തണൽമരം വെട്ടാനുള്ള നീക്കം തടഞ്ഞു

അ​രൂ​ർ: അ​രൂ​ർ-​തോ​പ്പും​പ​ടി ഹൈ​വേ​ക്ക​രി​കി​ൽ നി​ൽ​ക്കു​ന്ന ര​ണ്ട് ത​ണ​ൽ​മ​ര​ങ്ങ​ൾ വെ​ട്ടി​യെ​ടു​ക്കാ​നു​ള്ള നീ​ക്കം നാ​ട്ടു​കാ​ർ ത​ട​ഞ്ഞു. ഇ​തോ​ടെ വെ​ട്ടി​യെ​ടു​ത്ത മ​ര​ക്ക​ഷ​ണ​ങ്ങ​ൾ റോ​ഡ് വ​ക്കി​ൽ ഉ​പേ​ക്ഷി​ച്ച് വെ​ട്ടു​കാ​ർ മ​ട​ങ്ങി.

സ്വ​കാ​ര്യ ക​മ്പ​നി​ക​ളു​ടെ സ​മീ​പ​ത്തു​നി​ൽ​ക്കു​ന്ന മ​ര​ങ്ങ​ൾ വെ​ട്ടി​നീ​ക്ക​ണ​മെ​ന്ന് ക​മ്പ​നി​ക​ളാ​ണ്​ അ​രൂ​ർ ഗ്രാ​മ​പ​ഞ്ചാ​യ​ത്തി​നോ​ട് ആ​വ​ശ്യ​പ്പെ​ട്ട​ത്. പൊ​തു​മ​രാ​മ​ത്ത് വ​കു​പ്പി​നെ സ​മീ​പി​ക്കാ​നാ​യി​രു​ന്നു പ​ഞ്ചാ​യ​ത്ത് നി​ർ​ദേ​ശം.

പൊ​തു​മ​രാ​മ​ത്ത് വ​കു​പ്പ് ചു​മ​ത​ല​പ്പെ​ടു​ത്തി എ​ന്ന​റി​യി​ച്ച്​ ചി​ല​ർ മ​ര​ങ്ങ​ൾ വെ​ട്ടി​മാ​റ്റാ​ൻ എ​ത്തി​യ​പ്പോ​ഴാ​ണ് നാ​ട്ടു​കാ​ർ ത​ട​ഞ്ഞ​ത്. ശ​ല്യ​മാ​യി നി​ൽ​ക്കു​ന്ന ശി​ഖ​ര​ങ്ങ​ൾ വെ​ട്ടി​മാ​റ്റി​യാ​ൽ മ​തി​യെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. വ​ഴി​യാ​ത്ര​ക്കാ​ർ​ക്ക് ആ​ശ്വാ​സ​മാ​യ ത​ണ​ൽ മ​രം അ​പ​ക​ട​ക​ര​മാ​യ​ല്ല നി​ൽ​ക്കു​ന്ന​തെ​ന്നും ചൂ​ണ്ടി​ക്കാ​ട്ടി. ത​ട​സ്സ​ങ്ങ​ളാ​യ​പ്പോ​ൾ വെ​ട്ടി​യ വൃ​ക്ഷ​ശി​ഖ​ര​ങ്ങ​ളും ചി​ല്ല​ക​ളും വ​ഴി​യ​രി​കി​ൽ ഉ​പേ​ക്ഷി​ച്ച്​ വെ​ട്ടു​കാ​ർ മ​ട​ങ്ങു​ക​യാ​യി​രു​ന്നു. റോ​ഡ​രി​കി​ൽ ഗ​താ​ഗ​ത ത​ട​സ്സ​മു​ണ്ടാ​ക്കി കി​ട​ക്കു​ന്ന വൃ​ക്ഷ​ശി​ഖ​ര​ങ്ങ​ൾ മാ​റ്റ​ണ​മെ​ന്നാ​ണ് ഇ​പ്പോ​ഴ​ത്തെ ആ​വ​ശ്യം.