ആലപ്പുഴ: നെഹ്റുട്രോഫി വള്ളംകളിക്ക് മുന്നോടിയായി നെഹ്റുട്രോഫിയും വഹിച്ചുള്ള വാഹനം വ്യാഴാഴ്ച ജില്ലയിലെ വിവിധ കേന്ദ്രങ്ങളില്‍ പര്യടനം നടത്തും. രാവിലെ ആലപ്പുഴ സബ് കലക്ടർ ഓഫിസില്‍നിന്നും ആരംഭിക്കുന്ന ട്രോഫി ടൂര്‍ മാതാ സ്‌കൂള്‍, കഞ്ഞിക്കുഴി എസ്.എല്‍.പുരം എച്ച്.എസ്.എസ്, ചേര്‍ത്തല ഗവ. ഗേള്‍സ് എച്ച്.എസ്.എസ്, ആര്യക്കര എ.ബി. വിലാസം സ്‌കൂള്‍, ആര്യാട് ലൂഥറന്‍ ഹയര്‍ സെക്കൻഡറി സ്‌കൂള്‍ എന്നിവിടങ്ങളില്‍ പര്യടനം നടത്തി വൈകീട്ട് ആലപ്പുഴ ഔട്ട് പോസ്റ്റിന് സമീപം സമാപിക്കും. പ്രത്യേകം സജ്ജീകരിച്ച വാഹനത്തിലാണ് ട്രോഫി ടൂര്‍. നാടന്‍ പാട്ട് സംഘവും അനുഗമിക്കും. വൈകീട്ട് നടക്കുന്ന സമാപനത്തില്‍ മ്യൂസിക് ഫ്യൂഷന്‍ പരിപാടി അരങ്ങേറും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.