മരണത്തോട് മല്ലിട്ട യുവാവിന് വേണ്ടി നെട്ടോട്ടമോടി; ആശുപത്രി അധികൃതരുടെ നിസ്സംഗതയിൽ ജീവൻ പൊലിഞ്ഞു

കാ​ഞ്ഞ​ങ്ങാ​ട്: രാ​ത്രി മു​ഴു​വ​ൻ നെ​ട്ടോ​ട്ടമോ​ടി​യി​ട്ടും ആ​ശു​പ​ത്രി അ​ധി​കൃ​ത​രു​ടെ നി​സ്സം​ഗ​ത​യി​ൽ ട്രെ​യി​ൻ അ​പ​ക​ട​ത്തി​ൽ പ​രി​ക്കേ​റ്റ യു​വാ​വി​ന്റെ ജീ​വ​ൻ ര​ക്ഷി​ക്കാ​ൻ ക​ഴി​യാ​ത്ത സ​ങ്ക​ട​ത്തി​ൽ ഒ​രു കൂ​ട്ടം യു​വാ​ക്ക​ൾ. ക​ഴി​ഞ്ഞ ദി​വ​സം രാ​ത്രി ഒ​മ്പ​ത് മ​ണി​യോ​ടെ റെ​യി​ൽ​വേ സ്റ്റേ​ഷ​നി​ലെ ര​ണ്ടു ട്രാ​ക്കു​ക​ൾ​ക്കി​ട​യി​ലാ​ണ് യു​വാ​വി​നെ പ​രി​ക്കേ​റ്റ നി​ല​യി​ൽ ക​ണ്ട​ത്.

ബേക്കൽ ഫോർട്ട് റെയിൽവേ സ്റ്റേഷനിൽ പൂ​ർ​ണ എ​ക്സ്പ്ര​സ് ക​ട​ന്നു​പോ​യ​തി​നു പി​ന്നാ​ലെ​യാ​ണ് യു​വാ​വി​നെ വീ​ണുകി​ട​ക്കു​ന്ന​ത് ക​ണ്ട​ത്. പ​ള്ളി​ക്ക​ര​യി​ലെ അ​ൻ​വ​ർ, ബ​ഷീ​ർ, പ​ള്ളി​പ്പു​ഴ​യി​ലെ മു​നീ​ർ, ഖ​മ​റു​ദ്ദീ​ൻ, ആ​റ​ങ്ങാ​ടി​യി​ലെ ഷം​സു​ദ്ദീ​ൻ, പാ​ണ​ത്തൂ​രി​ലെ റ​ഹ്മാ​ൻ എ​ന്നി​വ​ർ യു​വാ​വി​നെ ര​ക്ഷി​ക്കാ​ൻ രാ​ത്രി മു​ഴു​വ​ൻ നെ​ട്ടോ​ട്ട​മോ​ടി. റെ​യി​ൽ പാ​ള​ത്തി​ന​രി​കി​ൽ യു​വാ​വ് ജീ​വ​നു വേ​ണ്ടി പി​ട​യു​ന്ന​തു​ക​ണ്ട് മ​റ്റൊ​ന്നും ചി​ന്തി​ക്കാ​തെ ഇ​വ​ർ യു​വാ​വി​നെ​യും കൊ​ണ്ട് കോ​ട്ട​ച്ചേ​രി​യി​ലെ ആ​ശു​പ​ത്രി​യി​ലേ​ക്ക് കു​തി​ക്കു​ക​യാ​യി​രു​ന്നു. ത​ല​ക്ക് മാ​ര​ക പ​രി​ക്കു​ണ്ടെ​ന്ന് അ​റി​യി​ച്ച ഡോ​ക്ട​ർ​മാ​ർ ഉ​ട​ൻ വി​ദ​ഗ്ധ ചി​കി​ത്സ​ക്കാ​യി എ​ത്തി​ക്ക​ണ​മെ​ന്ന് നി​ർ​ദേ​ശി​ച്ചു. യു​വാ​ക്ക​ൾ ഉ​ട​ൻ ആം​ബു​ല​ൻ​സ് വി​ളി​ച്ചു​വ​രു​ത്തി മം​ഗ​ളൂ​രു​വി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. അ​വി​ടെ​വെ​ച്ച് അ​ടി​യ​ന്ത​ര പ​രി​ശോ​ധ​ന​ക്ക് വി​ധേ​യ​നാ​ക്കി. ചി​കി​ത്സച്ചെ​ല​വ് യു​വാ​ക്ക​ൾത​ന്നെ വ​ഹി​ച്ചു.

