ഉയരപ്പാത നിർമാണം: ദുരിതം തുടരുന്നു

അ​രൂ​ർ: തു​റ​വൂ​ർ-​അ​രൂ​ർ ഉ​യ​ര​പ്പാ​ത നി​ർ​മാ​ണ​ത്തി​ന്റെ അ​പാ​ക​ത മൂ​ലം ച​ന്തി​രൂ​ർ, അ​രൂ​ർ മേ​ഖ​ല​യി​ലെ പ്ര​ദേ​ശ​വാ​സി​ക​ൾ​ക്കും യാ​ത്ര​ക്കാ​ർ​ക്കും വി​ദ്യാ​ർ​ഥി​ക​ൾ​ക്കും ഉ​ണ്ടാ​കു​ന്ന ദു​രി​ത​ങ്ങ​ൾ​ക്കെ​തി​രെ വ​ൻ പ്ര​തി​ഷേ​ധ​വു​മാ​യി ജ​നം തെ​രു​വി​ലി​റ​ങ്ങി.

സം​യു​ക്ത റെ​സി​ഡ​ന്‍റ്​​സ് അ​സോ​സി​യേ​ഷ​നും ച​ന്തി​രൂ​ർ ജ​ന​കീ​യ സ​മി​തി​യും നേ​തൃ​ത്വം ന​ൽ​കി​യ ജ​ന​കീ​യ പ്ര​ക്ഷോ​ഭ​ത്തി​ൽ സ്ത്രീ​ക​ൾ ഉ​ൾ​പ്പെ​ടെ ആ​യി​ര​ങ്ങ​ളാ​ണ്​ അ​ണി​നി​ര​ന്ന​ത്. ച​ന്തി​രൂ​ർ പ​ഴ​യ പാ​ല​ത്തി​നു സ​മീ​പ​ത്തു​നി​ന്ന് ഫാ. ​ജോ​സ​ഫ് ക​രി​തോ​ട​ത്ത്​ ഫ്ലാ​ഗ് ഓ​ഫ്‌ ചെ​യ്ത റാ​ലി ച​ന്തി​രൂ​ർ ഹൈ​സ്കൂ​ളി​ന് സ​മീ​പം എ​ത്തി​ച്ചേ​ർ​ന്ന് പ്ര​തി​ഷേ​ധ സ​മ്മേ​ള​നം ന​ട​ത്തി. പ​ഴ​യ റോ​ഡി​ലൂ​ടെ​യാ​ണ്​ പ്ര​ക​ട​നം നീ​ങ്ങി​യ​ത്. അ​തി​നാ​ൽ ദേ​ശീ​യ​പാ​ത​യി​ൽ ഗ​താ​ഗ​തം മു​ട​ങ്ങി​യി​ല്ല. സ​മ്മേ​ള​നം റി​ട്ട. ജ​ഡ്​​ജി എം. ​ലീ​ലാ​മ​ണി ഉ​ദ്​​ഘാ​ട​നം ചെ​യ്തു. മൗ​ലി​കാ​വ​കാ​ശ​ങ്ങ​ളി​ലൊ​ന്നാ​യ സ​ഞ്ചാ​ര സ്വാ​ത​ന്ത്ര്യം അ​രൂ​ർ, ച​ന്തി​രൂ​ർ മേ​ഖ​ല​യി​ൽ ത​ട​ഞ്ഞി​രി​ക്കു​ന്ന​ത് കാ​ണേ​ണ്ട​ത് സ​ർ​ക്കാ​റു​ക​ളാ​ണെ​ന്ന് ലീ​ലാ​മ​ണി പ​റ​ഞ്ഞു.

