ഉന്തിയും ഉരുണ്ടും ഓട്ടോ മേഖല; തൊഴിലാളികളിൽ നിരാശയുടെ നിഴൽ

അ​രൂ​ർ: അ​നാ​ക​ർ​ഷ​ക​മാ​കു​ക​യാ​ണ് ​ഓ​ട്ടോ​റി​ക്ഷ​ക​ളു​ടെ ലോ​കം.​ വ്യ​ത്യ​സ്ത കാ​ര​ണ​ങ്ങ​ളാ​ൽ സ്വ​യം​തൊ​ഴി​ലെ​ന്ന അ​ഭി​മാ​ന​വും ന​ഷ്ട​മാ​കു​ന്നു. അ​ടി​ക്ക​ടി ഉ​ണ്ടാ​വു​ന്ന ഇ​ന്ധ​ന വി​ല​വ​ർ​ധ​ന​യും ഗ്രാ​മീ​ണ റോ​ഡു​ക​ളു​ടെ ത​ക​ർ​ച്ച​യും സ്പെ​യ​ർ​പാ​ർ​ട്ടു​ക​ളു​ടെ നി​യ​ന്ത്ര​ണാ​തീ​ത​മാ​യ വി​ല​ക്ക​യ​റ്റ​വും ഗ​താ​ഗ​ത നി​യ​മ​ങ്ങ​ളി​ലെ ഭേ​ദ​ഗ​തി​ക​ളും ഇ​ൻ​ഷു​റ​ൻ​സ് പോ​ളി​സി​യു​ടെ നി​ര​ക്ക്​ വ​ർ​ധ​ന​യും എ​ല്ലാം ഈ ​തൊ​ഴി​ൽ രം​ഗ​ത്തെ നി​ര​ന്ത​രം പ്ര​തി​സ​ന്ധി​യി​ലാ​ക്കു​ന്നു.

ഓ​ട്ടോ ഉ​പ​യോ​ഗി​ക്കു​ന്ന​വ​രു​ടെ എ​ണ്ണം താ​ര​ത​മ്യേ​ന കു​റ​ഞ്ഞു​വ​രു​ന്ന​തും തൊ​ഴി​ൽ മേ​ഖ​ല​യെ വ​ല​ക്കു​ന്നു​ണ്ട്. 1975ൽ ​ജി​ല്ല​യി​ൽ ആ​ദ്യ​മാ​യി 16 ഓ​ട്ടോ​റി​ക്ഷ​ക​ൾ ഇ​റ​ങ്ങി​യ​പ്പോ​ൾ സൈ​ക്കി​ൾ റി​ക്ഷ ച​വി​ട്ടി കു​ടും​ബം പു​ല​ർ​ത്തി​യി​രു​ന്ന തൊ​ഴി​ലാ​ളി​ക​ൾ, ത​ങ്ങ​ളു​ടെ തൊ​ഴി​ൽ ന​ഷ്ട​പ്പെ​ടു​മെ​ന്ന ആ​ശ​ങ്ക​യി​ൽ പ​പ്പാ​യ കു​ഴ​ലി​ൽ മ​ണ്ണെ​ണ്ണ​യൊ​ഴി​ച്ച് തീ​പ്പ​ന്തം ഉ​ണ്ടാ​ക്കി പ്ര​ക​ട​നം ന​ട​ത്തി​യ​ത് ആ​ദ്യ​കാ​ല ഓ​ട്ടോ​റി​ക്ഷ തൊ​ഴി​ലാ​ളി​യാ​യ ഗോ​പി​യു​ടെ ഓ​ർ​മ​യി​ൽ ഇ​ന്നു​മു​ണ്ട്.

ജി​ല്ല​യി​ൽ എ​ത്തി​യ 16 ഓ​ട്ടോ​റി​ക്ഷ​ക​ളി​ൽ അ​രൂ​ർ മേ​ഖ​ല​യി​ൽ ഒ​രെ​ണ്ണം അ​നു​വ​ദി​ച്ച​ത് എ​ര​മ​ല്ലൂ​ർ ഗോ​പി​ക്കാ​യി​രു​ന്നു. ഇ​ന്നും ഓ​ട്ടോ​യു​മാ​യി ഗോ​പി എ​ര​മ​ല്ലൂ​രി​ലു​ണ്ട്. 1975ൽ ​ഒ​രു ഓ​ട്ടോ​റി​ക്ഷ ഓ​ടി​യി​രു​ന്നി​ട​ത്ത്​ ഇ​ന്ന് എ​ര​മ​ല്ലൂ​ർ സ്റ്റാ​ൻ​ഡി​ൽ മാ​ത്രം 180ഓ​ളം ഓ​ട്ടോ​റി​ക്ഷ​ക​ൾ ഉ​ണ്ട്.

