വൈദ്യുതി ലൈനുകൾ പുനഃക്രമീകരിക്കാൻ ഫണ്ട് അനുവദിക്കണമെന്ന ആവശ്യം ശക്തം

മാ​ന്നാ​ർ: ചെ​ന്നി​ത്ത​ല തെ​ക്ക് ചി​ത്തി​ര​പു​ര​ത്തു​നി​ന്ന്​ മ​റ്റം മ​ഹാ​ദേ​വ ക്ഷേ​ത്ര​ത്തി​ലേ​ക്കു​ള്ള കെ​ട്ടു​കാ​ഴ്ച​ക​ളു​ടെ യാ​ത്ര സു​ഗ​മ​മാ​ക്കാ​ൻ വൈ​ദ്യു​തി തൂ​ണു​ക​ൾ, ലൈ​നു​ക​ൾ എ​ന്നി​വ പു​നഃ​ക്ര​മീ​ക​രി​ക്ക​ണ​മെ​ന്ന ആ​വ​ശ്യ​ത്തി​ന് ന​വ​കേ​ര​ള സ​ദ​സ്സ്​ പ​ച്ച​ക്കൊ​ടി കാ​ട്ടി​യെ​ങ്കി​ലും ഫ​ണ്ടി​നാ​യു​ള്ള കാ​ത്തി​രി​പ്പി​ലാ​ണ് പ്ര​ദേ​ശ​വാ​സി​ക​ൾ.

ചെ​ന്നി​ത്ത​ല-​തൃ​പ്പെ​രും​ന്തു​റ ഗ്രാ​മ​പ​ഞ്ചാ​യ​ത്തി​ലെ 18ാം വാ​ർ​ഡി​ലെ ചി​ത്തി​ര​പു​ര​ത്തു​നി​ന്നും മ​റ്റം മ​ഹാ​ദേ​വ ക്ഷേ​ത്ര​ത്തി​ലേ​ക്ക് പു​റ​പ്പെ​ടു​ന്ന കെ​ട്ടു​കാ​ഴ്ച​ക​ൾ ര​ണ്ട​ര​കി​ലോ​മീ​റ്റ​ർ ഇ​ടു​ങ്ങി​യ റോ​ഡി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്.

വീ​തി​കു​റ​ഞ്ഞ വ​ഴി​യാ​യ​തി​നാ​ൽ ഏ​ക​ദേ​ശം 1.5 കി.​മീ. വ​രു​ന്ന ഹൈ​ടെ​ൻ​ഷ​നും ബാ​ക്കി​യു​ള്ള​ത് ലോ​ടെ​ൻ​ഷ​ൻ ലൈ​നു​ക​ളു​മാ​ണു​ള്ള​ത്. ഇ​തെ​ല്ലം അ​ഴി​ച്ചു​മാ​റ്റു​ക​യും പി​ന്നീ​ട് കെ​ട്ടു​കാ​ഴ്ച​ക​ൾ നീ​ങ്ങി അ​മ്പ​ല​ത്തി​ൽ​ക​യ​റി​യ ശേ​ഷം പു​നഃ​സ്ഥാ​പി​ക്കു​ക​യും ചെ​യ്യു​മ്പോ​ൾ നേ​രം വൈ​കു​ക​യും സു​ര​ക്ഷ ന​ട​പ​ടി​ക​ൾ പാ​ലി​ക്കാ​ൻ ക​ഴി​യാ​ത്ത സാ​ഹ​ച​ര്യ​വു​മാ​ണു​ള്ള​ത്. 250ഓ​ളം വീ​ടു​ക​ളു​ള്ള ഈ ​വ​ഴി​യി​ൽ 11 കെ.​വി, ലോ ​ടെ​ൻ​ഷ​ൻ ലൈ​നു​ക​ൾ രാ​ത്രി വൈ​കി വ​രെ​യും ഓ​ഫ് ചെ​യ്തി​ടു​ന്ന​ത് ഏ​റെ ബു​ദ്ധി​മു​ട്ടു​ണ്ടാ​ക്കു​ന്നു. അ​തി​നാ​ൽ ലൈ​നു​ക​ൾ ഒ​രു വ​ശ​ത്തേ​ക്കാ​ക്കി ഉ​യ​രം കൂ​ടി​യ പോ​സ്റ്റു​ക​ൾ സ്ഥാ​പി​ച്ച് ഇ​ൻ​സു​ലേ​റ്റ​ഡ് ക​ണ്ട​ക്ട​ർ സ്ഥാ​പി​ക്ക​ണ​മെ​ന്ന്​ ഒ​മ്പ​താം ന​മ്പ​ർ ചി​ത്തി​ര​പു​രം ക​ര​യോ​ഗ​ത്തി​നു വേ​ണ്ടി സെ​ക്ര​ട്ട​റി കെ. ​ഗം​ഗാ​ധ​ര​ൻ നി​വേ​ദ​ന​ത്തി​ലൂ​ടെ ആ​വ​ശ്യ​പ്പെ​ട്ട​ത്.

സ്ഥ​ലം എം.​എ​ൽ.​എ​യും മ​ന്ത്രി​യു​മാ​യ സ​ജി ചെ​റി​യാ​ന് നി​വേ​ദ​നം ന​ൽ​കി​യി​ട്ടു​ണ്ടെ​ന്നും ക​ര​യോ​ഗം ഭാ​ര​വാ​ഹി​ക​ളാ​യ കെ. ​ഗം​ഗാ​ധ​ര​ൻ, സി. ​പ്ര​ദീ​പ്, കെ. ​സ​ജീ​വ്, ജ​ന​കീ​യ​സ​മി​തി അം​ഗ​ങ്ങ​ളാ​യ മോ​ഹ​ന​ൻ ജി. ​പ​ട​ക​ത്തി​ൽ, സു​ഭാ​ഷ് കി​ണ​റു​വി​ള​യി​ൽ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.