എ​ന്തൊ​ക്കെ സ​ഹി​ച്ചും വോ​ട്ടു ചെ​യ്യേ​ണ്ട സ​മ​യ​മാ​കു​മ്പോ​ൾ മ​റ​ക്കു​മെ​ന്ന് അ​ധി​കാ​ര​ത്തി​ൽ ഇ​രി​ക്കു​ന്ന​വ​ർ​ക്ക് അ​റി​യാം. അ​തു​കൊ​ണ്ടാ​ണ് ക​ഴു​ത​ക​ളെ​ന്ന് ജ​ന​ത്തെ വി​ളി​ക്കു​ന്ന​ത്. എ​ന്നാ​ൽ, ന​മ്മ​ൾ ക​ഴു​ത​ക​ള​ല്ലെ​ന്ന് തെ​ളി​യി​ക്കു​ക​യാ​ണ് ഈ ​പ്ര​തി​ഷേ​ധം. ശാ​സ്ത്രീ​യ​മാ​യി നി​ർ​മാ​ണം ന​ട​ത്തി​യി​രു​ന്നെ​ങ്കി​ൽ ഇ​ത്ര​യേ​റെ ദു​രി​തം സ​ഹി​ക്കേ​ണ്ടി വ​രി​ല്ലാ​യി​രു​ന്നെ​ന്ന് അ​വ​ർ പ​റ​ഞ്ഞു.

സ​മ​ര​സ​മി​തി ചെ​യ​ർ​മാ​ൻ എം. ​ഉ​ബൈ​ദ് അ​ധ്യ​ക്ഷ​ത​വ​ഹി​ച്ചു. നി​ർ​മാ​ണം ശാ​സ്ത്രീ​യ​മാ​യി ന​ട​ത്താ​ൻ പ്ര​ക്ഷോ​ഭം ന​യി​ക്കേ​ണ്ട​ത് അ​രൂ​ർ ഗ്രാ​മ​പ​ഞ്ചാ​യ​ത്താ​ണെ​ന്ന് നേ​താ​ക്ക​ൾ ചൂ​ണ്ടി​ക്കാ​ട്ടി. സ​മ​ര​ത്തി​ന്‍റെ അ​ടു​ത്ത ഘ​ട്ട​ത്തി​ൽ പ​ഞ്ചാ​യ​ത്തി​ലെ മു​ഴു​വ​ൻ ജ​ന​ജീ​വി​ത​വും സ്തം​ഭി​പ്പി​ച്ച് ഹ​ർ​ത്താ​ൽ ന​ട​ത്തു​മെ​ന്ന് മു​ന്ന​റി​യി​പ്പ്​ ന​ൽ​കി.

ഇ​ന്ത്യ​ൻ ആ​ന്റി ക​റ​പ്ഷ​ൻ മി​ഷ​ൻ സ്റ്റേ​റ്റ് കോ​ഓ​ഡി​നേ​റ്റ​ർ പി.​ടി. ശ്രീ​കു​മാ​ർ, ജ​ന​പ​ക്ഷം നേ​താ​വ് ബെ​ന്നി ജോ​സ​ഫ്, മു​ൻ എം.​എ​ൽ.​എ ഷാ​നി​മോ​ൾ ഉ​സ്മാ​ൻ, ഡി.​സി.​സി ജ​ന​റ​ൽ സെ​ക്ര​ട്ട​റി കെ. ​രാ​ജീ​വ്, ജ​ന​കീ​യ സ​മി​തി ചെ​യ​ർ​മാ​ൻ വി.​കെ. ഗൗ​രീ​ശ​ൻ, വി.​പി. ഹ​മീ​ദ്, ഫാ. ​ജോ​സ​ഫ് ക​രി​ത്തേ​ട​ത്, യു.​സി. ഷാ​ജി, സി​ബി ക​ണ്ടോ​ത്ത്​ തു​ട​ങ്ങി​യ​വ​ർ സം​സാ​രി​ച്ചു.

സമരത്തിൽനിന്ന് തലയൂരി പഞ്ചായത്ത്​ അംഗങ്ങൾ; കമ്പനി ഉറപ്പ്​ നൽകിയെന്ന്​ പഞ്ചായത്ത്​ പ്രസിഡന്‍റ്