ഓ​ടാ​ൻ പെ​ർ​മി​റ്റ് ​ജില്ല​ക​ളി​ൽ മാ​ത്രം

ഒ​രു ജി​ല്ല​യി​ൽ ഓ​ടു​ന്ന ഓ​ട്ടോ​റി​ക്ഷ​ക​ൾ മ​റ്റ്​ ജി​ല്ല​ക​ളി​ലേ​ക്ക് ഓ​ടാ​ൻ പാ​ടി​ല്ലെ​ന്ന നി​യ​മം അ​പ​രി​ഷ്​​കൃ​ത​മാ​ണെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. മ​റ്റ്​ ജി​ല്ല​ക​ളി​ലേ​ക്കു​കൂ​ടി ഓ​ടാ​നു​ള്ള അ​നു​വാ​ദം നി​യ​മ​ഭേ​ദ​ഗ​തി​ക​ളി​ലൂ​ടെ അ​നു​വ​ദി​ക്ക​ണ​മെ​ന്ന് ഇ​വ​ർ ആ​വ​ശ്യ​പ്പെ​ടു​ന്നു.

ജി​ല്ല​യി​ലെ അ​തി​ർ​ത്തി​പ്ര​ദേ​ശ​മാ​യ അ​രൂ​രി​ൽ നി​ന്ന് 19 കി​ലോ​മീ​റ്റ​ർ ഓ​വ​ർ​ലാ​പ്പി​ങ്​ പെ​ർ​മി​റ്റ് അ​നു​വ​ദി​ച്ചി​ട്ടു​ണ്ട്.അ​ടു​ത്തു​ള്ള ജി​ല്ല​ക​ളി​ലേ​ക്കെ​ങ്കി​ലും പൂ​ർ​ണ​മാ​യും ഓ​ടാ​ൻ അ​നു​വ​ദി​ക്കു​ന്ന സ്ഥി​തി​യു​ണ്ടാ​യാ​ലേ തൊ​ഴി​ലാ​ളി​ക​ൾ​ക്ക് ആ​ദാ​യ​ക​ര​മാ​യി മു​ന്നോ​ട്ടു​പോ​കാ​ൻ സാ​ധി​ക്കൂ എ​ന്നാ​ണ്​ ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

തൊ​ഴി​ലി​ട ന​ഷ്ടം വ​ലി​യ പ്ര​തി​സ​ന്ധി

അ​രൂ​ർ മേ​ഖ​ല​യി​ൽ ഒ​രി​ട​ത്തും പ​ഞ്ചാ​യ​ത്തു​ക​ൾ സ്ഥ​ല​മെ​ടു​ത്ത് ഓ​ട്ടോ​സ്റ്റാ​ൻ​ഡ് അ​നു​വ​ദി​ച്ച്​ ന​ൽ​കി​യി​ട്ടി​ല്ല. ദേ​ശീ​യ​പ​ത ഒ​റ്റ​വ​രി​യാ​യി​രു​ന്ന പ​ഴ​യ​കാ​ലം മു​ത​ൽ റോ​ഡ​രി​കി​ലാ​ണ് ഓ​ട്ടോ​ക​ൾ പാ​ർ​ക്ക് ചെ​യ്തി​രു​ന്ന​ത്. ര​ണ്ടു​വ​രി​യാ​യി ദേ​ശീ​യ​പാ​ത വി​ക​സി​പ്പി​ച്ച​പ്പോ​ൾ ഓ​ട്ടോ​റി​ക്ഷ​ക​ൾ പാ​ർ​ക്ക് ചെ​യ്യു​ന്ന​തി​ന് പ്ര​ത്യേ​ക സ്ഥ​ലം അ​നു​വ​ദി​ക്ക​പ്പെ​ട്ടി​ല്ല. പ​ഴ​യ​നി​ല​യി​ൽ ദേ​ശീ​യ​പാ​ത​ക്ക​രി​കി​ൽ​ത​ന്നെ പാ​ർ​ക്ക് ചെ​യ്യാ​ൻ തൊ​ഴി​ലാ​ളി​ക​ൾ നി​ർ​ബ​ന്ധി​ത​രാ​വു​ക​യാ​യി​രു​ന്നു.

