നാഗവിളക്ക്​ മോഷ്ടിച്ച്​ കുളത്തിൽ ഉപേക്ഷിച്ചു; നഗരസഭ കൗൺസിലർ അടക്കം മൂന്നുപേർ പിടിയിൽ

ചെ​ങ്ങ​ന്നൂ​ര്‍: ക്ഷേ​ത്രം വ​ക​യാ​യി വ​ഴി​യ​രി​കി​ൽ സ്ഥാ​പി​ച്ചി​രു​ന്ന നാ​ഗ​വി​ള​ക്ക്​ മോ​ഷ്ടി​ച്ച്​ കു​ള​ത്തി​ൽ ഉ​പേ​ക്ഷി​ച്ച കേ​സി​ൽ ന​ഗ​ര​സ​ഭ കൗ​ൺ​സി​ല​ർ അ​ട​ക്കം മൂ​ന്നു​പേ​രെ പൊ​ലീ​സ്​ പി​ടി​കൂ​ടി.

ചെ​ങ്ങ​ന്നൂ​ർ റെ​യി​ൽ​വേ സ്റ്റേ​ഷ​ന്‍ റോ​ഡി​ൽ​നി​ന്നും വ​ണ്ടി​മ​ല ദേ​വീ​ക്ഷേ​ത്ര​ത്തി​ലേ​ക്കു​ള്ള വ​ഴി​യ​രി​കി​ൽ സ്ഥാ​പി​ച്ചി​രു​ന്ന ശി​ലാ​നാ​ഗ​വി​ള​ക്കാ​ണ്​ ഇ​ള​ക്കി​യെ​ടു​ത്ത് പെ​രു​ങ്കു​ളം​കു​ള​ത്തി​ൽ ഉ​പേ​ക്ഷി​ച്ച​ത്.

ചെ​ങ്ങ​ന്നൂ​ര്‍ ന​ഗ​ര​സ​ഭ കൗ​ൺ​സി​ല​റും കേ​ര​ള കോ​ൺ​ഗ്ര​സ്​ ജോ​സ​ഫ് വി​ഭാ​ഗം സം​സ്ഥാ​ന ഉ​പാ​ധ്യ​ക്ഷ​നു​മാ​യ തി​ട്ട​മേ​ൽ ക​ണ്ണാ​ട്ട് വീ​ട്ടി​ൽ രാ​ജ​ൻ ക​ണ്ണാ​ട്ട് എ​ന്ന തോ​മ​സ് വ​ര്‍ഗീ​സ് (66), തി​ട്ട​മേ​ൽ കൊ​ച്ചു​കു​ന്നും​പു​റ​ത്ത് രാ​ജേ​ഷ് എ​ന്ന ശെ​ൽ​വ​ന്‍, പാ​ണ്ട​നാ​ട് കീ​ഴ്​​വ​ന്മ​ഴി ക​ള​ക്ക​ണ്ട​ത്തി​ൽ കു​ഞ്ഞു​മോ​ൻ (49) എ​ന്നി​വ​രെ​യാ​ണ്​ പൊ​ലീ​സ്​ പ​ടി​കൂ​ടി​യ​ത്. റെ​യി​ൽ വേ​സ്റ്റേ​ഷ​ന്‍ റോ​ഡി​ൽ രാ​ജ​ന്‍ക​ണ്ണാ​ട്ടി​ന്റെ വ​ക​യാ​യു​ള്ള വ്യാ​പാ​ര​സ​മു​ച്ച​യ​ത്തി​നു കൂ​ടു​ത​ൽ സൗ​ക​ര്യ​ങ്ങ​ളു​ണ്ടാ​ക്കു​ക​യെ​ന്ന ല​ക്ഷ്യ​ത്തോ​ടെ ക്ഷേ​ത്ര​ത്തി​ന്റെ വ​ക ശി​ലാ​നാ​ഗ​വി​ള​ക്ക് വെ​ള്ളി​യാ​ഴ്ച രാ​ത്രി​യി​ൽ ര​ണ്ടും മൂ​ന്നും പ്ര​തി​ക​ള്‍ക്ക് പ​ണം​ന​ൽ​കി കൃ​ത്യം നി​ർ​വ​ഹി​പ്പി​ക്കു​ക​യാ​യി​രു​ന്ന​ത്രെ. ഇ​ള​ക്കി​യെ​ടു​ത്ത ശി​ലാ​വി​ള​ക്ക് പെ​രു​ങ്കു​ളം ഭാ​ഗ​ത്തെ കു​ള​ത്തി​ൽ ഉ​പേ​ക്ഷി​ക്കു​ക​യാ​യി​രു​ന്നു.