കനത്തമഴയിൽ മുങ്ങി ആ​ല​പ്പു​ഴ ജില്ല

ആ​ല​പ്പു​ഴ: ക​ന​ത്ത മ​ഴ​യി​ൽ ജി​ല്ല​യി​ലെ താ​ഴ്ന്ന പ്ര​ദേ​ശ​ങ്ങ​ളെ​ല്ലാം മു​ങ്ങി. ന​ര​വ​ധി വീ​ടു​ക​ളി​ൽ വെ​ള്ളം​ക​യ​റി. ജ​ന​ങ്ങ​ളെ മാ​റ്റി​പ്പാ​ർ​പ്പി​ക്കു​ന്ന​തി​ന്​ പു​തു​താ​യി ദു​ര​താ​ശ്വാ​സ ക്യാ​മ്പു​ക​ൾ തു​റ​ന്നു. മ​രം​വീ​ണ്​ പ​ല​യി​ട​ത്തും ഗ​താ​ഗ​തം മു​ട​ങ്ങി. വ്യാ​പ​ക​മാ​യി കൃ​ഷി ന​ശി​ച്ചു. കു​ട്ട​നാ​ട്ടി​ൽ നി​ന്നു​ള്ള വെ​ള്ള​മൊ​ഴു​ക്ക്​ സു​ഗ​മ​മാ​ക്കാ​ൻ തോ​ട്ട​പ്പ​ള്ളി സ്പി​ൽ​വേ പൊ​ഴി കൂ​ടു​ത​ൽ തു​റ​ന്നു. അ​ന്ധ​കാ​ര​ന​ഴി​യി​ൽ ചൊ​വ്വാ​ഴ്ച രാ​ത്രി​യി​ൽ പൊ​ഴി​മു​റി​ച്ചി​രു​ന്നു.

ദു​രി​താ​ശ്വാ​സ ക്യാ​മ്പു​ക​ൾ തു​ട​ങ്ങു​ന്ന​തി​ന്​ 400ലേ​റെ കെ​ട്ടി​ട​ങ്ങ​ൾ സ​ജ്ജ​മാ​ക്കി​യ​താ​യി ക​ല​ക്ട​ർ അ​റി​യി​ച്ചു. ഉ​യ​ർ​ന്ന തി​ര​മാ​ല​യു​ണ്ടാ​കു​മെ​ന്ന​തി​നാ​ൽ മ​ത്സ്യ​തൊ​ഴി​ലാ​ളി​ക​ൾ ജാ​ഗ്ര​ത പാ​ലി​ക്ക​ണ​മെ​ന്ന്​ നി​ർ​ദേ​ശം ന​ൽ​കി. ജി​ല്ല​യി​ലെ ജ​ല​യാ​ശ​ങ്ങ​ളി​ലും തോ​ടു​ക​ളി​ലും കാ​യ​ലു​ക​ളി​ലും ശി​ക്കാ​ര വ​ള്ള​ങ്ങ​ളു​ടെ​യും ചെ​റു​വ​ള്ള​ങ്ങ​ളു​ടെ​യും സ​ഞ്ചാ​രം നി​രോ​ധി​ച്ചു.

ബു​ധ​നാ​ഴ്ച ഉ​ച്ച​വ​രെ ക​ന​ത്ത​മ​ഴ​യാ​ണ്​ പെ​യ്ത​ത്. ഇ​തോ​ടെ താ​ഴ്ന്ന പ്ര​ദേ​ശ​ങ്ങ​ളെ​ല്ലാം വെ​ള്ള​ക്കെ​ട്ടി​ലാ​യി. നൂ​റു​ക​ണ​ക്കി​ന്​ വീ​ടു​ക​ളി​ൽ​ വെ​ള്ളം​ക​യ​റി. പ​ല​യി​ട​ത്തും മ​തി​ലു​ക​ളും ഭി​ത്തി​ക​ളും ഇ​ടി​ഞ്ഞു​വീ​ണു. നീ​ർ​ക്കു​ന്നം അ​ൽ ഹു​ദ എ ​സ്കൂ​ൾ മ​തി​ൽ ഇ​ടി​ഞ്ഞു വീ​ണു.

