ചരിത്രമുറങ്ങുന്ന സബ് രജിസ്ട്രാർ ഓഫിസ് കെട്ടിടം തകർച്ചയിൽ

ചാ​രും​മൂ​ട്: ആ​ദ്യ​കാ​ല സ​ബ് ര​ജി​സ്ട്രാ​ർ ഓ​ഫി​സ് കെ​ട്ടി​ട​വും വി​ശ്ര​മ​കേ​ന്ദ്ര​വും ന​ശി​ക്കു​ന്നു. ആ​ദ്യ​കാ​ല​ത്ത് നൂ​റ​നാ​ട് സ​ബ് ര​ജി​സ്ട്രാ​ർ ഓ​ഫി​സ് പ്ര​വ​ർ​ത്തി​ച്ചി​രു​ന്ന കെ.​പി. റോ​ഡ​രി​കി​ലു​ള്ള കെ​ട്ടി​ട​വും വി​ശ്ര​മ​കേ​ന്ദ്ര​വു​മാ​ണ് ന​ശി​ച്ചു​കൊ​ണ്ടി​രി​ക്കു​ന്ന​ത്. കെ​ട്ടി​ട​ത്തി​ന്‍റെ പ​രി​സ​രം കാ​ടു​ക​യ​റി​ക്കി​ട​ക്കു​ന്ന​തി​നാ​ൽ ഇ​ഴ​ജ​ന്തു​ക്ക​ളു​ടെ ആ​വാ​സ​കേ​ന്ദ്ര​മാ​യി മാ​റി​യ നി​ല​യി​ലാ​ണ്. രാ​ജ​ഭ​ര​ണ​കാ​ല​ത്ത്​ സ്ഥാ​പി​ച്ച​താ​ണ് സ​ബ് ര​ജി​സ്ട്രാ​ർ ഓ​ഫി​സ് കെ​ട്ടി​ട​വും വി​ശ്ര​മ​കേ​ന്ദ്ര​വും.

ദൂ​രെ​ദി​ക്കു​ക​ളി​ൽ​നി​ന്നെ​ത്തു​ന്ന കാ​ൽ​ന​ട​ക്കാ​ർ​ക്ക്​ ക്ഷീ​ണം മാ​റ്റാ​നു​ള്ള​താ​യി​രു​ന്നു വി​ശ്ര​മ​കേ​ന്ദ്രം. പ​ഴ​യ​കെ​ട്ടി​ട​ത്തി​നു പി​ന്നി​ലാ​യി പ​ണി​ത പു​തി​യ കെ​ട്ടി​ട​ത്തി​ലേ​ക്ക് 10 വ​ർ​ഷം മു​മ്പ് സ​ബ് ര​ജി​സ്ട്രാ​ർ ഓ​ഫി​സ് പ്ര​വ​ർ​ത്ത​നം തു​ട​ങ്ങി​യ​ത്. ഇ​തോ​ടെ ഉ​പ​യോ​ഗ​ശൂ​ന്യ​മാ​യ പ​ഴ​യ​കെ​ട്ടി​ടം സം​ര​ക്ഷി​ക്കാ​ൻ ആ​ളി​ല്ലാ​താ​യി. ചി​ത​ൽ ക​യ​റി മേ​ൽ​ക്കൂ​ര​യും വാ​തി​ലു​ക​ളും ജ​നാ​ല​ക​ളും ഭി​ത്തി​ക​ളും ന​ശി​ച്ചു​കൊ​ണ്ടി​രി​ക്കു​ന്നു. മ​ര​ങ്ങ​ൾ വ​ള​ർ​ന്ന്​ ഭി​ത്തി​ക​ൾ പൊ​ട്ടി​പ്പൊ​ളി​ഞ്ഞു തു​ട​ങ്ങി.

ല​ക്ഷ​ങ്ങ​ൾ വി​ല​മ​തി​ക്കു​ന്ന ത​ടി​ക​ളാ​ണ് മേ​ൽ​ക്കൂ​ര​യി​ലു​ള്ള​ത്. മി​ക​ച്ച സ്ഥ​ല​സൗ​ക​ര്യ​മു​ള്ള ഈ ​കെ​ട്ടി​ടം സം​ര​ക്ഷി​ച്ചി​രു​ന്നെ​ങ്കി​ൽ വാ​ട​ക​ക്ക് പ്ര​വ​ർ​ത്തി​ക്കു​ന്ന സ​ർ​ക്കാ​ർ സ്ഥാ​പ​ന​ങ്ങ​ൾ​ക്ക്​ പ്ര​യോ​ജ​ന​പ്പെ​ടു​മാ​യി​രു​ന്നു. സ്വ​ന്ത​മാ​യി കെ​ട്ടി​ട​മി​ല്ലാ​ത്ത എ​ക്‌​സൈ​സ് ഓ​ഫി​സും മ​റ്റും പ്ര​വ​ർ​ത്തി​ക്കു​ന്ന​തി​ന് ഈ ​കെ​ട്ടി​ടം ഉ​പ​യോ​ഗ​യോ​ഗ്യ​മാ​ക്കി ന​ൽ​ക​ണ​മെ​ന്ന ആ​വ​ശ്യം പ​രി​ഗ​ണി​ച്ചി​ട്ടി​ല്ല.

ചാ​രും​മൂ​ട് മേ​ഖ​ല​യി​ലെ പ​ല സ​ർ​ക്കാ​ർ സ്ഥാ​പ​ന​ങ്ങ​ളും വാ​ട​ക​ക്കെ​ട്ടി​ട​ങ്ങ​ളി​ൽ പ്ര​വ​ത്തി​ക്കു​മ്പോ​ഴാ​ണ് പ​ഴ​യ സ​ബ് ര​ജി​സ്ട്രാ​ർ ഓ​ഫി​സ് കെ​ട്ടി​ടം നോ​ക്കാ​ൻ ആ​ളി​ല്ലാ​തെ ന​ശി​ച്ചു​കൊ​ണ്ടി​രി​ക്കു​ന്ന​ത്. പു​രാ​ത​ന​സ്മാ​ര​ക​മാ​യി കെ​ട്ടി​ടം സം​ര​ക്ഷി​ക്ക​ണ​മെ​ന്ന ആ​വ​ശ്യ​വും പ​രി​ഗ​ണി​ക്ക​പ്പെ​ട്ടി​ല്ലെ​ന്ന ആ​ക്ഷേ​പ​വും ശ​ക്ത​മാ​ണ്. പാ​ല​മേ​ൽ പ​ഞ്ചാ​യ​ത്ത് ഓ​ഫി​സ്, നൂ​റ​നാ​ട് പൊ​ലീ​സ് സ്റ്റേ​ഷ​ൻ, വി​ല്ലേ​ജ് ഓ​ഫി​സ്, മൃ​ഗാ​ശു​പ​ത്രി, സ​ബ് ട്ര​ഷ​റി, കൃ​ഷി ഓ​ഫി​സ്, വൈ​ദ്യു​തി ഓ​ഫി​സ് എ​ന്നി​വ ഇ​തി​നു സ​മീ​പ​ത്തു​ത​ന്നെ​യാ​ണ് പ്ര​വ​ർ​ത്തി​ക്കു​ന്ന​ത്.