ക്ഷേ​ത്ര​ത്തി​ൽ​​ ദ​ലി​ത​ർ​ക്ക് വേ​റെ വ​ഴി; മു​ഖ്യ​ക​വാ​ട​ത്തി​ലൂ​ടെ പ്ര​വേ​ശ​ന​മില്ല

സ്വ​ർ​ഗ​യി​ലെ ജ​ടാ​ധാ​രി ക്ഷേ​ത്ര​ത്തി​ലെ ഒ​രു​ത്സ​വ കാ​ലം. ക്ഷേ​ത്ര ക​മ്മി​റ്റി​ക​ളി​ലൊ​രാ​ളു​ടെ ത​റ​വാ​ട്ടു​മു​റ്റ​ത്താ​ണ് അ​ന്ന​ദാ​നം. ഗ്രാ​മ​വാ​സി​ക​ൾ എ​ല്ലാ​വ​ർ​ക്കു​മാ​യി ഭ​ക്ഷ​ണ​മൊ​രു​ക്കു​ന്ന​താ​ണ് പ​തി​വ്. ഭ​ക്ഷ​ണ​ത്തി​നു​ള്ള ഊ​ഴം കാ​ത്ത് ദ​ലി​ത​രു​ടെ നീ​ണ്ട നി​ര​യു​ണ്ട് പു​റ​ത്ത്. മ​ണി​ക്കൂ​റു​ക​ൾ കാ​ത്തി​രു​ന്ന് വ​ല​ഞ്ഞ ദ​ലി​ത് പെ​ൺ​കു​ട്ടി ഭ​ക്ഷ​ണ​ത്തി​നാ​യി ക​ര​യാ​ൻ തു​ട​ങ്ങി. മേ​ൽ​ജാ​തി​ക്കാ​ർ​ക്കെ​ല്ലാം ന​ൽ​കി​യ​ശേ​ഷ​മേ ഇ​വ​ർ​ക്ക്​്​ ഭ​ക്ഷ​ണം ല​ഭി​ക്കൂ. വ​ർ​ഷ​ങ്ങ​ൾ​ക്കു മു​മ്പ് ആ ​അ​ഞ്ചു​വ​യ​സ്സു​കാ​രി​യു​ടെ നി​ല​വി​ളി ഇ​ന്നും കാ​തി​ൽ മു​ഴ​ങ്ങു​ന്ന​താ​യി സാ​മൂ​ഹി​ക പ്ര​വ​ർ​ത്ത​ക​ൻ ശ്രീ​നി​വാ​സ നാ​യ്ക് ഓ​ർ​ക്കു​ന്നു.

എ​ൻ​മ​ക​ജെ പ​ഞ്ചാ​യ​ത്തി​ലെ അ​ഞ്ചാം വാ​ർ​ഡ് ബ​ദി​യാ​റു​വി​ലാ​ണ് ജ​ടാ​ധാ​രി ക്ഷേ​ത്രം. 47 സെൻറി​ൽ സ്ഥി​തി ചെ​യ്യു​ന്ന ക്ഷേ​ത്ര​ത്തി​ൽ ദ​ലി​ത​ർ​ക്ക് മു​ഖ്യ​ക​വാ​ട​ത്തി​ലൂ​ടെ പ്ര​വേ​ശ​ന​മി​ല്ല. സി​മ​ൻ​റി​ൽ പ​ണി​തീ​ർ​ത്ത 18 പ​ടി​ക​ളി​ലൂ​ടെ ബ്രാ​ഹ്മ​ണ​ർ, ഷെ​ട്ടി​ക​ൾ, ഗൗ​ഡ​ർ, മ​ണി​യാ​ണി തു​ട​ങ്ങി​യ മു​ന്നാ​ക്ക വി​ഭാ​ഗ​ങ്ങ​ൾ​ക്കാ​ണ് പ്ര​വേ​ശ​നം. മൊ​ഗ​ർ, ഭൈ​ര, മ​യി​ല, കൊ​റ​ഗ, നാ​ൽ​ക്ക​ദാ​യ​ർ എ​ന്നീ ദ​ലി​ത് വി​ഭാ​ഗ​ങ്ങ​ൾ​ക്കാ​ണ് വി​ല​ക്ക്. ഒ.​ബി.​സി​യാ​യി​ട്ടും തി​യ്യ വി​ഭാ​ഗ​ത്തി​നും മു​ഖ്യ​ക​വാ​ട​ത്തി​ലൂ​ടെ പ്ര​വേ​ശി​ക്കാ​ൻ അ​നു​മ​തി​യി​ല്ല.

