കണ്ണൻ അസ്‌ലം
ആലപ്പുഴ: വീടിന് സമീപം പാർക്ക്‌ ചെയ്ത ബൈക്ക് മോഷ്ടിച്ച കേസിലെ രണ്ട് പ്രതികളെ നോർത്ത് പൊലീസ് പിടികൂടി. തത്തംപള്ളി തോട്ടുങ്കൽ വീട്ടിൽ കണ്ണൻ (40), ആലപ്പുഴ കൊറ്റംകുളങ്ങര അൻസിൽ മൻസിലിൽ അസ്‌ലം (49) എന്നിവരെയാണ് നോർത്ത് പൊലീസ് അറസ്റ്റ് ചെയ്തത്. കണ്ണൻ ബൈക്ക് മോഷ്ടിച്ച് ആക്രിക്കടയിൽ വിൽക്കുകയായിരുന്നു. മോഷണമുതലാണെന്ന് അറിഞ്ഞിട്ടും വാഹനം വാങ്ങിയതിനാണ് അസ്‌ലമിനെ അറസ്റ്റ് ചെയ്തത്.
ആര്യാട് സ്വദേശി ശ്രീകുമാറിന്റെ ഹീറോ ഹോണ്ട ബൈക്കാണ് മോഷണം പോയത്. അസ്‌ലം സ്ഥിരമായി മോഷണ ബൈക്ക് വാങ്ങുകയും കുറച്ചുനാൾ ഉപയോഗിച്ചശേഷം പൊളിച്ചുവിൽക്കുകയും ചെയ്തുവരുകയായിരുന്നുവെന്നു ഇൻസ്‌പെക്ടർ എം.കെ. രാജേഷ് പറഞ്ഞു. എസ്.ഐമാരായ ജേക്കബ്, ദേവിക, എസ്.സി.പി.ഒ വിനോദ്, സി.പി.ഒ പി.കെ. സുഭാഷ് എന്നിവരടങ്ങിയ സംഘമാണ് ഇരുവരെയും പിടികൂടിയത്. പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.