അ​ർ​ത്തു​ങ്ക​ൽ നി​ന്ന്​ ക​ട​ലി​ൽ​പോ​യ ബോ​ട്ട്​ നി​യ​ന്ത്ര​ണം​വി​ട്ട്​ ക​ട​ലി​ൽ ഒ​ഴു​കി​യ​തി​നെ തു​ട​ർ​ന്ന്​ മ​റ്റൊ​രു ബോ​ട്ടെ​ത്തി കെ​ട്ടി​വ​ലി​ച്ച്​ അ​ഴീ​ക്ക​ൽ തു​റ​മു​ഖ​ത്ത്​ എ​ത്തി​ച്ചു. ബോ​ട്ടി​ൽ ഒ​മ്പ​ത്​​ തൊ​ഴി​ലാ​ളി​ക​ളു​ണ്ടാ​യി​രു​ന്നു. ഹ​രി​പ്പാ​ട്ട് 90 ഹെ​ക്ട​റി​ൽ കൃ​ഷി ന​ശി​ച്ചു. കാ​യം​കു​ള​ത്ത് നൂ​റ് ക​ണ​ക്കി​ന് വീ​ടു​ക​ളി​ൽ വെ​ള്ളം ക​യ​റി. മ​രം​വീ​ണ്​ നി​ര​വ​ധി വീ​ടു​ക​ൾ ത​ക​ർ​ന്നു. മാ​ന്നാ​റി​ൽ ക​നാ​ലി​ന്റെ സം​ര​ക്ഷ​ണ ഭി​ത്തി 30 മീ​റ്റ​റോ​ളം ത​ക​ർ​ന്നു.

കായംകുളം കുളമായി

കാ​യം​കു​ളം: ക​ന​ത്ത മ​ഴ​യി​ൽ ന​ഗ​ര​ത്തി​ലെ നൂ​റ് ക​ണ​ക്കി​ന് വീ​ടു​ക​ൾ വെ​ള്ള​പ്പൊ​ക്ക ഭീ​ഷ​ണി​യി​ൽ. ര​ണ്ടി​ട​ത്ത് ദു​രി​താ​ശ്വാ​സ ക്യാ​മ്പു​ക​ൾ തു​റ​ന്നു. ക​രി​പ്പു​ഴ തോ​ട്, മ​ല​യ​ൻ ക​നാ​ൽ, ഇ​ഞ്ച​ക്ക​ൽ തോ​ട് എ​ന്നി​വ ക​ര​ക​വി​ഞ്ഞ​ത് ഇ​തി​ന്‍റെ ഓ​ര​ത്തു​ള്ള വീ​ടു​ക​ളി​ൽ വെ​ള്ളം ക​യ​റി.

ന​ഗ​ര​ത്തി​ലെ താ​ഴ്ന്ന പ്ര​ദേ​ശ​ങ്ങ​ളി​ലെ താ​മ​സ​ക്കാ​രും ഗു​രു​ത​ര പ്ര​തി​സ​ന്ധി നേ​രി​ടു​ക​യാ​ണ്. ചൊ​വ്വാ​ഴ്ച വൈ​കി​ട്ട് മൂ​ന്ന് മു​ത​ൽ മ​ഴ തോ​രാ​തെ പെ​യ്ത​താ​ണ് പ്ര​ശ്ന​മാ​യ​ത്. കൂ​ടാ​തെ കി​ഴ​ക്ക​ൻ വെ​ള്ള​ത്തി​ന്‍റെ കു​ത്തൊ​ഴു​ക്ക് ശ​ക്ത​മാ​യ​തും തോ​ടു​ക​ൾ ക​ര​ക​വി​യാ​ൻ കാ​ര​ണ​മാ​യി.

