കോന്നി: പത്തനംതിട്ട കോന്നി അതുമ്പുംകുളത്ത് പുലിയുടെ ആക്രമണം. വരിക്കാഞ്ഞേലിൽ കിടങ്ങിൽ വീട്ടിൽ അനിലിന്‍റെ ആടിനെയാണ് പുലി കടിച്ചു കൊന്നത്. അർധരാത്രി 12 മണിക്കായിരുന്നു സംഭവം.
ബഹളം കേട്ട് വീടിന് പുറത്തിറങ്ങിയ വീട്ടുകാരാണ് കെട്ടിയിട്ട ആടിനെ പുലി കടിച്ചു പിടിക്കുന്നത് കാണുന്നത്. ബഹളം വച്ചതിനെ തുടർന്ന് പുലി ആടിനെ ഉപേക്ഷിച്ച് കടന്നുകളഞ്ഞു. രണ്ട് ആടുകളെ കാണാനില്ല.
വിവരം അറിയിച്ചതിനെ തുടർന്ന് ഞള്ളൂർ ഡെപ്യൂട്ടി റേഞ്ചിലെ ഫോറസ്റ്റ് ഉദ്യോഗസ്ഥർ സ്ഥലത്തെത്തി. പ്രദേശത്ത് പുലിയുടെ സാന്നിധ്യം ഉണ്ടെന്ന് പ്രദേശവാസികൾ ആശങ്ക അറിയിച്ച സാഹചര്യത്തിൽ കാമറയും കൂടും സ്ഥാപിക്കാൻ വനം വകുപ്പ് നീക്കം തുടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.