ഉയരപ്പാത നിർമാണം; യാത്രികരുടെ ദുരിതത്തിനറുതിയില്ല

അ​രൂ​ർ: ഉ​യ​ര​പ്പാ​ത നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​യി​ൽ വാ​ഹ​ന​ങ്ങ​ൾ കു​ഴി​യി​ൽ വീ​ഴു​ന്ന​തും റോ​ഡ​രി​കി​ലെ ജ​ന​ജീ​വി​ത​വും ദു​രി​ത​പൂ​ർ​ണ​മാ​യി തു​ട​രു​ക​യാ​ണ്. കെ.​എ​സ്.​ആ​ർ.​ടി.​സി സ്വി​ഫ്റ്റ് ബ​സ് രാ​ത്രി​യി​ൽ മൂ​ടി​യി​ല്ലാ​ത്ത കാ​ന​യി​ൽ വീ​ണ​തി​നെ തു​ട​ർ​ന്ന്​ യാ​ത്രി​ക​രെ ഇ​റ​ക്കി​വി​ട്ട​ത് ക​ഴി​ഞ്ഞ​ദി​വ​സം പു​ല​ർ​ച്ചെ ര​ണ്ടു​മ​ണി​ക്കാ​ണ്. ച​ന്തി​രൂ​ർ സെൻറ് മേ​രീ​സ് പ​ള്ളി​ക്ക്​ മു​ൻ​വ​ശ​മു​ള്ള മൂ​ടി​യി​ല്ലാ​ത്ത കാ​ന​യി​ൽ ബ​സി​ന്‍റെ മു​ൻ​ച​ക്ര​ങ്ങ​ൾ കു​ടു​ങ്ങു​ക​യാ​യി​രു​ന്നു. എ​റ​ണാ​കു​ള​ത്തു​നി​ന്ന് തി​രു​വ​ന​ന്ത​പു​ര​ത്തേ​ക്ക് പോ​യ കെ.​എ​സ്.​ആ​ർ.​ടി.​സി സ്വി​ഫ്റ്റ് ബ​സാ​ണ് കാ​ന​യി​ൽ കു​ടു​ങ്ങി​യ​ത്. നി​റ​യെ യാ​ത്ര​ക്കാ​രു​ണ്ടാ​യി​രു​ന്ന ബ​സി​ൽ നി​ന്ന് യാ​ത്ര​ക്കാ​രെ ഇ​റ​ക്കി മ​റ്റ്​ ബ​സു​ക​ളി​ൽ ക​യ​റ്റി​വി​ട്ടു.

ദേ​ശീ​യ​പാ​ത​യു​ടെ ക​രാ​ർ ക​മ്പ​നി​യു​ടെ ക്രെ​യി​ൻ കൊ​ണ്ടു​വ​ന്ന്​ ബ​സ് പൊ​ക്കി ബു​ധ​നാ​ഴ്ച രാ​വി​ലെ​യോ​ടെ​യാ​ണ് ബ​സ് കൊ​ണ്ടു​പോ​കാ​നാ​യ​ത്. ഉ​യ​ര​പ്പാ​ത നി​ർ​മാ​ണം ആ​രം​ഭി​ച്ച ശേ​ഷം വ​ലി​യ വാ​ഹ​ന​ങ്ങ​ൾ പോ​ലും കാ​ന​യി​ൽ വീ​ണ് അ​പ​ക​ട​ത്തി​ൽ​പ്പെ​ടു​ന്ന​ത് പ​തി​വാ​യി​ട്ടു​ണ്ട്. ച​ന്തി​രൂ​ർ ഗ​വ. സ്കൂ​ൾ മു​ത​ൽ കു​മ​ർ​ത്തു​പ​ടി ക്ഷേ​ത്രം വ​രെ ദേ​ശീ​യ​പാ​ത​യോ​ര​ത്ത് ഒ​ന്ന​ര കി​ലോ​മീ​റ്റ​ർ മാ​ത്ര​മു​ള്ള ഈ ​കാ​ന നി​റ​യെ മാ​ലി​ന്യ​മ​ടി​ഞ്ഞ് ഒ​ഴു​ക്കു​നി​ല​ച്ച് വെ​ള്ളം കെ​ട്ടി​ക്കി​ട​ക്കു​ക​യാ​ണ്. മൂ​ടി​യി​ല്ലാ​ത്ത​താ​ണ് അ​പ​ക​ട​ങ്ങ​ളു​ടെ പ്ര​ധാ​ന കാ​ര​ണം.