ക്ഷേ​ത്ര​ത്തോ​ട് ചേ​ർ​ന്നു​ള്ള കാ​ട്ടി​ലൂ​ടെ​യാ​ണ്​ ദ​ലി​ത്, ആ​ദി​വാ​സി ഗോ​ത്ര വി​ഭാ​ഗ​ക്കാ​ർ പോ​കേ​ണ്ട​ത്. വ​ള​ഞ്ഞ​വ​ഴി​യി​ലൂ​ടെ ക്ഷേ​​ത്ര​ത്തി​െൻറ പി​ന്നി​െ​ല​ത്താം. ഇ​നി അ​വി​ടെ​യെ​ത്തി​യാ​ൽ വി​വേ​ച​നം പ​തി​ൻ​മ​ട​ങ്ങാ​ണ്. ജ​ടാ​ധാ​രി തെ​യ്യം കാ​ണാ​ൻ സ​വ​ർ​ണ വി​ഭാ​ഗ​ങ്ങ​ൾ​ക്ക് മി​ക​ച്ച ഇ​രി​പ്പി​ട​മൊ​രു​ക്കി​യു​ള്ള സൗ​ക​ര്യം. കു​റ​ച്ച് മാ​റി തീ​യ വി​ഭാ​ഗ​ങ്ങ​ൾ​ക്ക് ഓ​ട് പാ​കി​യ ഷെ​ഡ്. ഏ​റ്റ​വും പി​റ​കി​ൽ ഷീ​റ്റി​െൻറ മേ​ൽ​ക്കൂ​ര​യു​ള്ള ഷെ​ഡ് ദ​ലി​ത​ർ​ക്കും.

അ​ന്ന​ദാ​ന​ത്തിെൻറ സ​മ​യ​ക്ര​മ​ത്തി​ലാ​ണ് ജാ​തീ​യ​ത കൊ​ടി​കു​ത്തി വാ​ഴു​ന്ന​ത്. ഭ​ക്ഷ​ണം ആ​ദ്യം ബ്രാ​ഹ്മ​ണ​ർ​ക്ക്. എ​ല്ലാ​വ​രു​ടെ​തും ക​ഴി​ഞ്ഞ​ശേ​ഷം രാ​ത്രി പ​ത്തു​മ​ണി​യെ​ങ്കി​ലും ക​ഴി​യ​ണം ദ​ലി​ത​ർ​ക്ക് ഒ​രു​പി​ടി അ​ന്നം കി​ട്ടാ​ൻ. അ​തും ജാ​തി​പ്പേ​ര് വി​ളി​ച്ചാ​ണ് ഭ​ക്ഷ​ണം വി​ത​ര​ണം ചെ​യ്യു​ക. അ​വി​ടെ​നി​ന്ന് മേ​ൽ​ജാ​തി​ക്കാ​ർ എ​ല്ലാ​വ​രും എ​ഴ​ു​ന്നേ​റ്റ് പോ​യ​ശേ​ഷം വ​ലി​യ ഇ​ല​യി​ലോ പ്ലാ​സ്​​റ്റി​ക് ക​വ​റി​ലോ ആ​ണ് ഭ​ക്ഷ​ണം വി​ള​മ്പു​ക. പാ​ത്രം വീ​ട്ടി​ൽ​നി​ന്ന് കൊ​ണ്ടു​വ​ര​ണം. വ​ള​ർ​ത്തു​മൃ​ഗ​ങ്ങ​ളോ​ട് കാ​ണി​ക്കു​ന്ന അ​ടു​പ്പം പോ​ലു​മി​ല്ലാ​തെ​യാ​ണ്​ അ​ന്ന​മൂ​ട്ട്. വ​ല്ല മ​ര​ത്ത​ണ​ലി​ലോ വീ​ട്ടി​ലോ പോ​യി ക​ഴി​ക്കു​ക​യും വേ​ണം.