അ​രൂ​ർ: ഉ​യ​ര​പ്പാ​ത നി​ർ​മാ​ണ ദു​രി​ത​ങ്ങ​ൾ​ക്ക് പ​രി​ഹാ​രം ആ​വ​ശ്യ​പ്പെ​ട്ടു​ള്ള പ്ര​ക്ഷോ​ഭ​ത്തി​ൽ​നി​ന്ന് അ​രൂ​ർ ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ൾ പി​ന്നോ​ട്ടു​പോ​യി. ഇ​ത് വ​ലി​യ ആ​ക്ഷേ​പ​ത്തി​ന് ഇ​ട​യാ​ക്കി​യി​ട്ടു​ണ്ട്. ഉ​യ​ര​പ്പാ​ത നി​ർ​മാ​ണ ക​രാ​റെ​ടു​ത്ത അ​ശോ​ക് ബി​ൽ​ഡ് കോ​ൺ ക​മ്പ​നി പ്ര​തി​നി​ധി​ക​ൾ ക​ഴി​ഞ്ഞ ദി​വ​സം അ​രൂ​ർ പ​ഞ്ചാ​യ​ത്ത് ഓ​ഫി​സി​ലെ​ത്തി പ​ഞ്ചാ​യ​ത്ത് അം​ഗ​ങ്ങ​ളു​മാ​യി ച​ർ​ച്ച ന​ട​ത്തി​യാ​ണ് ജ​ന​പ്ര​തി​നി​ധി​ക​ളെ ത​ണു​പ്പി​ച്ച​ത്.

ക​ല​ക്ട​റേ​റ്റി​ൽ എ​ത്തി ക​ഴി​ഞ്ഞ ദി​വ​സം ജ​ന​പ്ര​തി​നി​ധി​ക​ൾ ധ​ർ​ണ ന​ട​ത്തി​യി​രു​ന്നു. സ​മ​ര​ക്കാ​രെ ചേം​ബ​റി​ലേ​ക്ക് വി​ളി​പ്പി​ച്ച ക​ല​ക്ട​ർ, നി​ർ​മാ​ണ പ്ര​വ​ർ​ത്ത​നം ത​ട​യാ​ൻ സ​മ്മ​തി​ക്കി​ല്ലെ​ന്ന് മു​ന്ന​റി​യി​പ്പ് ന​ൽ​കി​യി​രു​ന്നു. വെ​ള്ള​ക്കെ​ട്ടും ച​ളി​യും യാ​ത്രാ​ദു​രി​ത​വും അ​ട​ക്കം വി​വി​ധ വി​ഷ​യ​ങ്ങ​ൾ നി​ർ​മാ​ണ ക​മ്പ​നി അ​ധി​കൃ​ത​രു​മാ​യി വി​ശ​ദ​മാ​യി ച​ർ​ച്ച ചെ​യ്തെ​ന്നും പ​രി​ഹാ​ര​മാ​ർ​ഗ​ങ്ങ​ളും ച​ർ​ച്ച​യി​ൽ തീ​രു​മാ​ന​മാ​യെ​ന്നു​മാ​ണ് പ​ഞ്ചാ​യ​ത്ത് പ്ര​സി​ഡ​ന്‍റും വൈ​സ് പ്ര​സി​ഡ​ന്‍റും പ​റ​യു​ന്ന​ത്. 

