്ള​യു​ടെ ഓ​ഫി​സി​ൽ കൊ​ണ്ടു​വ​ന്നെ​ന്നാ​ണ് മൊ​ഴി. എ​ന്നാ​ൽ, ഈ ​ദി​വ​സ​ങ്ങ​ളി​ൽ രാ​മ​ൻ പി​ള്ള കോ​വി​ഡ് ബാ​ധി​ച്ച് ക്വാ​റ​ന്‍റീ​നി​ലാ​യി​രു​ന്ന​തി​നാ​ൽ ഓ​ഫി​സി​ലേ​ക്ക് പോ​യി​രു​ന്നി​ല്ല. ജ​നു​വ​രി 15നും 17​നും ക്രൈം​ബ്രാ​ഞ്ച് ഭീ​ഷ​ണി​പ്പെ​ടു​ത്തി​യാ​ണ് ത​നി​ക്കും അ​ഭി​ഭാ​ഷ​ക​ർ​ക്കു​മെ​തി​രെ ദാ​സ​ന്‍റെ മൊ​ഴി രേ​ഖ​പ്പെ​ടു​ത്തി​യ​ത്.

ശ​ബ്ദം റെ​ക്കോ​ഡ് ചെ​യ്യാ​നു​പ​യോ​ഗി​ച്ച ഉ​പ​ക​ര​ണ​ങ്ങ​ൾ ക​ണ്ടെ​ടു​ക്കാ​ത്ത​തി​നാ​ൽ ബാ​ല​ച​ന്ദ്ര കു​മാ​ർ ഹാ​ജ​രാ​ക്കു​ന്ന ശ​ബ്ദ​രേ​ഖ​ക​ള​ട​ങ്ങി​യ പെ​ൻ​ഡ്രൈ​വി​ന് നി​യ​മ​പ​ര​മാ​യ സാ​ധു​ത​യി​ല്ല. ഇ​തി​ന്റെ അ​ടി​സ്ഥാ​ന​ത്തി​ൽ ക്രൈം​ബ്രാ​ഞ്ച് കേ​സെ​ടു​ത്ത​ത് നി​യ​മ​പ​ര​മാ​യ​ല്ലെ​ന്നും വി​ശ​ദീ​ക​ര​ണ​ത്തി​ൽ പ​റ​യു​ന്നു.