കാ​ണി​ക്ക​യാ​വാം, കൈ​കൊ​ണ്ട് തൊ​ടി​ല്ല

ദേ​വ​സ്ഥാ​ന​ത്തു​നി​ന്ന് 300 മീ​റ്റ​ർ ദൂ​രം ക​ഴി​ഞ്ഞാ​ൽ ക​ർ​ണാ​ട​ക​യാ​ണ്. ന​ട​ക്കാ​നു​ള്ള ദൂ​രം. എ​ല്ലാ​ദി​വ​സ​വും തു​റ​ക്കു​ന്ന ക്ഷേ​ത്ര​മ​ല്ല ഇ​ത്. വ​ർ​ഷ​ത്തി​ൽ മൂ​ന്ന് ഉ​ത്സ​വ​ങ്ങ​ളും ആ​ഴ്ച​യി​ൽ ചൊ​വ്വ, ഞാ​യ​ർ ദി​വ​സ​ങ്ങ​ളി​ൽ പ്ര​ത്യേ​ക പൂ​ജ​ക​ളും മാ​ത്രം ന​ട​ക്കു​ന്ന ക്ഷേ​ത്രം. ജ​ടാ​ധാ​രി തെ​യ്യ​വും അ​ന്ന​ദാ​ന​വു​മാ​ണ് പ്ര​ധാ​ന ച​ട​ങ്ങു​ക​ൾ. ചി​ങ്ങ​ത്തി​ലും ദീ​പാ​വ​ലി​നാ​ളി​ലും ജ​നു​വ​രി​യി​ലു​മാ​ണ് ഈ ​ഉ​ത്സ​വ​ങ്ങ​ൾ. പൊ​തു​ക്ഷേ​ത്ര​മാ​ണെ​ന്ന് നാ​ട്ടു​കാ​ർ പ​റ​യുേ​മ്പാ​ൾ സ്വ​കാ​ര്യ ക്ഷേ​ത്ര​മെ​ന്നാ​ണ് ഭ​ര​ണാ​ധി​കാ​രി​ക​ളാ​യ ത​ടി​ഗൊ​ല്ലു ഭ​ട്ടു​മാ​രു​ടെ വാ​ദം. 600 വ​ർ​ഷം വ​രെ പ​ഴ​ക്ക​മു​ള്ള​താ​ണ് ദേ​വ​സ്ഥാ​ന​മെ​ന്നാ​ണ് ദ​ലി​ത​ർ പ​റ​യു​ന്ന​ത്. ക്ഷേ​ത്ര ക​മ്മി​റ്റി​യി​ലെ ത​ടി​ഗൊ​ല്ലു ഭ​ട്ടു​മാ​രു​ടെ പൂ​ർ​വി​ക​ർ ഇ​വി​ടെ​യെ​ത്തി​യി​ട്ട് ഇ​ത്ര വ​ർ​ഷ​മാ​യി​ട്ടി​ല്ല. പി​ന്നെ അ​വ​രാ​ണ് ഉ​ട​മ​ക​ൾ എ​ന്ന് പ​റ​യു​ന്ന​തി​ൽ ന്യാ​യ​മി​ല്ലെ​ന്നും ദ​ലി​ത​ർ വാ​ദി​ക്കു​ന്നു.

കീ​ഴ്ജാ​തി​ക്കാ​ർ​ക്ക് കാ​ണി​ക്ക ന​ൽ​കാ​നു​ള്ള അ​വ​കാ​ശ​മു​ണ്ട്. ഇ​ട​നി​ല​ക്കാ​ര​നാ​യി ഒ​രാ​ളെ നി​യ​മി​ച്ചാ​ണ് കാ​ണി​ക്ക സ്വീ​ക​രി​ക്കു​ക. മു​മ്പ് അ​ബ​ദ്ധ​ത്തി​ൽ നേ​രി​ട്ട് കാ​ണി​ക്ക സ്വീ​ക​രി​ച്ച​തി​നാ​ൽ 'ദൈ​വ​കോ​പ'​മു​ണ്ടാ​യ​ത് ഭ​ര​ണ​സ​മി​തി​ക്കാ​ർ പ​റ​യു​ന്നു​ണ്ട്.