പ​ഞ്ചാ​യ​ത്തി​ന് നി​ർ​മാ​ണ​ക്ക​മ്പ​നി ന​ൽ​കി​യ ഉ​റ​പ്പു​ക​ൾ

• നി​ർ​മാ​ണം മൂ​ലം ഉ​ണ്ടാ​കു​ന്ന ച​ളി 30 ദി​വ​സ​ത്തി​നു​ള്ളി​ൽ നീ​ക്കും
• ഡ്ര​ഡ്ജ് ചെ​യ്യു​മ്പോ​ൾ പു​റ​ത്തു​വ​രു​ന്ന ച​ളി​യും വെ​ള്ള​വും റോ​ഡി​ലേ​ക്ക് ഒ​ഴു​കാ​തി​രി​ക്കാ​ൻ സം​വി​ധാ​നം സ്വീ​ക​രി​ക്കും
• ഡ്രെ​ഡ്ജ് ചെ​യ്ത് എ​ടു​ക്കു​ന്ന വെ​ള്ളം ടാ​ങ്ക​റി​ലേ​ക്ക്​ ശേ​ഖ​രി​ച്ച് ക​രാ​ർ ക​മ്പ​നി​യു​ടെ ഉ​ത്ത​ര​വാ​ദി​ത്ത​ത്തി​ൽ നീ​ക്ക​ും
• വെ​ള്ള​വും ച​ളി​യും നീ​ക്കം ചെ​യ്യു​ന്ന​ത് മോ​ണി​റ്റ​ർ ചെ​യ്തു​കൊ​ണ്ടി​രി​ക്കും
• ബാ​രി​ക്കേ​ഡ്​​ ഒ​രു​ക്കാ​ൻ സ്ഥാ​പി​ച്ച ഷീ​റ്റി​ന്‍റെ ത​ള്ളി​നി​ൽ​ക്കു​ന്ന ഭാ​ഗം മാ​റ്റും
• വ​ട്ട​ക്കേ​രി​ൽ റോ​ഡി​ന്‍റെ​യും പ​ഴ​യ ദേ​ശീ​യ പാ​ത​യു​ടെ​യും ഭാ​ഗ​ത്തു​ള്ള കു​ഴി​ക​ൾ അ​ട​ച്ച് സ​ഞ്ചാ​ര​യോ​ഗ്യ​മാ​ക്കും
• ഗ​താ​ഗ​ത​ത്തി​നു​ള്ള ഭാ​ഗം മൂ​ന്ന​ര മീ​റ്റ​ർ മു​ത​ൽ നാ​ല്​ മീ​റ്റ​ർ വ​രെ ടൈ​ൽ ചെ​യ്ത്​ ക്ലി​യ​ർ ചെ​യ്യും. ടൈ​ൽ ഇ​ട്ട​തി​ന്‍റെ ബാ​ക്കി ഭാ​ഗ​ത്തു​ള്ള ച​ളി​യും വെ​ള്ള​വും നീ​ക്കി മെ​റ്റ​ൽ ഇ​ട്ട് ന​ട​പ്പാ​ത ഒ​രു മീ​റ്റ​ർ വീ​തി​യി​ൽ പ​ണി​ത് ന​ട​ക്കാ​ൻ പാ​ക​ത്തി​ൽ ഒ​രു​ക്കും. ഇ​തി​ന്​ ഏ​ഴ്​ ദി​വ​സം സാ​വ​കാ​ശം ന​ൽ​കും.
• അ​രൂ​ർ-​തു​റ​വൂ​ർ റൂ​ട്ടി​ൽ ബ​ദ​ൽ യാ​ത്രാ​സം​വി​ധാ​നം ഒ​രു​ക്കും
• നി​ല​വി​ലു​ള്ള ഡ്രൈ​നേ​ജു​ക​ൾ ക്ലി​യ​ർ ചെ​യ്ത്​ കാ​ന​ക​ൾ കൂ​ട്ടി​മു​ട്ടി​ക്കാ​ൻ പ​റ്റു​ന്ന സ്ഥ​ല​ങ്ങ​ളി​ൽ അ​തി​നു​ള്ള സം​വി​ധാ​നം ഒ​രു​ക്കും
• പു​ത്ത​ൻ​തോ​ടി​ൽ ച​ളി നി​ക്ഷേ​പി​ച്ചി​ട്ടു​ണ്ടെ​ന്ന് ക​ണ്ടെ​ത്തി​യാ​ൽ അ​ത് നീ​ക്കും. പ​ഴ​യ എ​ൻ.​എ​ച്ച് റോ​ഡ് മി​ക​ച്ച ഗു​ണ​നി​ല​വാ​ര​ത്തോ​ടെ പു​ന​ർ​നി​ർ​മി​ക്കും
• തീ​രു​മാ​ന​ങ്ങ​ൾ ദേ​ശീ​യ​പാ​ത അ​തോ​റി​റ്റി, പൊ​ലീ​സ്, മ​റ്റു ഭ​ര​ണ​സം​വി​ധാ​ന​ങ്ങ​ൾ എ​ന്നി​വ​യു​ടെ സ​ഹാ​യ​ത്തോ​ടെ എ​ങ്ങ​നെ പൂ​ർ​ണ​മാ​യും പ്രാ​വ​ർ​ത്തി​ക​മാ​ക്കാ​മെ​ന്ന് ആ​ലോ​ചി​ക്കും