ന​ഗ​ര​ത്തി​ന്‍റെ കി​ഴ​ക്ക​ൻ പ്ര​ദേ​ശ​ങ്ങ​ളാ​യ എ​രു​വ, കു​റ്റി​ത്തെ​രു​വ്, ചേ​രാ​വ​ള്ളി, ഇ​ഞ്ച​ക്ക​ൽ, ചു​ടു​കാ​ട് തു​ട​ങ്ങി​യ പ്ര​ദേ​ശ​ങ്ങ​ളാ​ണ് തോ​ടു​ക​ൾ ക​ര​ക​വി​ഞ്ഞ​തി​ന്‍റെ രൂ​ക്ഷ​ത നേ​രി​ടു​ന്ന​ത്. ഇ​വി​ടെ നി​ന്നു​ള്ള​വ​രെ മാ​റ്റി പാ​ർ​പ്പി​ക്കു​ന്ന​തി​നാ​യി പു​ള്ളി​ക​ണ​ക്ക് സ്കൂ​ൾ, കൃ​ഷ്ണ​പു​രം ടെ​ക്നി​ക്ക​ൽ സ്കൂ​ൾ എ​ന്നി​വി​ട​ങ്ങ​ളി​ലാ​ണ് ദു​രി​താ​ശ്വാ​സ ക്യാ​മ്പ് തു​റ​ന്ന​ത്. കൂ​ടു​ത​ൽ രൂ​ക്ഷ​ത നേ​രി​ടു​ന്ന വീ​ട്ടു​കാ​രെ ഇ​വി​ടേ​ക്ക് മാ​റ്റി തു​ട​ങ്ങി​യി​ട്ടു​ണ്ട്.

ദേ​ശീ​യ​പാ​ത​യു​ടെ പ​ടി​ഞ്ഞാ​റും വെ​ള്ള​പ്പൊ​ക്ക ഭീ​ഷ​ണി ശ​ക്ത​മാ​ണ്. കൊ​റ്റു​കു​ള​ങ്ങ​ര, ഐ​ക്യ ജ​ങ്ഷ​ൻ തു​ട​ങ്ങി​യ പ്ര​ദേ​ശ​ങ്ങ​ളി​ൽ നി​ന്ന് കി​ട​പ്പ് രോ​ഗി​ക​ളെ ബ​ന്ധു വീ​ടു​ക​ളി​ലേ​ക്ക് മാ​റ്റി.

നീ​രൊ​ഴു​ക്ക് തോ​ടു​ക​ൾ അ​ട​ഞ്ഞ​തും ദേ​ശീ​യ​പാ​ത​യു​ടെ അ​ശാ​സ്ത്രീ​യ നി​ർ​മാ​ണ​വും വെ​ള്ള​ക്കെ​ട്ടി​ന്‍റെ പ്ര​ധാ​ന കാ​ര​ണം. വെ​ള്ളം ക്ര​മാ​തീ​ത​മാ​യി ഉ​യ​രു​ന്ന​ത് പ്രാ​ഥ​മി​ക കൃ​ത്യ നി​ർ​വ​ഹ​ണ​ങ്ങ​ളെ ബാ​ധി​ക്കു​ന്ന ത​ര​ത്തി​ലേ​ക്കും മാ​റി​യി​ട്ടു​ണ്ട്.

തു​ട​ർ മ​ഴ​യി​ൽ ന​ഗ​ര​ത്തി​ലെ റോ​ഡു​ക​ൾ മി​ക്ക​തും തോ​ടു​ക​ളാ​യ​തും ജ​ന​ജീ​വി​ത​ത്തെ ബാ​ധി​ച്ചു. ഗ​താ​ഗ​ത തി​ര​ക്കേ​റി​യ കോ​ള​ജ് ജ​ങ്ഷ​ൻ- പു​ല്ലു​കു​ള​ങ്ങ​ര റോ​ഡ്, കാ​യ​ലോ​രം റോ​ഡ് എ​ന്നി​വ വെ​ള്ള​ത്തി​ന​ടി​യി​ലാ​ണ്. തോ​ടാ​യി മാ​റി​യ റോ​ഡി​ലൂ​ടെ കാ​ൽ​ന​ട യാ​ത്ര പോ​ലും ദു​സ​ഹ​മാ​ണ്. രാ​ത്രി​കാ​ല യാ​ത്ര​യാ​ണ് ഏ​റെ ദു​രി​തം.