എ​ന്നാ​ൽ, ദേ​ശീ​യ​പാ​ത​യി​ലേ​ക്ക് തു​റ​ന്നു​വെ​ച്ചി​ട്ടു​ള്ള ക​ച്ച​വ​ട സ്ഥാ​പ​ന​ങ്ങ​ൾ​ക്ക് മു​ന്നി​ൽ ഓ​ട്ടോ​റി​ക്ഷ​ക​ൾ കി​ട​ക്കു​ന്ന​ത് പു​തി​യ ക​ച്ച​വ​ട​ക്കാ​രി​ൽ പ​ല​ർ​ക്കും ബു​ദ്ധി​മു​ട്ടാ​യി തോ​ന്നി​യ​തോ​ടെ പ​ല​യി​ട​ത്തും ത​ട​സ്സ​വാ​ദ​ങ്ങ​ളും സം​ഘ​ർ​ഷ​ങ്ങ​ളു​മു​ണ്ടാ​യി. അ​നു​ര​ഞ്ജ​ന​ത്തി​നും പ്ര​ശ്നം അ​വ​സാ​നി​പ്പി​ക്കാ​നും പ്ര​മു​ഖ രാ​ഷ്ട്രീ​യ പാ​ർ​ട്ടി​ക​ൾ ഇ​ട​പെ​ട്ടി​ട്ടി​ല്ലെ​ന്ന വി​മ​ർ​ശ​നം തൊ​ഴി​ലാ​ളി​ക​ൾ​ക്കു​ണ്ട്. പ​ല സ്റ്റാ​ൻ​ഡു​ക​ളി​ലു​മു​ള്ള തൊ​ഴി​ലാ​ളി​ക​ൾ​ക്കും നി​യ​മ​വ​ഴി​ക​ൾ തേ​ടേ​ണ്ടി​വ​ന്നു. ഉ​ന്തി, ഉ​രു​ട്ടി കു​ടും​ബ ചെ​ല​വു​ക​ൾ ഒ​രു​വി​ധം ഒ​പ്പി​ച്ചു പോ​കു​ന്ന ഓ​ട്ടോ​ക്കാ​ർ വ​ലി​യ തു​ക ഫീ​സ് ന​ൽ​കി അ​ഭി​ഭാ​ഷ​ക​രെ കേ​സ് ന​ട​ത്താ​ൻ ചു​മ​ത​ല​പ്പെ​ടു​ത്തേ​ണ്ട ഗ​തി​കേ​ടി​ലാ​യി.

എ​ര​മ​ല്ലൂ​രി​ൽ ഒ​രു സ്റ്റാ​ൻ​ഡി​ൽ കി​ട​ന്ന ഓ​ട്ടോ​ക​ൾ നാ​ല് സ്റ്റാ​ൻ​ഡു​ക​ളി​ലാ​യാ​ണ് ഇ​പ്പോ​ൾ ഓ​ടു​ന്ന​ത്. സ്ഥി​ര​മാ​യി കി​ട​ന്നി​രു​ന്ന സ്റ്റാ​ൻ​ഡി​ൽ ത​ർ​ക്കം വ​ന്ന​തി​നെ​ത്തു​ട​ർ​ന്നാ​ണ് തൊ​ഴി​ലാ​ളി​ക​ൾ ശി​ഥി​ല​മാ​യ​ത്. അ​രൂ​ർ പ​ള്ളി സ്റ്റാ​ൻ​ഡി​ലെ തൊ​ഴി​ലാ​ളി​ക​ളും ഓ​ട്ടോ​റി​ക്ഷ ഇ​ടു​ന്ന​തി​ന് സ്ഥ​ലം തേ​ടി​യു​ള്ള നി​യ​മ പോ​രാ​ട്ട​ത്തി​ലാ​ണ്. ദേ​ശീ​യ​പാ​ത വി​ക​സ​ന​ത്തി​ന്‍റെ അ​ടു​ത്ത ഘ​ട്ട​ത്തി​ലെ​ങ്കി​ലും ഓ​ട്ടോ സ്റ്റാ​ൻ​ഡു​ക​ൾ​കൂ​ടി അ​നു​വ​ദി​ച്ചു കി​ട്ട​ണ​മെ​ന്ന ആ​വ​ശ്യ​ത്തി​ലാ​ണ് തൊ​ഴി​ലാ​ളി​ക​ൾ.