18 പ​ടി ക​യ​റി ഒ​രു ദ​ലി​ത​ൻ

ഈ ​ന​വം​ബ​റി​ൽ ക്ഷേ​ത്രം അ​ട​ച്ചു​പൂ​ട്ടി​യി​ട്ട് മൂ​ന്നു​വ​ർ​ഷം തി​ക​ഞ്ഞു. 2018 ന​വം​ബ​റി​ലാ​ണ് അ​വ​സാ​ന​മാ​യി ജ​ടാ​ധാ​രി തെ​യ്യം ന​ട​ന്ന​ത്. ബാ​ഡ്മി​ൻ​റ​ൺ ജി​ല്ല ടീം ​മു​ൻ താ​രം കൂ​ടി​യാ​യ ദ​ലി​ത് പ്ര​തി​നി​ധി കൃ​ഷ്ണ​മോ​ഹ​ന പൊ​സ​ള്ള്യ ക​ടു​ത്ത ഒ​രു തീ​രു​മാ​ന​മെ​ടു​ത്തു. ശ്രീ​കോ​വി​ലി​ലേ​ക്ക് മു​ഖ്യ​ക​വാ​ട​ത്തി​ലൂ​ടെ​യ​ങ്ങ് ക​യ​റി. ജാ​തി വി​വേ​ച​ന​ത്തി​നെ​തി​രെ പ​ട്ടി​ക​ജാ​തി-​വ​ർ​ഗ സ്പെ​ഷ​ൽ മൊ​ബൈ​ൽ സ്ക്വാ​ഡ് ഡി​വൈ.​എ​സ്.​പി​ക്ക് പ​രാ​തി ന​ൽ​കി​യ​ശേ​ഷ​മാ​യി​രു​ന്നു ഈ ​സാ​ഹ​സം. ആ​കെ ബ​ഹ​ള​മാ​യി. പൊ​ലീ​സെ​ത്തി. ക്ഷേ​ത്രം പൂ​ട്ടു​ന്ന​തി​ലെ​ത്തി. ഒ​ത്തു​തീ​ർ​പ്പ് ച​ർ​ച്ച​ക​ൾ​ക്കാ​യി ഡി​വൈ.​എ​സ്.​പി വി​ളി​പ്പി​ച്ചു. എ​ല്ലാ​വ​രെ​യും ഉ​ൾ​പ്പെ​ടു​ത്തി ഉ​ത്സ​വം ന​ട​ത്താ​മെ​ന്ന് തീ​രു​മാ​നി​ച്ചെ​ങ്കി​ലും ഭ​ര​ണ​സ​മി​തി അം​ഗീ​ക​രി​ച്ചി​ല്ല. അ​തി​നു​ശേ​ഷം ക്ഷേ​ത്രം അ​ട​ഞ്ഞു​കി​ട​ക്കു​ക​യാ​ണ്. ബ്രാ​ഹ്മ​ണ​ർ വ​ന്ന് വി​ള​ക്ക് ക​ത്തി​ച്ചു​മ​ട​ങ്ങു​ക​യാ​ണ് ഇ​പ്പോ​ൾ.

പ​രാ​തി കി​ട്ടി​യെ​ങ്കി​ലും പൊ​ലീ​സ് കേ​സെ​ടു​ത്തി​ട്ടി​ല്ലെ​ന്ന​ത് വേ​റെ കാ​ര്യം. ഏ​റ്റ​വു​മൊ​ടു​വി​ൽ ക​ഴി​ഞ്ഞ​യാ​ഴ്ച സി.​പി.​എം നി​യ​ന്ത്ര​ണ​ത്തി​ലു​ള്ള പ​ട്ടി​ക​ജാ​തി ക്ഷേ​മ സ​മി​തി പ്ര​വ​ർ​ത്ത​ക​ർ 18 പ​ടി ക​യ​റി. ഇ​തോ​ടെ, നൂ​റ്റാ​ണ്ടു​ക​ൾ പ​ഴ​ക്ക​മു​ള്ള തൊ​ട്ടു​കൂ​ടാ​യ്മ അ​വ​സാ​നി​ച്ചു​വെ​ന്ന് പ്ര​ചാ​ര​ണം ന​ട​ന്നെ​ങ്കി​ലും എ​ല്ലാം പ​ഴ​യ​തു​പോ​ലെ ത​ന്നെ. ക്ഷേ​ത്രം തു​റ​ക്കാ​ൻ ഭ​ര​ണ​സ​മി​തി ഒ​രു​ക്ക​മ​ല്ല. ദേ​വ​സ്വം ബോ​ർ​ഡിേ​ൻ​റ​ത് അ​ല്ലാ​ത്ത​തി​നാ​ൽ സ​ർ​ക്കാ​റി​നും ഒ​ന്നും ചെ​യ്യാ​നാ​വാ​ത്ത സ്ഥി​തി.

'ഇ​തി​നെ​തി​രെ മി​ണ്ടാ​തി​രി​ക്കാ​നാ​വി​ല്ല'