മണ്ണഞ്ചേരിയിൽ വ്യാപകനാശം; വൃ​ക്ഷം ക​ട​പു​ഴ​കി, വീ​ട് ത​ക​ർ​ന്നു

മ​ണ്ണ​ഞ്ചേ​രി: ക​ന​ത്ത പേ​മാ​രി​യി​ലും കാ​റ്റി​ലും മ​ണ്ണ​ഞ്ചേ​രി​യി​ൽ വ്യാ​പ​ക നാ​ശ​ന​ഷ്ടം. ക​യ​ലോ​ര മേ​ഖ​ല വെ​ള്ള​ത്തി​ലാ​യി. മി​ക്ക​വാ​റും വീ​ടു​ക​ളി​ൽ വെ​ള്ളം കേ​റി​യ നി​ല​യി​ലാ​ണ്. വ​ലി​യ വൃ​ക്ഷം ക​ട​പു​ഴ​കി വീ​ണ് പ​ഞ്ചാ​യ​ത്ത് 20-ാം വാ​ർ​ഡ് ഉ​ണ്ണി വെ​ളി​യി​ൽ അ​ൻ​സാ​രി​യു​ടെ വീ​ട്​ ത​ക​ർ​ന്നു.

ത​ക​ർ​ന്ന വീ​ട്ടി​ൽ ത​യ്യി​ൽ വെ​ളി​യി​ൽ ഐ​ഷ​യും കു​ടും​ബ​വും വാ​ട​ക​ക്ക് താ​മ​സി​ച്ച് വ​രു​ക​യാ​യി​രു​ന്നു. വൃ​ക്ഷം ക​ട​പു​ഴ​കി വീ​ടി​ന് മേ​ൽ പ​തി​ച്ച സ​മ​യ​ത്ത് വീ​ടി​ന് അ​ക​ത്തു​ണ്ടാ​യി​രു​ന്ന ഐ​ഷ​യു​ടെ ര​ണ്ട് കു​ട്ടി​ക​ളും പ​രു​ക്കേ​ൽ​ക്കാ​തെ ര​ക്ഷ​പ്പെ​ട്ടു. വീ​ടി​ന് ചു​റ്റും പ​രി​സ​ര പ്ര​ദേ​ശ​ത്തും വ​ലി​യ വെ​ള്ള​ക്കെ​ട്ടാ​ണ് രൂ​പ​പ്പെ​ട്ടി​ട്ടു​ള്ള​ത്.

19-ാം വാ​ർ​ഡി​ൽ കു​ന്ന​പ്പ​ള്ളി ജ​ങ്​​ഷ​ന് സ​മീ​പം ചൂ​ഴാ​ട്ട് വെ​ളി​യി​ൽ ഉ​നൈ​സ്, സു​ലൈ​മാ​ൻ, കെ​ബീ​ർ എ​ന്നി​വ​രു​ടെ വീ​ടു​ക​ളി​ൽ വെ​ള്ളം ക​യ​റി ഗൃ​ഹോ​പ​ക​ര​ണ​ങ്ങ​ൾ അ​ട​ക്കം ന​ശി​ച്ചു. 17 ാം വാ​ർ​ഡ് ചാ​ക്ക​ലി​ൽ ഹാ​ഷി​മി​ന്റെ വീ​ടും മ​രം വീ​ണു ത​ക​ർ​ന്നു. ജ​ലം ഒ​ഴി​കി പ്പോ​കു​ന്ന​തി​നു​ള്ള കൈ​തോ​ടു​ക​ൾ നി​ക​ത്തി​യ​താ​ണ് വെ​ള്ള​ക്കെ​ട്ട് രൂ​പ​പ്പെ​ടാ​നു​ള്ള കാ​ര​ണ​മെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

മ​രോ​ടി​ച്ചു​വ​ട് ഭാ​ഗ​ത്തും പ​ല വീ​ടു​ക​ളി​ലും വെ​ള്ളം ക​യ​റി. 21-ാം വാ​ർ​ഡി​ൽ പ​ന​ക്ക​ൽ മ​സ്ജി​ദി​ന് സ​മീ​പ​മു​ള്ള റോ​ഡ് ഒ​ലി​ച്ച് പോ​യി. സ​മീ​പ​ത്തെ വൃ​ക്ഷ​ങ്ങ​ളും ക​ട​പു​ഴ​കി വീ​ണു. 17-ാം വാ​ർ​ഡ് മാ​ച്ച​നാ​ട് ല​ക്ഷം വീ​ട്ടി​ൽ പ​ല വീ​ടു​ക​ളും വെ​ള്ള​ത്തി​ലാ​യി.

