എറണാകുളം പുല്ലേപ്പടി സി.പി. ഉമ്മർ റോഡിന്
സമീപം മാലിന്യം നീക്കം ചെയ്യാതെ കിടക്കുന്നു
കൊച്ചി: പൊതുസ്ഥലത്ത് മാലിന്യം തള്ളിയതിന് സിറ്റി പൊലീസ് പരിധിയിൽ വ്യാഴാഴ്ച മൂന്ന് കേസ് രജിസ്റ്റര് ചെയ്തു. ഏലൂര്, എറണാകുളം സെന്ട്രല് പൊലീസ് സ്റ്റേഷനിലാണ് കേസെടുത്തത്. കളമശ്ശേരി ചേരാനല്ലൂര് കണ്ടെയ്നര് റോഡില് പുതിയ ആനവാതില് ജങ്ഷനില് വാഹനത്തിൽനിന്ന് ദ്രവ്യരൂപത്തിലുള്ള മാലിന്യം തള്ളിയതിനാണ് അസം സ്വദേശി ഇബ്രാഹിം അലിക്കെതിരെ (25) ഏലൂര് പൊലീസ് കേസെടുത്തത്. ഇയാള് ഓടിച്ചിരുന്ന വാനും പിടിച്ചെടുത്തു.
ഏലൂര് എച്ച്.ഐ.എല് കമ്പനിക്ക് തെക്കുവശം റോഡരികില് പച്ചക്കറി മാലിന്യം തള്ളിയ അസം സ്വദേശികളായ ആകാശ് കലിട്ട (26), അജയ് മൂറ (24), ലോഷന് ബോറ (23) എന്നിവർക്കെതിരെയും കേസെടുത്തു. എബ്രഹാം മാടമാക്കല് റോഡിൽ പണ്ഡിറ്റ് കറുപ്പൻ സ്മാരകമന്ദിരത്തിലേക്ക് പോകുന്ന റോഡിനു വടക്കുവശം തുറസായ സ്ഥലത്ത് ആശുപത്രി മാലിന്യം ഉപേക്ഷിച്ചനിലയിൽ കണ്ടെത്തിയ സംഭവത്തിലാണ് എറണാകുളം സെൻട്രൽ പൊലീസ് കേസ് രജിസ്റ്റർ ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.