മു​മ്പ്​ പ്ര​തീ​ക്ഷ​യു​ടെ തൊ​ഴി​ലി​ടം

യു​വാ​ക്ക​ളു​ടെ ആ​ക​ർ​ഷ​ക​മാ​യ തൊ​ഴി​ലി​ട​മാ​യി​രു​ന്നു മു​മ്പ്​ ഓ​ട്ടോ​റി​ക്ഷ പ്ര​സ്ഥാ​നം. ഡ്രൈ​വി​ങ്​ പ​ഠി​ച്ച യു​വാ​ക്ക​ൾ​ക്കൊ​പ്പം യു​വ​തി​ക​ളും ഈ ​രം​ഗ​ത്തേ​ക്ക് ക​ട​ന്നു​വ​ന്നു. സ്വ​ത​ന്ത്ര​മാ​യി ജോ​ലി ചെ​യ്യാ​ൻ ക​ഴി​യു​ന്ന തൊ​ഴി​ൽ മേ​ഖ​ല എ​ന്ന നി​ല​യി​ൽ ന​ല്ല സ്വീ​കാ​ര്യ​ത​യു​മു​ണ്ടാ​യി​രു​ന്നു. സ്വ​ന്ത​മാ​യി ഓ​ട്ടോ വാ​ങ്ങാ​ൻ സാ​മ്പ​ത്തി​ക​സ്ഥി​തി​യി​ല്ലാ​ത്ത​വ​ർ​ക്ക്​ ഡ്രൈ​വ​ർ​മാ​രാ​യി ജോ​ലി ചെ​യ്യാ​നും അ​വ​സ​ര​മു​ണ്ടാ​യി​രു​ന്നു.

എ​ന്നാ​ൽ, പ​ല​വി​ധ പ്ര​തി​സ​ന്ധി​ക​ൾ നേ​രി​ടു​ന്ന​താ​ണ്​ ഈ ​തൊ​ഴി​ൽ മേ​ഖ​ല​യെ​യും ആ​ക​ർ​ഷ​ക​മ​ല്ലാ​താ​ക്കു​ന്ന​ത്. നാ​ലു​ല​ക്ഷം രൂ​പ​വേ​ണം ഇ​പ്പോ​ൾ ഒ​രു പു​തി​യ ഓ​ട്ടോ വാ​ങ്ങാ​ൻ.പു​തി​യ ഓ​ട്ടോ​ക​ൾ​ക്ക് പ്ര​കൃ​തി വാ​ത​ക​മാ​ണ് ഇ​ന്ധ​നം. ആ​ദ്യ​മൊ​ക്കെ പ്ര​കൃ​തി​വാ​ത​കം മ​റ്റ് ഇ​ന്ധ​ന​ത്തെ​ക്കാ​ൾ ലാ​ഭ​ക​ര​മാ​യി​രു​ന്നു.

എ​ന്നാ​ൽ, ഇ​പ്പോ​ൾ മ​റ്റ് ഇ​ന്ധ​ന​ത്തി​ന് ഒ​പ്പം​ത​ന്നെ പ്ര​കൃ​തി വാ​ത​ക​ത്തി​ന്‍റെ വി​ല​യും ചേ​ർ​ന്നു പോ​കു​ന്നു​ണ്ടെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. യ​ന്ത്ര​ത്ത​ക​രാ​ർ വ​ന്നാ​ൽ റി​പ്പ​യ​ർ ചെ​യ്യാ​ൻ ഓ​ട്ടോ ക​മ്പ​നി​യി​ൽ​നി​ന്നു​ള്ള മെ​ക്കാ​നി​ക് എ​ത്ത​ണം എ​ന്ന​താ​ണ്​ മ​റ്റൊ​രു പ്ര​ശ്നം. ഇ​തി​ലൂ​ടെ​യു​ണ്ടാ​കു​ന്ന കാ​ല​താ​മ​സം ഓ​ട്ടം മു​ട​ക്കും.പു​തി​യ ഓ​ട്ടോ​ക​ളു​ടെ സ്പെ​യ​ർ​പാ​ർ​ട്ടി​ന്‍റെ വി​ല​യും ദൗ​ർ​ല​ഭ്യ​വും തൊ​ഴി​ലാ​ളി​ക​ളെ ക​ഷ്ട​പ്പെ​ടു​ത്തു​ന്നു.