വ​ലി​യ വൃ​ക്ഷ​ങ്ങ​ൾ ക​ട​പു​ഴ​കി വൈ​ദ്യു​തി ലൈ​നി​ലേ​ക്ക് പ​തി​ച്ച് വൈ​ദ്യു​തി തൂ​ണ് ഒ​ടി​യു​ക​യും ക​മ്പി​ക​ൾ പൊ​ട്ടു​ക​യും ചെ​യ്തു. അ​മ്പ​ല​ക്ക​ട​വ് പെ​രു​ന്തു​രു​ത്ത് ക​രി​യി​ൽ വെ​ള്ളം​നി​റ​ഞ്ഞ​തി​നാ​ൽ പ്ര​ദേ​ശം വെ​ള്ള​ക്കെ​ട്ടി​ലാ​യി. പാ​ട​ശേ​ഖ​ര സ​മി​തി​യു​ടെ​യും പ​ഞ്ചാ​യ​ത്തി​ന്‍റെ​യും അ​നാ​സ്ഥ​യാ​ണ് വെ​ള്ള​ക്കെ​ട്ടി​ലാ​കാ​ൻ കാ​ര​ണ​മെ​ന്ന് നാ​ട്ടു​കാ​ർ പ​റ​ഞ്ഞു.

പ​ര​പ്പി​ൽ പ്ര​ദേ​ശം ക​ന​ത്ത വെ​ള്ള​ക്കെ​ട്ടി​ലാ​യ​തി​നാ​ൽ വീ​ട്ടു​കാ​രെ മാ​റ്റി താ​മ​സി​പ്പി​ക്കു​വാ​ൻ ദു​രി​താ​ശ്വാ​സ ക്യാ​മ്പാ​യി അ​മ്പ​നാ​കു​ള​ങ്ങ​ര മ​ദ്റ​സ വീ​ട്ടു ന​ൽ​കു​വാ​ൻ പ​ഞ്ചാ​യ​ത്ത് അ​ധി​കാ​രി​ക​ൾ ആ​വ​ശ്യ​പ്പെ​ട്ടി​ട്ടു​ണ്ട്. ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ രൂ​പ​പ്പെ​ടു​ത്തു​വാ​ൻ ബു​ധ​നാ​ഴ്ച വൈ​കി​ട്ട് മൂ​ന്നി​ന് പ​ഞ്ചാ​യ​ത്തി​ൽ അ​ടി​യ​ന്തി​ര യോ​ഗം ചേ​ർ​ന്നു.

മു​ഹ​മ്മ, ക​ല​വൂ​ർ സെ​ക്ഷ​ൻ പ​രി​ധി​ക​ളി​ൽ മ​രം വൈ​ദ്യു​തി ക​മ്പി​ക​ളി​ലേ​ക്ക് വീ​ണ് വ്യാ​പ​ക​മാ​യി വൈ​ദ്യു​തി തൂ​ണു​ക​ൾ ഒ​ടി​യു​ക​യും ക​മ്പി​ക​ൾ പൊ​ട്ടു​ക​യും ട്രാ​ൻ​സ്ഫോ​ർ​മ​റു​ക​ൾ​ക്ക് കേ​ടു​പാ​ടു​ക​ളും സം​ഭ​വി​ക്കു​ക​യും ചെ​യ്തു. ക​ട​പു​ഴ​കി വൈ​ദ്യു​തി ലൈ​നി​ലേ​ക്ക് വീ​ണ വ​ലി​യ മ​ര​ങ്ങ​ൾ വെ​ട്ടി മാ​റ്റാ​ൻ സാ​ധി​ക്കാ​ത്ത​തി​നാ​ൽ ബു​ധ​നാ​ഴ്ച വൈ​കി​ട്ട് വ​രെ​യും പ​ല സ്ഥ​ല​ങ്ങ​ളി​ലും വൈ​ദ്യു​തി പു​ന​സ്ഥാ​പി​ക്കാ​ൻ ആ​യി​ട്ടി​ല്ല.

