കണ്ണൂര്: ഷുഹൈബ് വധകേസിൽ പിടിയിലായ പ്രതികളെ കസ്റ്റഡിയില് വാങ്ങാത്തതില് ദുരൂഹതയുണ്ടെന്ന് കോണ്ഗ്രസ് നേതാവ് കെ. സുധാകരന്. പ്രതികളെ വിശദമായി ചോദ്യം ചെയ്യുന്നതിന് കസ്റ്റഡിയില് വാങ്ങാന് പോലും അന്വേഷണ സംഘം ഇതുവരെ തയാറായിട്ടില്ല. ഇന്നത്തെ സര്വകക്ഷി യോഗം പ്രഹസനമാണെന്നും സുധാകരൻ മാധ്യമങ്ങളോട് പറഞ്ഞു.
തെളിവു നശിപ്പിക്കുകയും വീഴ്ച വരുത്തുകയും ചെയ്ത പൊലീസുകാര്ക്കെതിരെ നടപടി വേണമെന്നും സുധാകരന് ആവശ്യപ്പെട്ടു. പ്രതികളെ പിടികൂടിയെന്ന് പറയുന്ന പൊലീസ് അവരെ കോടതിയില് ഹാജരാക്കി കൈയൊഴിയുകയാണ് ചെയ്തത്. ഇത് ദുരൂഹമാണെന്നും സുധാകരന് ആരോപിച്ചു.
ഷുൈഹബ് വധത്തിൽ യഥാർഥ പ്രതികളെ പിടികൂടണമെന്ന് ആവശ്യപ്പെട്ട് കണ്ണൂരിൽ കെ. സുധാകരനും തിരുവനന്തപുരത്ത് യൂത്ത് കോൺഗ്രസ് നേതാവ് ഡീൻ കുര്യാക്കോസും ആരംഭിച്ച അനിശ്ചിതകാല നിരാഹാരം തുടരുകയാണ്. തുടർ സമരത്തിന്റെ കാര്യം തീരുമാനിക്കാൻ കോൺഗ്രസിന്റെ എം.പിമാരും എം.എൽ.എമാരും ഉൾപ്പെടെ മുതിർന്ന നേതാക്കൾ വ്യാഴാഴ്ച കണ്ണൂരിൽ പ്രത്യേക യോഗം ചേരുന്നുണ്ട്.
ഷുഹൈബ് വധത്തിന്റെ പശ്ചാത്തലത്തിൽ മന്ത്രി എ.കെ. ബാലന്റെ അധ്യക്ഷതയിൽ ഇന്ന് സർവകക്ഷി സമാധാന യോഗം ചേരും. രാവിലെ 10.30ന് കണ്ണൂർ കലക്ടറേറ്റിലാണ് യോഗം. പ്രതികളെ പിടികൂടാത്തതിൽ കടുത്ത പ്രതിഷേധമുണ്ടെങ്കിലും സമാധാന യോഗത്തിൽ പെങ്കടുക്കുമെന്ന് കോൺഗ്രസ് നേതൃത്വം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.