മുഹമ്മ: അമിത വേഗതയിൽ വന്ന ബൈക്ക് കാറിൽ ഇടിച്ചു ഗ്ലാസ് തകർത്തത് ചോദ്യം ചെയ്ത കാർ ഉടമയുടെ ഭാര്യയെയും മകനെയും മർദിച്ചതായി പരാതി.
ആലപ്പുഴ _തണ്ണീർുക്കം റോഡിൽ മുഹമ്മ തുരുത്തൻ കവലയിൽ ഞായറാഴ്ച രാത്രിയിൽ ആണ് സംഭവം. തലയോലപ്പറമ്പ് കുഴിപ്പറമ്പിൽ ഷിയാദ്, ഭാര്യ ലൈല, മക്കളായ ഫർഹാൻ, ഫാരിസ് എന്നിവരാണ് കാറിൽ ഉണ്ടായിരുന്നത്.ആലപ്പുഴയിൽ ഉള്ള ഭാര്യ വീട്ടിൽ നിന്നും തലയോലപ്പറമ്പിലേക്ക് കാറിൽ പോകുകയായിരുന്നു ഷിഷിയാദും കുടുംബവും.
പുത്തനങ്ങാടി കവലയിൽ വെച്ച് അമിത വേഗതയിൽ വന്ന ബൈക്ക് ഇടിക്കുകയായിരുന്നു. ഇടിയിൽ കാറിൻ്റെ വലത് വശത്തെ സൈഡ് ഗ്ലാസ് തകർന്നു. പിന്നീട് ഇവരെ തുരത്താൻ കവലയിൽ വെച്ച് കാണുകയും ഇത് ചോദ്യം ചെയ്ത വൈരാഗ്യത്തിൽ കാറിൽ ഉണ്ടായിരുന്ന മകൻ്റെ കരണത്തടിക്കുകയും ഭാര്യ കഴുത്തിൽ പിടിച്ച് തള്ളുകയും ചെയ്യുകയായിരുന്നുവെന്ന് ഷിയാദ് പറഞ്ഞു.
കാറിൽ കയറി പോയില്ലെങ്കിൽ കൊന്നു കളയുമെന്ന് ഭീഷണിപ്പെടുത്തിയതായും ഷിയാദ് പറഞ്ഞു. ആക്രമണത്തിൽ പരിക്കേറ്റ ഷിയാദും കുടുംബവും വണ്ടാനം മെഡിക്കൽ കോളേജിൽ ചികിത്സ തേടി.കണ്ടാൽ അറിയാവുന്ന അഞ്ച് പേർക്ക് എതിരെ മുഹമ്മ പോലീസിൽ പരാതി നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.