പി​ന്നീ​ടു​ണ്ടാ​യ ആ​ശു​പ​ത്രി അ​ധി​കൃ​ത​രു​ടെ സ​മീ​പ​ന​മാ​ണ് ഇ​വ​രെ പ്ര​യാ​സ​ത്തി​ലാ​ക്കി​യ​ത്. കൂ​ടെ ആ​ളി​ല്ലാ​ത്ത​തി​നാ​ൽ പ്ര​വേ​ശി​പ്പി​ക്കാ​ൻ ക​ഴി​യി​ല്ലെ​ന്ന ആ​ശു​പ​ത്രി അ​ധി​കൃ​ത​രു​ടെ മ​നു​ഷ്യ​ത്വ​ര​ഹി​ത​മാ​യ സ​മീ​പ​ന​ത്തി​ൽ യു​വാ​ക്ക​ൾ പ​ക​ച്ചു​പോ​യി. അ​ത്യാ​വ​ശ്യ​കാ​ര്യ​ങ്ങ​ളെ​ല്ലാം മാ​റ്റി​വെ​ച്ച് ഊ​രും പേ​രു​മ​റി​യാ​ത്ത മ​നു​ഷ്യ​ന്റെ ജീ​വ​ന് വേ​ണ്ടി 80 കി​ലോ​മീ​റ്റ​ർ താ​ണ്ടി​യെ​ത്തി​യി​ട്ടും ചി​കി​ത്സ നി​ഷേ​ധി​ക്ക​പ്പെ​ട്ട​ത് യു​വാ​ക്ക​ളെ പ്ര​യാ​സ​ത്തി​ലാ​ക്കി.

പി​ന്നീ​ട് ഇ​തേ ആം​ബു​ല​ൻ​സി​ൽ മം​ഗ​ളൂ​രു​വി​ൽ​നി​ന്ന് 125 കി​ലോ മീ​റ്റ​ർ അ​ക​ലെ​യു​ള്ള പ​രി​യാ​ര​ത്തെ ക​ണ്ണൂ​ർ ഗ​വ.​ആ​ശു​പ​ത്രി​യി​ലേ​ക്ക് കൊ​ണ്ടു​പോ​കാ​നു​ള്ള ശ്ര​മ​ത്തി​ലാ​യി​രു​ന്നു. യാ​ത്ര​ക്കി​ടെ കാ​ഞ്ഞ​ങ്ങാ​ട് ജി​ല്ല ആ​ശു​പ​ത്രി​യി​ൽ യു​വാ​വി​നെ പ്ര​വേ​ശി​പ്പി​ച്ച് ഡോ​ക്ട​ർ പ​രി​ശോ​ധി​ച്ച​പ്പോ​ൾ മ​ര​ണം സം​ഭ​വി​ച്ചി​രു​ന്നു. ഡോ​ക്ട​ർ​മാ​രു​ടെ ചോ​ദ്യ ശ​ര​ങ്ങ​ളു​ണ്ടാ​യെ​ങ്കി​ലും ഒ​ടു​വി​ൽ ജി​ല്ല ആ​ശു​പ​ത്രി മോ​ർ​ച്ച​റി​യി​ൽ മൃ​ത​ദേ​ഹം സൂ​ക്ഷി​ക്കാ​ൻ ജി​ല്ല ആ​ശു​പ​ത്രി​യി​ൽ അ​നു​മ​തി ല​ഭി​ച്ചു.

ബ​ന്ധു​ക്ക​ളെ​ത്താ​ത്ത​തി​നാ​ൽ മൃ​ത​ദേ​ഹം ജി​ല്ല ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ക​യാ​ണി​പ്പോ​ൾ. ആം​ബു​ല​ൻ​സി​നും സ്കാ​നി​ങ്ങി​നു​മാ​യി ന​ല്ലൊ​രു തു​ക വേ​ണ്ടി വ​ന്ന​പ്പോ​ൾ പ​ണം വീ​തി​ച്ചെ​ടു​ക്കാ​മെ​ന്ന തീ​രു​മാ​ന​ത്തി​ലാ​യി​രു​ന്നു യു​വാ​ക്ക​ൾ. യു​വാ​ക്ക​ൾ പ​ണ​ത്തി​ന് ബു​ദ്ധി​മു​ട്ടു​ക​യാ​ണെ​ന്ന് വി​വ​രമ​റി​ഞ്ഞ ബി.​ആ​ർ.​ഡി.​സി അ​ധി​കൃ​ത​ർ തു​ക ന​ൽ​കു​വാ​ൻ ന​ല്ല മ​ന​സ്സ് കാ​ണി​ക്കു​ക​യും ചെ​യ്തു. ഇ​ൻ​ക്വ​സ്റ്റ് ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​തി​നും മ​റ്റ് സ​ഹാ​യ​ങ്ങ​ൾ​ക്കു​മാ​യി തി​ങ്ക​ളാ​ഴ്ച ഉ​ച്ച​വ​രെ ജി​ല്ല ആ​ശു​പ​ത്രി പ​രി​സ​ര​ത്ത് സ​മ​യം ചെ​ല​വ​ഴി​ക്കാ​നും യു​വാ​ക്ക​ൾ ത​യാ​റാ​യി. ഒ​രു രാ​ത്രി മു​ഴു​വ​ൻ അ​പ​രി​ചി​ത​നാ​യ മ​നു​ഷ്യ​ന്റെ ജീ​വ​നു​വേ​ണ്ടി പാ​ഞ്ഞി​ട്ടും ഫ​ല​മു​ണ്ടാ​യി​ല്ല​ല്ലോ എ​ന്ന ദുഃ​ഖ​ത്തി​ലാ​ണി​വ​ർ.