ദുരിത​പ്പെയ്ത്തിൽ ജനജീവിതം ദുസ്സഹം; 90 ഹെക്ടർ കൃഷി നശിച്ചു

ഹ​രി​പ്പാ​ട് : ശ​ക്ത​മാ​യി പെ​യ്യു​ന്ന മ​ഴ മ​ണ്ഡ​ല​ത്തി​ൽ ജ​ന​ജീ​വി​തം ദു​രി​ത​പൂ​ർ​ണ​മാ​ക്കി. തോ​ടു​ക​ളും കാ​യ​ലും ആ​റും നി​റ​ഞ്ഞ​തോ​ടെ താ​ഴ്ന്ന ഭാ​ഗ​ങ്ങ​ളി​ലേ​ക്ക് വെ​ള്ളം ക​യ​റി​ത്തു​ട​ങ്ങി. വ്യാ​പ​ക കൃ​ഷി​നാ​ശ​വും ഉ​ണ്ടാ​യി. ക​ട​ൽ പ്ര​ക്ഷ​ബ്ദ​മാ​ണെ​ങ്കി​ലും ക​ര​യി​ലേ​ക്ക് അ​ടി​ച്ച് ക​യ​റാ​ത്ത​ത് തീ​ര​വാ​സി​ക​ൾ​ക്ക് ആ​ശ്വാ​സ​മാ​കു​ന്നു.

ഹ​രി​പ്പാ​ട് കൃ​ഷി അ​സി​സ്റ്റ​ന്‍റ്​ ഡ​യ​റ​ക്ട​റു​ടെ പ​രി​ധി​യി​ൽ വ​രു​ന്ന ചെ​റു​ത​ന, വീ​യ​പു​രം, പ​ള​ളി​പ്പാ​ട്, കു​മാ​ര​പു​രം, ചി​ങ്ങോ​ലി, തൃ​ക്കു​ന്ന​പ്പു​ഴ കാ​ർ​ത്തി​ക​പ്പ​ള്ളി പ​ഞ്ചാ​യ​ത്തു​ക​ളി​ൽ 90 ഹെ​ക്ട​ർ കൃ​ഷി ന​ശി​ച്ച​താ​യി കൃ​ഷി വ​കു​പ്പ് അ​ധി​കൃ​ത​ർ അ​റി​യി​ച്ചു. ചെ​റു​ത​ന​യി​ലെ വ​ലി​യ വ​ള്ളം പാ​ട​ത്തെ വി​ള​വെ​ടു​ക്കാ​റാ​യ 12 ഹെ​ക്ട​ർ നെ​ൽ​കൃ​ഷി നാ​ശ​ത്തി​ന്‍റെ വ​ക്കി​ലാ​ണ്. കൂ​ടാ​തെ 22 ഹെ​ക്ട​ർ വാ​ഴ കൃ​ഷി, 25 ഹെ​ക്ട​ർ പ​ച്ച​ക്ക​റി കൃ​ഷി, അ​ഞ്ച് ഹെ​ക്ട​ർ ഇ​ഞ്ചി​യും മൂ​ന്ന് ഹെ​ക്ട​ർ മ​ഞ്ഞ​ൾ കൃ​ഷി​യും ന​ശി​ച്ച​തി​ൽ പെ​ടും.