മു​ഖ്യ​ക​വാ​ട​ത്തി​ലൂ​ടെ ക്ഷേ​ത്ര​ത്തി​ലേ​ക്കു പ്ര​വേ​ശി​ക്കാ​ൻ അ​നു​മ​തി​യു​ള്ള സ​മു​ദാ​യ​ത്തി​ൽ ഉ​ൾ​പ്പെ​ട്ട അം​ഗ​മാ​ണ് ഞാ​ൻ. അ​തു​കൊ​ണ്ട് മാ​ത്രം ഈ ​വി​വേ​ച​ന​ത്തി​നെ​തി​രെ ശ​ബ്​​ദി​ക്കാ​തി​രി​ക്കാ​ൻ എ​നി​ക്ക് ക​ഴി​യി​ല്ല. നൂ​റ്റാ​ണ്ടു​ക​ൾ​ക്കു മു​മ്പു​ള്ള ആ​ചാ​ര​മെ​ന്ന് പ​റ​ഞ്ഞാ​ണ് ഈ ​നി​ല​പാ​ട് ക​മ്മി​റ്റി​ക്കാ​ർ സ്വീ​ക​രി​ച്ച​ത്. അ​ന്ന​ദാ​ന​ത്തി​ൽ​പോ​ലും ക​ടു​ത്ത നീ​തി​നി​ഷേ​ധ​മാ​ണ് ന​ട​ക്കു​ന്ന​ത്. കാ​ണി​ക്ക സ്വീ​ക​രി​ക്കു​ന്ന​തി​ലു​ള്ള രീ​തി​യും അം​ഗീ​ക​രി​ക്കാ​നാ​വി​ല്ല. പൊ​തു​ജ​ന​ങ്ങ​ളു​ടെ ഫ​ണ്ട് സ്വീ​ക​രി​ച്ചാ​ണ് ഉ​ത്സ​വ​ങ്ങ​ളും അ​ന്ന​ദാ​ന​വു​മെ​ല്ലാം ന​ട​ത്തു​ന്ന​തെ​ന്ന ബോ​ധം പോ​ലു​മി​ല്ലാ​തെ​യാ​ണ് ദ​ലി​ത​ർ​ക്കു​നേ​രെ വാ​തി​ൽ കൊ​ട്ടി​യ​ട​ക്കു​ന്ന​ത്.

-ശ്രീ​നി​വാ​സ നാ​യ്ക്,സാ​മൂ​ഹി​ക പ്ര​വ​ർ​ത്ത​ക​ൻ

'പ​രാ​തി ന​ൽ​കി​യ​ത് നി​വൃ​ത്തി​കേ​ടു കൊ​ണ്ട്'

വേ​റെ മാ​ർ​ഗ​മൊ​ന്നു​മി​ല്ലാ​ത്ത​തു​കൊ​ണ്ടാ​ണ് ദ​ലി​ത​നാ​യ ഞാ​ൻ മു​ഖ്യ​ക​വാ​ട​ത്തി​ലൂ​ടെ ക്ഷേ​ത്ര​ത്തി​ലേ​ക്ക് ക​യ​റി​യ​തും പ​ട്ടി​ക​ജാ​തി-​വ​ർ​ഗ സ്ക്വാ​ഡ് ഡി​വൈ.​എ​സ്.​പി​ക്ക് പ​രാ​തി ന​ൽ​കി​യ​തും. ബാ​ഡ്മി​ൻ​റ​ൺ മു​ൻ താ​ര​മാ​യ എ​നി​ക്ക് പ​ല​യി​ട​ത്തും സ​ഞ്ച​രി​ക്കേ​ണ്ടി വ​ന്നി​ട്ടു​ണ്ട്. പ​ണ​ക്കാ​രാ​യ ഇ​ത​ര​മ​ത​ക്കാ​രു​ടെ വീ​ട്ടി​ൽ അ​വ​ർ​ക്കൊ​പ്പം ഭ​ക്ഷ​ണം ക​ഴി​ച്ചി​ട്ടു​ണ്ട്. പ​ക്ഷേ, ഇ​തു​പോ​ലെ ഒ​രു ജാ​തി വി​വേ​ച​നം എ​വി​ടെ​യും ഇ​ല്ല. ഇ​പ്പോ​ഴെ​ങ്കി​ലും പ്ര​തി​ക​രി​ച്ചെ​ങ്കി​ലേ അ​ടു​ത്ത ത​ല​മു​റ​ക്കെ​ങ്കി​ലും വി​വേ​ച​ന​മി​ല്ലാ​തെ ജീ​വി​ക്കാ​ൻ ക​ഴി​യൂ. പ​രാ​തി കൊ​ടു​ത്ത​തി​ന് പ​ല പ്ര​യാ​സ​ങ്ങ​ളും നേ​രി​ടു​ന്നു. കു​ടും​ബ​ത്തി​ലു​ള്ള​വ​ർ ത​ള്ളി​പ്പ​റ​യു​ന്നു.

-കൃ​ഷ്ണ​മോ​ഹ​ന പൊ​സ​ള്ള്യ, ദ​ലി​ത്​ പ്ര​തി​നി​ധി

(തു​ട​രും)