പ​ഞ്ചാ​യ​ത്ത് പ്ര​സി​ഡ​ന്‍റ്​ അ​ഡ്വ. രാ​ഖി ആ​ന്റ​ണി​യു​ടെ​യും വൈ​സ് പ്ര​സി​ഡ​ന്‍റ്​ ഇ.​ഇ. ഇ​ഷാ​ദി​ന്‍റെ​യും നേ​തൃ​ത്വ​ത്തി​ൽ ന​ട​ന്ന ച​ർ​ച്ച​യി​ൽ പ്ര​തി​പ​ക്ഷ നേ​താ​വ് വി.​കെ. മ​നോ​ഹ​ര​ൻ, പ​ഞ്ചാ​യ​ത്ത്​ അം​ഗം സി.​കെ. പു​ഷ്പ​ൻ, ക​മ്പ​നി പ്ര​തി​നി​ധി​ക​ളാ​യി ബി.​ജി.​എം ഓ​മ​ന​ക്കു​ട്ട​ൻ നാ​യ​ർ, പ്രോ​ജ​ക്റ്റ് മാ​നേ​ജ​ർ ടി.​എ​സ്. വേ​ണു​ഗോ​പാ​ൽ, ക​മേ​ർ​ഷ്യ​ൽ മാ​നേ​ജ​ർ വി. ​സ​ദാ​ന​ന്ദ​ൻ തു​ട​ങ്ങി​യ​വ​ർ പ​ങ്കെ​ടു​ത്തു.

സ​മ്മേ​ള​ന സ​മ​യ​ത്ത് പ​ണി നി​ർ​ത്തി​വെ​പ്പി​ച്ചു

അ​രൂ​ർ: ച​ന്തി​രൂ​ർ ജ​ന​കീ​യ സ​മി​തി നേ​തൃ​ത്വ​ത്തി​ൽ ച​ന്തി​രൂ​ർ ഗ​വ. ഹൈ​സ്കൂ​ളി​നു മു​ന്നി​ൽ ന​ട​ത്തി​യ സ​മ്മേ​ള​ന​സ​മ​യ​ത്ത് ദേ​ശീ​യ​പാ​ത​യി​ലെ ഉ​യ​ര​പ്പാ​ത നി​ർ​മാ​ണം സ​മ​ര​ക്കാ​ർ നി​ർ​ത്തി​വെ​പ്പി​ച്ചു. പ​ണി​ത​ട​ഞ്ഞാ​ൽ കേ​സെ​ടു​ക്കു​മെ​ന്ന് അ​രൂ​ർ പൊ​ലീ​സ് ആ​ദ്യം​ത​ന്നെ മു​ന്ന​റി​യി​പ്പ് ന​ൽ​കി​യി​രു​ന്നു. ജ​ന​ങ്ങ​ളു​ടെ ദു​രി​ത​ത്തി​നെ​തി​രെ പ്ര​തി​ഷേ​ധി​ക്കു​മ്പോ​ൾ സ​മ്മേ​ള​ന സ്ഥ​ല​ത്ത് നി​ർ​മാ​ണ പ്ര​വ​ർ​ത്ത​ന​ത്തി​ന്റെ ശ​ബ്ദം ഉ​യ​രു​ന്ന​ത് ത​ട​യു​മെ​ന്ന് പ്ര​തി​ഷേ​ധ​ക്കാ​ർ പൊ​ലീ​സി​നെ അ​റി​യി​ച്ചു. സ​മ്മേ​ള​ന വേ​ദി​ക്ക് സ​മീ​പം നി​ർ​മാ​ണം നി​ർ​ത്താ​ൻ നി​ർ​മാ​ണ ക​മ്പ​നി തൊ​ഴി​ലാ​ളി​ക​ളോ​ട് സ​മ​ര​ക്കാ​ർ ആ​വ​ശ്യ​പ്പെ​ട്ടു. യ​ന്ത്ര​ങ്ങ​ൾ ഓ​ഫ് ചെ​യ്ത് സ​മ്മേ​ള​ന​ക്കാ​രോ​ട്​ സം​സാ​രി​ക്കാ​ൻ ജീ​വ​ന​ക്കാ​ർ​ക്ക് ത​യാ​റാ​യി.​പ്ര​തി​ഷേ​ധ സ​മ്മേ​ള​ന സ്ഥ​ല​ത്ത്​ വ​ൻ പൊ​ലീ​സ്​ സ​ന്നാ​ഹം നി​ല​യു​റ​പ്പി​ച്ചി​രു​ന്നു.