പ​മ്പ​യി​ലും അ​ച്ച​ൻ​കോ​വി​ൽ ആ​റ്റി​ലും ഒ​ഴു​ക്ക് ശ​ക്ത​മാ​ണ്. പു​ഞ്ച കൃ​ഷി ക​ഴി​ഞ്ഞ് പാ​ട​ങ്ങ​ളു​ടെ ബ​ണ്ടു​ക​ൾ തു​റ​ന്നു കി​ട​ക്കു​ന്ന​തി​നാ​ൽ വെ​ള്ളം ക​യ​റി പാ​ട​ങ്ങ​ൾ മു​ങ്ങു​ന്ന അ​വ​സ്ഥ​യു​ണ്ട്. പാ​ട​ങ്ങ​ളു​ടെ ക​ര​യി​ൽ താ​മ​സി​ക്കു​ന്ന കു​ടും​ബ​ങ്ങ​ൾ ഭീ​തി​യി​ലാ​ണ്. മ​ഴ തു​ട​ർ​ന്നാ​ൽ വീ​യ​പു​രം ചെ​റു​ത​ന പ​ഞ്ചാ​യ​ത്തു​ക​ളി​ലെ നൂ​റു​ക​ണ​ക്കി​ന് കു​ടും​ബ​ങ്ങ​ൾ​ക്ക് സു​ര​ക്ഷി​ത സ്ഥാ​ന​ങ്ങ​ൾ തേ​ടേ​ണ്ടി വ​രും.

മു​തു​കു​ളം, ക​ണ്ട​ല്ലൂ​ർ, ചി​ങ്ങോ​ലി, ആ​റാ​ട്ടു​പു​ഴ കി​ഴ​ക്കേ​ക്ക​ര എ​ന്നി​വി​ട​ങ്ങ​ളി​ലെ താ​ഴ്ന്ന പ്ര​ദേ​ശ​ങ്ങ​ളി​ലെ​ല്ലാം ജ​ല​നി​ര​പ്പ് വ​ലി​യ തോ​തി​ൽ ഉ​യ​ർ​ന്നു. ഒ​ട്ടേ​റെ വീ​ടു​ക​ൾ വെ​ള​ളം ക​യ​റി. ക​ണ്ട​ല്ലൂ​ർ വ​ട​ക്ക് വ​രം​പ​ത്ത്, പു​തി​യ​വി​ള വ​ട​ക്ക​ൻ കോ​യി​ക്ക​ൽ ഭാ​ഗ​ത്തും വീ​ടു​ക​ളി​ൽ വെ​ള​ളം ക​യ​റി. ഇ​വി​ടെ കി​ളി​മു​ക്കേ​ൽ (തോ​ട്ടു​ക​ട​വി​ൽ) ഹ​രി​ദാ​സ​ന്റെ ഏ​ത്ത​വാ​ഴ​ക്കൃ​ഷി​യ്ക്കും പ​ച്ച​ക്ക​റി​ക്കൃ​ഷി​യ്ക്കും നാ​ശ​മു​ണ്ടാ​യി.

കാ​യം​കു​ളം-​കാ​ർ​ത്തി​ക​പ്പ​ള​ളി റോ​ഡി​ൽ കാ​വി​ൽ​പ്പ​ടി​ക്ക​ൽ തെ​ക്കേ​ന​ട​യി​ലും മു​തു​കു​ളം ക​ല്ലും​മൂ​ട്ടി​ലും ഹൈ​സ്‌​കൂ​ൾ മു​ക്കി​ന് തെ​ക്കും വെ​ള​ള​ക്കെ​ട്ട് രൂ​പ​പ്പെ​ട്ട​ത് യാ​ത്ര​ക്കാ​രെ വ​ല​ച്ചു. മ​ര​ച്ചി​ല്ല​ക​ളും മ​റ്റും ഒ​ടി​ഞ്ഞു വീ​ണ​ത് വൈ​ദ്യു​തി ത​ട​സ്സ​ത്തി​നും കാ​ര​ണ​മാ​യി.​ആ​റാ​ട്ടു​പു​ഴ രാ​മ​ഞ്ചേ​രി ശാ​സ്താം കു​ന്നേ​ൽ വാ​സു​ദേ​വ​ന്റെ വീ​ടി​ന് മു​ക​ളി​ലേ​ക്ക് ആ​ഞ്ഞി​ലി ക​ട​പു​ഴ​കി വീ​ണ് മേ​ൽ​ക്കൂ​ര ത​ക​ർ​ന്നു. ഭി​ത്തി​യും പൊ​ട്ടി.